Ŋigal. 3:23 - Ebaibul

²³ Nai ani eriŋa nyedolo apaki ŋina ka anupit Kristo, apotu Ŋikisila ikiena iwon ikwa ŋimabus akitodol apaki ŋina etatakanunere anupit na.

Ŋigal. 3:23 Iomraidhean Croise

Yoa. 3:34

Ŋolo iyakuunit Akuj, iŋes irworo ŋakiro ŋuna ka Akuj, anerae ilelebikinit Akuj Etau ŋolo Asegan neni keŋ, pa ipimim.

Ŋirom. 11:32

Anerae agoloki Akuj ŋituŋa daadaŋ tooma aŋerit ŋakiro keŋ, ikotere itoodikinia akisyon keŋ neni kec a daadaŋ.

Ŋirom. 3:19

Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes.

Ŋigal. 3:19

Arae nai nyo etic a Ŋikisila? Aponi kiyatakinae Ŋikisila nakiikinet akitoodiunia ibore ŋini erae asecit ka etemokino kiboiyoto ikes akitodol abunore ŋina ke eletonit a ŋolo ka Aburaam a ŋolo aris Akuj kiik. Apotu ŋimalaikan kikobut Ŋikisila kwap, kisitorut neni a Moses, a ŋolo arae ekemorikinan Akuj ka ŋituŋa.

Ŋigal. 4:21

Ekeŋisi iyes ŋulu icamito akiwuapit Ŋikisila: nyipupete iyes ŋuna irworosi Ŋikisila a?

Ŋigal. 5:18

Nai ani kikitenit iyes Etau ŋolo ka Akuj, iŋes atemar nyikipukato iyes Ŋikisila.

Ŋibur. 11:13

Apotu ŋituŋa ŋul daadaŋ totwaka enupito. Apotu ikes nyeryamut ŋiboro ŋulu sek eikinit Akuj ikes, nai apotu toanyuwasi ŋiboro ŋul aneni elwana, tolakaros. Apotu tolimosi atemar erae ikes ŋituŋa ŋulu gelae ka ŋikawuotok anakwap a na.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.