Ŋigal. 4:4 - Ebaibul

⁴ Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

Ŋigal. 4:4 Iomraidhean Croise

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

Isa. 48:16

Potu diyete kaŋ, kiirasi ŋakiro nu! Ŋinapei anakisyakinet nyirworo ayoŋ anakimunono, ayai ayoŋ ŋinapei anakisyakinet. Ekeyaku tokona ayoŋ Ekapolon kaapei ka etau keŋ.”

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Sakar 6:12

Tolimok iŋes atemar, ebala Ekapolon ŋolo Etiron ebe, ‘Ekile ŋolo enyaritae Ateni iŋes lo, epetari iŋes anakibois keŋ, ikwa ateni ŋina ke ekitoe, ido edukokini iŋes Akai ŋina ke Ekapolon.

Mal. 3:1

Ebala Ekapolon ŋolo Etiron ebe, “Kiirasi, eyakuuni ayoŋ ekiyakia kaŋ akitemonokin erot eriŋa ayoŋ nyebuno, ido nai bu pa iyenete iyes Kai keŋ, Ekapolon ŋolo iwarito iyes. Ebuni ekiyakia ŋolo icamito iyes aanyun, ido iserae iŋes ŋakiro ŋuna ka Acamunet kaŋ.

Ekim. 28:22

emaikina daŋ yaunae ekoroe epei ikwapei ainakinet aŋuna ka asecit aŋuna ka amookunia iyes.

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Mat. 3:15

Nai toboŋok Yesu iŋes tema, “Kimyek kitiyakin ikona tokona. Anerae erae epite lo iŋes ikisiyookinio iwon ŋuna ecamit Akuj daadaŋ.” Kimyek nai iŋes kitiyakin.

Mat. 5:17

“Nyitamete atemar kori abunit ayoŋ alemar Ŋikisila a Moses ka ŋakiro ŋuna etatamete ŋikadwarak. Nyabunit ayoŋ akikisar ikes, nai akisiyookin.

Mar. 1:15

ebala, “Adolu apaki, aapuu Apukan ka Akuj. Tokiwa ŋasecisya kus, tonupa Ŋakiro ŋuna Ajokak!”

Luk. 1:31

ipotiuni iyoŋ kidou ikoku ŋini sapat, tolimok ekeekiro Yesu.

Luk. 1:35

Toboŋok emalaika tema, “Ebuni Etau ŋolo Asegan neni kon, nabo ikirapuwari iyoŋ apedor ŋina ka Akuj a ŋina alokidiama, ikwa aribo ŋina ke edou. Aŋun, ikoku ŋini idouni iyoŋ, eruwor ŋini ka Akuj ka enyarao Lokoku ka Akuj.

Luk. 2:7

Kidou iŋes ikoku keŋ ŋini sapat ŋini kiyae, kimukok ŋilowi, kiperik iŋes nataker ŋina amasyata ŋaatuk, anerae amam ikes neni perot ka adidiŋ akai ŋina a ŋipeyok.

Luk. 20:44

Ani kenyarit Daudi iŋes ‘Ekapolon;’ ikokini nai iŋes eruwor lokoku keŋ ai?”

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 10:36

Ani nai kikote nen, ikokinete iyes ai ibasi, ‘Iyanyi iyoŋ Akuj!’ anerae abu ayoŋ olimu atemar, ‘Arae Ayoŋ Lokoku ka Akuj,’ ikwapei araakar ayoŋ abu Akuj okotyaku ekeyakuu nakwap.

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Yoa. 6:38

anerae nyabunit ayoŋ anakuj akitiya acamit kaŋ, nai akitiya acamit a ŋolo ekeyakuunit ayoŋ.

Yoa. 8:42

Toboŋok Yesu ikes tema, “Kerae torae Akuj Papa kus, kikiminasi iyes ayoŋ, anerae abunit ayoŋ aneni ka Akuj. Pa abunit ayoŋ aŋuna kaŋ, nai iŋes ekeyakuuni ayoŋ.

Ŋitic. 1:7

Tolimok Yesu ikes tema, “Etubunit Akuj Papa ŋirwa ka ŋapakio keŋ. Nyerae ŋuna kus ayenut ŋuna itemokinit iŋes anapedor keŋ.

Ŋirom. 1:3

Erae ŋakiro ŋun ŋuna a Lokoku ka Akuj a ŋolo erae Yesu Kristo Ekapolon yok. Alokuwane, erae iŋes eletonit ŋolo a Daudi.

Ŋirom. 15:8

Anerae akalimokini ayoŋ iyes atemar abu Kristo toruwor eketiyanakinan aneni a Ŋiyudayan kitoodiunia atemar erae ŋakiro ŋuna ka Akuj ŋuna a kire, isiyoonokini iŋes ŋakiikineta keŋ neni atapapaa.

Ŋirom. 5:6

Anerae ani eriŋa iwon ikipalag aŋuna ikipukator asecit iwon, abu Kristo totwan aŋuna yok a ŋikasecak apaki ŋina aseunit Akuj.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

Ŋirom. 9:5

Erae ikes ŋiletok ŋulu atapapaa yok a ŋulu apolok nooi a ŋulu elimokinitae ŋirorwa kec lokabilae a ŋituŋa ka Kristo daŋ alopite a ŋolo araakar iŋes ituŋanan, arae ŋolo anateker kec. Kipuroe Akuj ŋina ipukat daadaŋ, ŋikaru ka ŋikaru! Amen.

Ŋiep. 1:10

Irikakini Akuj alosikinet ŋin apaki ŋina itemokinor. Alosikinet ŋin, iŋes acunakin ŋisubuna daadaŋ iwapei, ibore daadaŋ ŋini eyai nakuj ka ŋini eyai kwap, ido toruwor Kristo Ekapolon kec.

Ŋikol. 2:14

Abu kikisa ŋamicae yok ŋuna egiritae ka ŋikisila ŋulu etogogoŋito ŋun; kikisa iŋes ikes jik anakibubukin ikes lomusalaba.

1 Tim. 2:6

Abu iŋes elope tojal akiyar keŋ aiunia ŋituŋa daadaŋ. Ŋakiro ŋun, ikes apotu toruworos akitoodikinet anapaki a ŋina eyookino atemar ecamit Akuj aiun ŋituŋa daadaŋ.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋibur. 2:14

Aŋuna eraakatar ŋituŋa ŋulu enyarit iŋes ŋidwe, ŋulu eya ŋawat ka ŋaokot, abu Yesu tomora ka ikes ekuwane ŋol; ikotere alotooma atwanare keŋ inyasuni Satan ŋolo epolokinit atwanare.

Ŋibur. 9:10

anerae etapito ikes ŋitalyo ŋulu italeunitere akuwan bon ikwa ŋamuja ka ibore ŋini emasyo ta ŋace ŋuna alalak ŋuna emookere ŋitalyo. Nai edaunosi ŋun apaki ŋina isyakinia Akuj akituruwor ŋinibore ŋini ekitetyana.

1 Yoa. 4:14

Ikianyu ka ikiteyenik daŋ atemar eyaku Akuj Papa Lokoku keŋ aruwor Ekaiunan ŋolo ka akwap.

1 Yoa. 4:2

Epite lo iyenuniata iyes Etau ŋolo ka Akuj: ituŋanan daadaŋ ŋini elimori atemar abu Yesu Kristo bu erae ituŋanan, erae iŋes ŋini ka Akuj.