Ŋigal. 4:9 - Ebaibul

⁹ Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo?

Ŋigal. 4:9 Iomraidhean Croise

1 Ŋirw. 8:43

ekelipit kiira anakuj aneni erae akibois ŋina iboiyo iyoŋ, ido kitiya lopite daadaŋ ŋolo ikinyaritor iyoŋ igelaanot ŋin, ikotere ŋituŋa daadaŋ anakwap eyenunete ekiro kon ka ikikerete iyoŋ, lopite ŋolo ikikeritotor ŋituŋa kon Ŋisirael. Ŋakiro ŋun nai ikes iteyenikinete ŋituŋa atemar adaun akituruwor Akai na ŋina adau ayoŋ akiduk ŋinakilipet neni kon.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 9:10

Ikikinyomete iyoŋ Ekapolon ŋulu eyenete ekiro kon, anerae nyimyekini iyoŋ Ekapolon ikes ŋulu epote neni kon.

Awos. 33:17

Tema Ekapolon neni a Moses, “Acamuni ayoŋ ŋakiro ŋun, ŋuna ilipa iyoŋ; anerae ijokiar iyoŋ aneni kaŋ ka ayeni ayoŋ ekiro kon.”

Ŋakit. 2:5

nen nai iyenunia iyoŋ akitopoloorit Ekapolon ka nen iryamunia iyoŋ aosou ŋina ka Akuj.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Luk. 5:38

Nai etikanakinio ewinyiwiny lotwol ŋulu kitet!

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Yoa. 10:27

Epupete ŋamesekin kaŋ ekaatoil, ayeni ayoŋ ikes ka ekewuapito ayoŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Ŋirom. 8:29

Abu Akuj keseu ŋituŋa ŋulu sek aris ketyaka nawae toyakaunos ikwaŋina eyakar Lokoku keŋ, ikotere nai Lokoku keŋ eruwor ŋolo eŋarenon alokidiŋ ŋikaitotoi ŋulu alalak.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

1 Ŋikor. 13:12

Ibore ŋini ikite iwon tokona ikoni etorube ŋolo emuimui anaroet, nai moi, ikianyuni iwon Akuj; ŋuna ayeni ayoŋ tokona erae ŋuna eriŋa nyirikakina, nai moi, ayenuni ejok lopite ŋolopei akayenia Akuj ayoŋ.

1 Ŋikor. 15:34

Itemokino tokyenyut, tojoŋoto asecesec, anerae nyeyenete ŋice alokidiŋ kus Akuj. Alimunit ayoŋ ŋun akisirum iyes ŋileec.

1 Ŋikor. 8:3

Nai ituŋanan ŋini emina Akuj, eyeni Akuj iŋes.

2 Ŋikor. 11:20

Idaŋito iyes ituŋanan ŋini ikitusubunit iyes ŋipi kori ŋini ikinipit kori ikilokit kori ikijamuwarit kori ikibapabapae iyes.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Ŋigal. 3:3

Ikokinete iyes iraakasi ŋibaŋaanotin ai? Ipotu iyes togeut alotooma Etau ŋolo ka Akuj; nai icamito tokona iyes aŋetakin kan apedor kus bon a ŋilopeyek?

Ŋigal. 4:3

Ikwaŋinapei, ikipotu iwon daŋ eriŋa nyeyenuna ŋuna a kire, oruworos ŋipi ŋulu a ŋipyan a ŋulu ipukato akwap.

Ŋiep. 1:17

Elipenene ayoŋ Akuj ŋina ke Ekapolon yok Yesu Kristo, Papa ŋolo eyai apolou daadaŋ, ikiinak iyes aosou ka ŋakitoodyanakineta, ikotere toyenut iyes iŋes ejok.

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

Ŋibur. 7:18

Aŋun, ekisar ekisil ŋoloŋorot, anerae emam ibore ŋini ikitaanyu ka erae ekoŋinait;

2 Pet. 2:20

Ani kebucun ŋituŋa anapedorosyo a ŋuna aronok a ŋuna ka akwap, alotooma ayenut Ekapolon ka Ekaiunan yok Yesu Kristo, ido kikamut ka kilout ŋuna aronok ikes nabo, eruwor ŋituŋa ŋul ŋulu aronok nooi akilo eyakae kec ŋolo sek ke ekiŋaren.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.