Ŋigal. 3:10 - Ebaibul

¹⁰ Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Ŋigal. 3:10 Iomraidhean Croise

Akisy. 4:11

Anyoun tokona, iruwor iyoŋ ŋolo ilamam nooi, nyitae iyoŋ nabo ŋalup ŋuna apotu toŋaar kijuwasi ŋaokot alokaato kon a ŋolo ibu iyoŋ toar.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Yer. 11:3

Tolimok ikes ebe, Irworo Ekapolon Akuj a Ŋisirael atemar, icenen ituŋanan daadaŋ ŋini nyiwuapi ŋakiro a acamunet a na,

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Esek. 18:4

Toyenutu atemar ayoŋ ayakar apedor ŋina eyarya ŋinituŋanan, ayoŋ ayakar apedor ŋina eyarya ekauruunan ka ŋina eyarya ikoku. Ituŋanan ŋini eseci, iŋes bon emaikina totwana.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Ŋirom. 4:15

Anerae eyaunete Ŋikisila anyunyura ŋina ka Akuj erae kebila ŋituŋa Ŋikisila: nai neni emam Ŋikisila, emam Ŋikisila ebilyo.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

Ŋirom. 8:7

Aŋun, ituŋanan ŋini ipukato ŋipitesyo ŋulu ka aseconu, erae iŋes emoit ŋolo ka Akuj; anerae nyiwuapit iŋes ekisil ŋolo ka Akuj, kori daŋ nyepedori jik akiwuap.

2 Ŋikor. 3:7

Edeŋokinitoe Ŋikisila namoru, ido abu akica ŋina ka Akuj totakanu apaki ŋina epotunere ikes ka akwaŋ nooi akica aloreet a Moses, kilore Ŋisirael nyepedosi akitere iŋes. Ikwapei keponiata Ŋikisila ŋulu eyaunete atwanare torukut ka akica ŋina etya ŋin,

Ŋigal. 2:16

oyenete bo isua atemar elimori Akuj atemar iyookino ituŋanan alokiŋaren keŋ aŋuna ka anupit Yesu Kristo bon, meere aŋuna itiyaa ŋuna ecamito Ŋikisila. Isua daŋ, ikinupit Yesu Kristo, ikotere elimori Akuj atemar ikiyookino isua alokiŋaren keŋ aŋuna ka anupit kosi Yesu Kristo, meere aŋuna ka akitiya ŋuna ecamito Ŋikisila. Anerae emam ituŋanan elimoryo atemar iyookino alokiŋaren Akuj aŋuna itiyaa ŋuna ecamito Ŋikisila.

Ŋikis. 27:26

“‘Ilamam ituŋanan daadaŋ ŋini nyitopoloorit ŋakiro ŋuna a ŋikisila a lu aŋuna nyiwuapitor ikes.’ “Eboŋokinete ŋituŋa daadaŋ temasi, ‘Kiyookin ŋun.’ ”

Ŋikis. 29:20

nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.