Ŋigal. 4:27 - Ebaibul

²⁷ Anerae ebasi Ŋakigireta ebe, “Tolakari iyoŋ aberu ŋina ikolupana! Tocelu ka kiworok ka alelyan, iyoŋ ŋina nyeanyuna aryeba ŋina ka akidoun! Anerae eryamuni aberu ŋina abu lokile keŋ toesik ŋidwe ŋulu alalak, akilo aberu ŋina eyakar ekile!”

Ŋigal. 4:27 Iomraidhean Croise

2 Sam. 13:20

Kiŋit Abusalom lokaato keŋ iŋes tema, “Ikirat iyoŋ Aminon lokaapa kon a? Kililiŋ iyoŋ ikaato kaŋ, erae Aminon ikaapa kon. Kiurya nyikinomosi ŋakiro ŋun etau.” Abu nai Tamar kidoŋ nen, kiboi alokai ka Abusalom alokaato keŋ erae aberu ŋina pa acamit ayakau lotuŋa ŋuluce.

Ŋikiru. 113:9

Einakini ŋidwe neni ka aberu a ŋina emam ŋidwe einakini iŋes aruwor aberu ŋina elakara aŋuna a ŋidwe. Kipuroe Ekapolon!

Isa. 49:21

Itamakinete nai iyes alotai kus ebe, “Ŋae keuri ŋidwe lu aŋuna kosi? Aponi isua ikiteryamun ŋican, ikitusubun ŋikolupanotin, aponi isua ikirikor nakwapin, ikilemar a ne, ŋae nai kitopolouni ŋidwe lu? Aponi kimyekinae Sion esil, nai ai aponiata ŋituŋa lu etya ne?”

Ŋigal. 4:19

Ŋidwe kaŋ ŋuluminan, aryeba ayoŋ nabo aŋuna kus ikwa eryebar aberu idouni; aryeba ayoŋ akitodol ŋina iruworotor iyes ŋulu ipakito anakiro a Kristo.

1 Tim. 5:5

Apuserut ŋina erae iŋes bon, ŋina emam kire jik ituŋanan ŋini iŋarakinit, iŋes igeno neni ka Akuj, erubakini ilipi ka imaimai Akuj, nakwaare ka naparan.

1 Sam. 2:5

Ilejilejete tokona akimuj ŋituŋa ŋulu paaran ayakatar akimuj, nai nyeriŋa akoro enyamit ŋulu anyamit akoro, adau aberu ŋina amamu ŋidwe auruun ŋidwe ŋikanikaarei, nai aberu ŋina sek ayakar ŋidwe ŋulu alalak, mam ipei daŋ idoŋit.