Ŋigal. 4:3 - Ebaibul

³ Ikwaŋinapei, ikipotu iwon daŋ eriŋa nyeyenuna ŋuna a kire, oruworos ŋipi ŋulu a ŋipyan a ŋulu ipukato akwap.

Ŋigal. 4:3 Iomraidhean Croise

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Yoa. 8:31

Tolimok Yesu Ŋiyudayan ŋulu anupito iŋes tema, “Ani kiricakis iyes ŋakiro kaŋ, iraakasi kire iyes ŋikasyomak kaŋ.

Ŋitic. 15:10

Aŋun, kaanukiro nai ikatakinitotor iyes akitoŋo Akuj alotooma akisiwuok ŋikanupak ŋigogoso ŋulu pa apedorito atapapaa yok kori iwon daŋ akiwuok.

Ŋirom. 7:14

Ikiyeni iwon atemar erae Ŋikisila ŋulu eponito aneni ka Akuj, nai arae ayoŋ ituŋanan ŋini apalag ŋini akagyelaritae nasecit arae epito.

Ŋirom. 8:15

Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

2 Ŋikor. 11:20

Idaŋito iyes ituŋanan ŋini ikitusubunit iyes ŋipi kori ŋini ikinipit kori ikilokit kori ikijamuwarit kori ikibapabapae iyes.

Ŋigal. 2:4

Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

Ŋigal. 3:19

Arae nai nyo etic a Ŋikisila? Aponi kiyatakinae Ŋikisila nakiikinet akitoodiunia ibore ŋini erae asecit ka etemokino kiboiyoto ikes akitodol abunore ŋina ke eletonit a ŋolo ka Aburaam a ŋolo aris Akuj kiik. Apotu ŋimalaikan kikobut Ŋikisila kwap, kisitorut neni a Moses, a ŋolo arae ekemorikinan Akuj ka ŋituŋa.

Ŋigal. 4:2

Ani eriŋa iŋes edit, eyakasi ŋikilyok ŋulu iyokiyete iŋes, topolokinito ŋakiro keŋ daadaŋ akitodol apaki ŋina itemokinit papa keŋ.

Ŋigal. 4:24

Eyenun ŋakiro ŋun erae akitaanyikinet. Ikote ŋaberu ŋunaarei ŋun Ŋacamuneta ŋunaarei. Ŋina edounitoe ŋidwe keŋ anapitoonut erae Agar ka ikoni iŋes Acamunet ŋina etiyao alomoru a ŋolo enyaritae Sinai.

Ŋigal. 4:25

Agar na ŋina isikwaanitae ka emoru Sinai ŋolo eyai nakwap ŋina ka Arabia, ikoni Yerusalem ŋolo a tokona, ŋolo erae epito kaapei ka ŋituŋa keŋ daadaŋ.

Ŋigal. 4:31

Aŋun nai ŋikaitotoi, nyikirae iwon ŋidwe ŋulu ka apito, nai ikirae ŋidwe ŋulu ka aberu a ŋina nyerae apito.

Ŋigal. 4:8

Koloŋ sek, pa iyenete iyes Akuj, ido ipotu toruworos ŋipi ŋulu a ŋakujo a ŋuna nyerae Akuj ŋina a kire.

Ŋigal. 4:9

Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo?

Ŋikol. 2:20

Idaut iyes atwakare ka Kristo ka ikilacakin iyes aneni a ŋipyan a ŋulu ipukato akwap. Kaanukiro nai iyaryata iyes esibit ŋikaakwap a na? Kaanukiro ipupyoto iyes ŋikisila ŋulu ikote lu:

Ŋikol. 2:8

Nyicamut nai idiotuŋanan ikisupari iyes alotooma aosou a ŋituŋa ŋina erae amodiyo ŋina koŋinait, ŋina ebunit anakitatam a ŋituŋa ka aneni a ŋipyan a ŋulu ipukato akwap na, meere aneni a Kristo.

Ŋibur. 5:12

Kire, etemokino iyes tokona toraakas ŋiketatamak, nai iitanito nabo iyes akitatamo ŋakiro ŋuna egeunio akitatam anakiro ka Akuj. Ikokis iyes ŋidwe; akilo akinyam akimuj, eriŋa iitanito akinak.

Ŋibur. 7:16

Pa abu iŋes toruwor esacaradoti alopite a ŋolo acamakinitotor Ŋikisila aŋuna ka ateker keŋ, nai abu toruwor esacaradoti aŋuna ka apedor a ŋina ka akiyar a ŋina nyedaun.