Ŋigal. 3:14 - Ebaibul

¹⁴ Abu Kristo kitiya ŋun, ikotere alotooma keŋ einakinio ŋituŋa ŋulu nyerae Ŋiyudayan ŋarereŋisyo ŋuna abu Akuj kiik neni ka Aburaam, ikotere nai toryamunere iwon ŋulu ikinupit Kristo Etau ŋolo ikiikinit Akuj.

Ŋigal. 3:14 Iomraidhean Croise

Akisy. 22:18

ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon, anerae idau iyoŋ akiwuap ŋakiro kaŋ.’”

Isa. 32:15

akitodol akoloŋit ŋina iyakuunia Akuj etau alokidiama neni yok, ido eruwor aloŋisat akibois ŋina eya ŋimanikorin ŋulu araak ŋaraito ka ikwaanikin emanikor ŋolo araan ŋol ka amoni.

Isa. 41:8

Nai iyes Ŋisirael, ŋituŋa kaŋ, iyes ŋiletok a Yakob ŋulu adau ayoŋ aseun, iyes ŋiletok ka Aburaam a ekone kaŋ;

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Esek. 11:19

Ainakini ayoŋ ikes toyakaunotor etau epei, ewuakini ayoŋ etau ŋolokitete neni kec, alemari ayoŋ agogoŋu a ŋakyes kec aneni kec, oinak ikes ŋitai ŋulu iwuapito ŋuna abala ayoŋ,

Esek. 39:29

mam nabo jik nyaŋeri ayoŋ akisiŋolikin ikes apaki ŋina abukokinia ayoŋ etau kaŋ neni a Ŋisirael.”

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Luk. 11:13

Kipedorete nai iyes ŋulu iroko ainakin ŋidwe kus ibore ŋini ajokan, nyepedori nai Papa kus ŋolo anakuj ŋolo ejok nooi akilo iyes ainakin Etau ŋolo Asegan neni a ŋulu iŋitasi a?”

Luk. 24:49

Eyakuuni ayoŋ neni kus ŋolo ikiik Papa iyes. Nai itemokino iyes kidareut a ne alo Yerusalem, akitodol akoloŋit ŋina iryamuniata iyes apedor ŋina ebunit alokidiama.”

Yoa. 7:39

Alimuni Yesu ŋakiro ŋun aŋuna ke Etau a ŋolo aryamunete ŋulu enupito iŋes. Anapaki a ŋin ariŋa Etau nyeinakina lokanupak, anerae ariŋa Yesu nyitopolooro.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋitic. 4:12

Emam aiuno aneni a ice a daadaŋ, anerae emam ekiro ece anakwap a daadaŋ ŋolo einit Akuj ŋituŋa, ŋolo epedoryata ŋituŋa aiunor.”

Ŋitic. 5:32

Ikirae isua ŋisuudae ŋulu a ŋakiro a ŋun--isua ka Etau ŋolo Asegan, ŋolo einakinit Akuj neni a ŋulu iwuapito ŋakiro keŋ.”

1 Ŋikor. 12:13

Ikwaŋinapei, iwon daadaŋ tari kikirae Ŋiyudayan kori ŋituŋa ŋulu nyerae Ŋiyudayan, ŋipi kori ŋulu nyerae ŋipi, ikibatisae tooma nakuwan apei a Etau a ŋolopei a ŋol ka ikimori iwon Etau ŋolopei ŋol.

2 Ŋikor. 1:22

ewuak iŋes emacar keŋ neni yok ka ewuak Etau keŋ lotai yok erae ibore ŋini ikiteyenuni iwon atemar eryamunio ibore ŋini adau iŋes akiikin.

Ŋigal. 3:16

Nai tokona toyenete ebe, abu Akuj inak akiikinet keŋ neni ka Aburaam ka neni ke eletonit keŋ. Nyelimunito Ŋakigireta ebe “Ŋiletok”, iŋes atemar ŋituŋa ŋulu alalak, nai “Eletonit”, iŋes atemar ipeituŋanan bon, Kristo.

Ŋigal. 3:2

Tolimokinae ayoŋ akirot na apei: Ipotu mono iyes toryamut Etau ŋolo ka Akuj anakitiya ŋuna ecamito Ŋikisila kori anakiirar Ŋakiro ŋuna Ajokak, ido tonupa?

Ŋigal. 4:6

Aŋuna ka akitoodiun atemar iraakasi iyes ŋidwe keŋ, abu Akuj kiyaku Etau ŋolo a Lokoku keŋ tooma yok, Etau ŋolo iworoe ebala, “Papa! Apa kaŋ!”

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋiep. 2:22

Alotooma akimorikina ka Kristo, ikidukokin iyes daŋ kaapei ka ŋuluce naduketait ŋina iboiyo Akuj alotooma Etau keŋ.

Ŋiep. 3:16

Elipenene ayoŋ neni ka Akuj ikiinak iyes anabaru a ŋina a ŋarereŋisyo keŋ apedor ŋina kicaset alotai kus alotooma Etau keŋ

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.