Ŋigal. 5:10 - Ebaibul

¹⁰ Alotooma Ekapolon, ekekinyomit ayoŋ iyes, nyiyakaunotor ŋatameta ŋace. Nai ituŋanan daadaŋ ŋini ikibatarit iyes, tari kerae iŋes ŋae, etubokini Akuj iŋes a ŋun.

Ŋigal. 5:10 Iomraidhean Croise

Ŋitic. 15:24

“Eirar isua atemar kepotu ŋituŋa ŋice ŋulu anatukot kosi potu inaa akican ka akisigurya ŋatameta kus aŋuna kirworito ikes; nai pa alimokinitae isua ikes akitiya ŋun.

1 Ŋikor. 5:5

Itemokino iyes nai apaki ŋin kipotokis ituŋanan ŋin neni a Satan, ikotere kinyasunae akuwan keŋ, ido toiunae etau keŋ Akoloŋit ŋina ke Ekapolon.

2 Ŋikor. 1:15

Aŋuna ayenia ayoŋ nooi ŋuna alosikinit, iŋes acamitor abunore mono neni kus, ikotere toryamut arereŋu ace nabo.

2 Ŋikor. 10:2

Ekelipit iyes nyikitiŋakis ayoŋ aryenyaaniar apaki ŋina adolunio inaa! Ayeni ayoŋ kire atemar apedori aryenyaanikin ŋituŋa ŋulu ikisitanakinete isua ebasi ebe ikitiyae alopite a ŋolo ka akwap a na.

2 Ŋikor. 10:6

Ani nai kidaut iyes akitoodiun atemar ipupete ŋuna ikilimokin, etenio isua akisican daadaŋ ŋulu nyepupete ŋuna elimokinitae ikes.

2 Ŋikor. 13:10

Egiri ayoŋ nu eriŋa alwana aneni kus, ikotere ani abuni, nyadedeŋiar alopite a ŋolo esitiyaa apolou ŋina abu Ekapolon okoinak ayoŋ aŋuna ka adukunio, nai meere akielielaar iyes.

2 Ŋikor. 2:3

Iŋes nai abunio ayoŋ egiria abaruwa ŋin neni kus. Pa acamit ayoŋ abunore neni kus, ido ekesiyaloloŋ ayoŋ ŋituŋa ŋulupei etemokino eketalakasi ayoŋ. Anerae acamunit kire ayoŋ atemar, ani alakara ayoŋ, iŋes atemar ilakara iyes daadaŋ.

2 Ŋikor. 2:6

Ituŋanan ŋini ikoni ŋin, akisican anatukot iŋes epedori.

2 Ŋikor. 5:16

Ameun tokona, nyeriŋa isua ikitubokini idiotuŋanan alopite a ŋolo a ŋituŋa a ŋulu ka akwap. Tari erae kikiyenunit isua Kristo kocooloŋ alopite a ŋolo ka akwap a na, nyeriŋa tokona ikiyeni iŋes alopite a ŋol.

2 Ŋikor. 7:16

Alelyani ayoŋ nooi, anerae ekekinyomit ayoŋ iyes nooi!

2 Ŋikor. 8:22

Aŋun, ikiyakuunit isua lokaato kosi kaapei ka ikes; adaun isua akirot iŋes ŋarwa ŋuna alalak ka ikiryamu iitanit nooi akiŋarakin anakiro a ŋuna alalak. Nai tokona, eyatakin nooi akiitanit keŋ aŋuna ikikinyomitor iŋes iyes.

Ŋigal. 1:7

Nai kire, emam Ŋakiro “Ŋuna Ajokak ŋace;” ŋituŋa ŋice bon ŋulu ikicanito iyes eyakasi, ŋulu ikatakinito akijulakin Ŋakiro ŋuna Ajokak ŋuna a Kristo.

Ŋigal. 2:4

Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

Ŋigal. 2:6

Nai ikes ŋulu asibito ŋikarikok, apotu nyakalimokis ayoŋ ŋakiro ŋace ŋuna kitet. (Aneni kaŋ, nyerae ikes ŋikarikok, aŋuna ke epite a ŋolo paaran ayakatar ikes; anerae nyetubonokini Akuj aŋuna ke etakane.)

Ŋigal. 3:1

Iyes Ŋigalatiyae, ŋibaŋaanotin! Ŋae ikirogat iyes? Arae kiŋaren kus a ŋilopeyek aponere kisileereunere ŋakiro ŋuna ka atwanare a Yesu Kristo alomusalaba!

Ŋigal. 4:11

Akabulit ayoŋ aŋuna kus! Apolou keŋ mono atemar etic daadaŋ ŋolo etiya ayoŋ aŋuna kus aruwor ekoŋinait a?

Ŋigal. 4:17

Ecamito nooi ŋituŋa ŋuluce ŋul akiriwor iyes, nai nyejokak ŋuna iwarito ikes. Ŋuna make iwarito ikes, erae ŋuna ka atyakar iyes aneni kaŋ, ikotere icamunete iyes arukit ka ikes.

Ŋigal. 4:20

Kerae ca tokona orukito iwon, kaanyu ayoŋ epite ece ŋolo ekesirworya iyes! Nyayeni ayoŋ ŋuna kitiya aŋuna kus!

Ŋigal. 5:12

Tolimokisi ŋituŋa ŋulu ikibatarito iyes, ŋulu ecamito akileŋeryo ŋul, kidoŋos daŋ make!

Ŋigal. 5:7

Ilosete paaran iyes ananupit kus ejok! Ŋae ikiretak iyes anakiwuapit ŋakiro ŋuna a kire?

Ŋigal. 6:17

Erikakini: nyitemokino nabo idiotuŋanan ekesican ayoŋ, anerae itoodiunito ŋapores ŋuna anakuwan kaŋ atemar arae ayoŋ epito ŋolo a Kristo.

Ŋipil. 3:15

Itemokino iwon daadaŋ ŋulu ikiyeni ejok ŋakiro ŋuna ka Akuj opakito anatameta ikwaŋinapei. Nai ani kiyakatar iyes ŋice atametait ŋina egelaana, ikisileerekini Akuj iyes tari ŋun.

2 Ŋites. 3:4

Ikikinyomit isua Ekapolon aŋuna kus atemar itiyaete ka irubakinete itiyaete ŋuna adaun isua akicikakin iyes.

1 Tim. 1:20

Ŋice alokidiŋ ŋul ikes Umenayo ka Alekisanda, ŋulu adau ayoŋ akipotokin neni a Satan; ikotere itatamete ŋun ikes ajoŋore ŋiyany kec.

Pil. 1:21

Ekegirakinit ayoŋ iyoŋ abaruwa, anerae ayeni atemar iwuapi iyoŋ ŋakiro ŋuna akalimokini ayoŋ iyoŋ--ka itiyakini tari ŋuna iloito ŋun.