Ŋigal. 5:11 - Ebaibul

¹¹ Nai aneni kaŋ ŋikaitotoi, ani karubak ayoŋ alimonokini atemar iitana akileŋeryo, kaanukiro bo eriŋa ŋituŋa ekesicanitotor ayoŋ? Kerae kikote nen, pa kepedorito ŋakiro ŋuna ka atwanare a Kristo alomusalaba ayaun ŋatyokisyo.

Ŋigal. 5:11 Iomraidhean Croise

Isa. 8:14

Ekapolon iŋes eruwor asegis, amoru ŋina iguwanakini ŋituŋa a Yudaya ka Isirael ka ataaba ŋina ibusonokini ikes. Eruwor iŋes aloc ka auno ŋinakisurumet ŋituŋa ŋulu iboiyete alo Yerusalem;

Ŋitic. 16:3

Acamit Paulo arukor ka iŋes; abu iŋes ya Timoteo kileŋer aŋuna a Ŋiyudayan a ŋulu ayakasi nakwapin ŋun, anerae ayenete ikes daadaŋ atemar arae papa a Timoteo Egirik.

Ŋitic. 21:21

Itatamikinitae ikes atemar ibu iyoŋ kitatam Ŋiyudayan daadaŋ ŋulu eyakasi nakwapin ŋuna a ŋituŋa a ŋulu nyerae Ŋiyudayan aesikin Ŋikisila a Moses, alimokin ikes atemar nyileŋerete ŋikusidwe kori nyiwuapito ŋitalyo a Ŋiyudayan.

Ŋitic. 21:28

Tocelut ikes temasi, “Ŋituŋa a Isirael, kiŋarakinae! Elo ekile ŋolo irimit akwap daadaŋ akitatam ŋituŋa daadaŋ akitoroniyar ŋituŋa a Isirael, Ŋikisila a Moses ka Akai ka Akuj na. Nabo tokona ayau iŋes tari ŋituŋa ŋulu nyerae Ŋiyudayan tooma Akai ka Akuj, ido etooŋoryan ne, neni imyekinitae aŋuna ka Akuj!”

1 Ŋikor. 1:18

Anerae akirot ŋina ke emusalaba erae abaŋao aneni a ŋituŋa a ŋulu ebukoro, nai aneni yok a ŋulu ikiiun erae apedor ŋina ka Akuj.

1 Ŋikor. 1:23

Nai tolimonokinetei bo isua ŋuna a Kristo a ŋolo aponi kibubukinoe, ŋolo erae akigukinet ananupit aneni a Ŋiyudayan ka ŋolo erae abaŋao alotuŋa a ŋulu nyerae Ŋiyudayan.

1 Ŋikor. 15:30

Kaanukiro ikiwuakinitor isua akiyar kosi natyokisyo ŋisaae daadaŋ?

Ŋigal. 2:3

Nai tari Tito, erukitos kaŋ ŋolo erae Egirik, aponi nyitiŋakin atemar kileŋerae.

Ŋigal. 3:1

Iyes Ŋigalatiyae, ŋibaŋaanotin! Ŋae ikirogat iyes? Arae kiŋaren kus a ŋilopeyek aponere kisileereunere ŋakiro ŋuna ka atwanare a Yesu Kristo alomusalaba!

Ŋigal. 4:29

Nai alorwa a ŋul, esicaneene esapat ŋolo edounio alopite a ŋolo a ŋituŋa a daadaŋ esapat ŋoloce ŋolo edounitoe aŋuna ke Etau a ŋolo ka Akuj ka ikote tokona daŋ nenipei.

Ŋigal. 6:12

Ŋituŋa ŋulu ikatakinito akitiŋakin iyes akileŋeryo, ikes ecamito akitoodiuna erae ŋulu ajokak alokiŋaren ŋituŋa. Itiyaete ikes ŋun, ikotere nyisicani ikes aŋuna a ŋakiro a ŋuna ke emusalaba a Kristo.

Ŋigal. 6:17

Erikakini: nyitemokino nabo idiotuŋanan ekesican ayoŋ, anerae itoodiunito ŋapores ŋuna anakuwan kaŋ atemar arae ayoŋ epito ŋolo a Kristo.