Ŋigal. 4:26 - Ebaibul

²⁶ Nai Yerusalem ŋolo anakuj, nyerae epito ka erae toto yok.

Ŋigal. 4:26 Iomraidhean Croise

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 65:18

Nai tolakaros ka tolelyana ŋikaru ka ŋikaru aŋuna a ŋiboro a ŋulu asubuni ayoŋ, anerae eapi ayoŋ asubun Yerusalem ikwapei neni eyai alelyanu kaŋ, neni eyai alakara kaŋ lotuŋa keŋ.

Isa. 66:10

Tolelyana ka Yerusalem ka tolakaros aŋuna keŋ, iyes daadaŋ ŋulu iminasi iŋes, Tolelyana ka iŋes analelyanu keŋ iyes daadaŋ ŋulu iyaloloŋete aŋuna keŋ,

Osea 2:2

Ŋidwe kaŋ, kisirworiutu toto kus, kisirworiutu iŋes, anerae nyeriŋa iŋes erae aberu kaŋ ka nyeriŋa ayoŋ arae ekile keŋ. Tolimokisi tojoŋo alaerekinit amalao keŋ, tojoŋo alomenen.

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Osea 4:5

Ikibuli iyes naparan, ŋikadwarak daŋ ebuli kaapei ka iyes nakwaare, ido enyasuni ayoŋ isirael akwap kus.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Yoa. 8:36

Ani kikilacak iyes Lokoku ka Akuj, ikilacakin iyes kire.

Ŋirom. 6:14

Nyikipukat asecit iyes, anerae nyikipukato iyes Ŋikisila, nai ikipukat ajokis ŋina ka Akuj.

Ŋirom. 6:18

Aponi itolacakin iyes anasecit, ido idaut aruwor ŋipi ŋulu ka akiyookino, ŋulu itiyaete aŋuna ka Akuj.

Ŋigal. 4:22

Ebasi ikes ebe ayakar Aburaam ŋidwe ŋulusapa ŋiarei, epei arae lokoku ka aberu a ŋina arae apito, epei arae lokoku ka aberu a ŋina pa arae apito.

Ŋigal. 4:25

Agar na ŋina isikwaanitae ka emoru Sinai ŋolo eyai nakwap ŋina ka Arabia, ikoni Yerusalem ŋolo a tokona, ŋolo erae epito kaapei ka ŋituŋa keŋ daadaŋ.

Ŋigal. 5:1

Ikilacak Kristo iwon, aŋun, nyitemokino nabo iwon eboiyoto ikwa ŋipi. Torubakisi nai icasito iraakasi ŋituŋa ŋulu elacakina ka nyicamut aruwor ŋipi nabo.

Ŋipil. 3:20

Nai ikirae iwon ŋituŋa ŋulu anakuj ka idaritae Ekaiunan, Ekapolon Yesu Kristo abunore anakuj.

Ŋibur. 12:22

Nai ipotu iyes lomoru ŋolo enyaritae Sion, lotaun ŋolo apolon ŋolo ka Akuj a ŋina eyari, Yerusalem ŋolo anakuj, ŋolo eya ŋimalaikan ŋulu alalak.

1 Pet. 2:16

Kiboiyoto ikwa ŋituŋa ŋulu ilacakina, nai nyisitiyata alacakina kus akiwaitor aronis. Kiboiyoto ikwa ŋiketiyak ŋulu ka Akuj.

Akis. 12:1

Totakanu aanyunet ŋina apolon ŋina ka aumokin anakuj. Ayai aberu ŋina arae ekeelou akoloŋ ka ayakar elap kwap ŋakejen keŋ ka ebokot ŋolo a ŋikacer a ŋitomon ka ŋiarei nakou keŋ.

Akis. 17:5

Egiritae ikona loreet keŋ ekiro ŋolo imunono apolou keŋ, “Babilon ŋolo apolon nooi, toto a ŋamalaae ka ŋakiro ŋuna aronok anakwap daadaŋ.”

Akis. 21:2

Abu oanyuwa Etaun ŋolo apolon ŋolo ka Akuj, Yerusalem ŋolokitete, ebunit alokidiama aneni ka Akuj, itemokino ikwa ateran ŋina esirit aŋuna ka akisiryam lokile keŋ.

Akis. 3:12

“Iŋes ŋini ilouni, eturuwori ayoŋ iŋes epir alo Kai ka Akuj kaŋ; nyelomuni nabo iŋes kiŋa jik. Egirakini ayoŋ neni keŋ ekiro ŋolo ka Akuj kaŋ ka ekiro ŋolo ke etaun a ŋolo apolon, Yerusalem ŋolokitete, ŋolo ebunit anakuj aneni ka Akuj kaŋ; egirakini daŋ ekiro kaŋ ŋolokitete neni keŋ.