Ŋigal. 2:4 - Ebaibul

⁴ Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

Ŋigal. 2:4 Iomraidhean Croise

Ŋikiru. 119:45

Ayari ayoŋ arae ŋolo eboi emam ŋace, anerae adau ayoŋ akikatakin akiwuap ŋakiciketa kon.

Ŋikiru. 51:12

Kinyakakinae ayoŋ alelyanu ŋina ka aiuno a ŋina aryamuni ayoŋ aneni kon, inakinae ayoŋ etau ŋolo iwuapit ŋakiro kon.

Isa. 51:23

Esicani ayoŋ ŋulu ikisicanito iyes, ŋulu adaut alimokin iyes ebe, ‘Topero alokwap, ikotere isua ikipudae iyes,’ ido ipotu iyes kituruwosi ŋakausinei kus neni ipudaete ikes ikwa akwap.”

Luk. 5:38

Nai etikanakinio ewinyiwiny lotwol ŋulu kitet!

Ŋitic. 15:1

Apotu ŋikilyok ŋice potu alo Yudaya tari Antiokio togeut akitatam ŋikanupak temasi, “Nyipedorete iyes aryamun aiuno, mati kikileŋeri ikwaŋina ecamakinitotor Ŋikisila a Moses.”

Ŋitic. 15:24

“Eirar isua atemar kepotu ŋituŋa ŋice ŋulu anatukot kosi potu inaa akican ka akisigurya ŋatameta kus aŋuna kirworito ikes; nai pa alimokinitae isua ikes akitiya ŋun.

Ŋitic. 20:30

Ebuni apaki ŋina elomuniata tari alokidiŋ kus ŋikalyokonok ŋice ecamito atemar kiwuapakis ŋikanupak ikes.

Ŋirom. 8:15

Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

2 Ŋikor. 11:13

Nyeraakasi ŋikilyok ŋul ŋikiyakia ŋulu a kire, eraakasi ŋikiyakia ŋulu alyokonok, ŋulu emodyanakinete ŋituŋa a ŋuna etapito etic kec. Itusubuna ikes ŋikiyakia a Kristo.

2 Ŋikor. 11:17

Kire, ŋuna alimunit ayoŋ tokona, meere ŋuna ecamit Ekapolon ayoŋ alimun, nai anakiro a nu a ŋuna eturor ayoŋ, erworo ikwa ebaŋaanot.

2 Ŋikor. 11:20

Idaŋito iyes ituŋanan ŋini ikitusubunit iyes ŋipi kori ŋini ikinipit kori ikilokit kori ikijamuwarit kori ikibapabapae iyes.

2 Ŋikor. 11:26

Analosit kaŋ ŋarwa ŋuna alalak, abu omin kidiŋ aronis ŋina a ŋaŋololin a ŋuna aleleete ka aronis ŋina a ŋikademanarak, aronis ŋina a Ŋiyudayan a ŋulu pei erae ŋikaatuŋa ka ŋina a ŋituŋa a ŋulu nyerae Ŋiyudayan; ayai aronis lotaunio, nariet, aronis ŋina a ŋanamyo ka aronis ŋina a ŋikonei a ŋulu alyokonok.

2 Ŋikor. 3:17

Erae nai Ekapolon Etau ŋolo ka Akuj ka neni eyai Etau ŋolo ke Ekapolon, eyai alacakina.

Ŋigal. 1:7

Nai kire, emam Ŋakiro “Ŋuna Ajokak ŋace;” ŋituŋa ŋice bon ŋulu ikicanito iyes eyakasi, ŋulu ikatakinito akijulakin Ŋakiro ŋuna Ajokak ŋuna a Kristo.

Ŋigal. 4:25

Agar na ŋina isikwaanitae ka emoru Sinai ŋolo eyai nakwap ŋina ka Arabia, ikoni Yerusalem ŋolo a tokona, ŋolo erae epito kaapei ka ŋituŋa keŋ daadaŋ.

Ŋigal. 4:3

Ikwaŋinapei, ikipotu iwon daŋ eriŋa nyeyenuna ŋuna a kire, oruworos ŋipi ŋulu a ŋipyan a ŋulu ipukato akwap.

Ŋigal. 5:1

Ikilacak Kristo iwon, aŋun, nyitemokino nabo iwon eboiyoto ikwa ŋipi. Torubakisi nai icasito iraakasi ŋituŋa ŋulu elacakina ka nyicamut aruwor ŋipi nabo.

Ŋigal. 5:10

Alotooma Ekapolon, ekekinyomit ayoŋ iyes, nyiyakaunotor ŋatameta ŋace. Nai ituŋanan daadaŋ ŋini ikibatarit iyes, tari kerae iŋes ŋae, etubokini Akuj iŋes a ŋun.

2 Tim. 3:6

Anerae ŋice alokidiŋ kec eloloto anakais a ŋituŋa, ido kibatasi ŋaberu ŋuna epalag ananupit kec ŋuna ileleba ŋasecisya, ŋuna iriyarit ekibure a ŋinibore a daadaŋ,

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

1 Pet. 2:16

Kiboiyoto ikwa ŋituŋa ŋulu ilacakina, nai nyisitiyata alacakina kus akiwaitor aronis. Kiboiyoto ikwa ŋiketiyak ŋulu ka Akuj.

2 Pet. 2:19

Iiyanakinete ikes ŋituŋa ŋuluce alacakina, torae bo ikes ŋipi ŋulu a ŋipitesyo a ŋulu amunaarak; anerae erae ituŋanan epito a ibore a daadaŋ a ŋini adau akiloun iŋes.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.