Ŋigal. 2:17 - Ebaibul

¹⁷ Nai ikwaŋinapei ikiwaritor isua ŋulu ikirae Ŋiyudayan akiyookino alokiŋaren Akuj anakimorikina ka Kristo, ikicamunit atemar ikiryamun isua ikirae ŋikasecak, lopite ŋolopei eraakatar ŋulu nyerae Ŋiyudayan ŋikasecak. Apolou mono a ŋakiro a ŋun atemar ikisimukekinit Kristo iwon akisec a? Mam jik!

Ŋigal. 2:17 Iomraidhean Croise

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Luk. 20:16

Ŋina ebunio iŋes eari ŋiketiyak ŋulu ke emanikor, tosodi inak emanikor loketiyak ŋice.” Ani iirarete ŋituŋa ŋakiro ŋun temasi, “Nyikiryama ca ka ŋun!”

Ŋirom. 11:7

Aŋakiro a ŋun, meere Ŋisirael daadaŋ apotu toryamut ibore ŋini ewarito, nai ŋidikudyo bon ŋulu abu Akuj toseu apotu toryamut; apotu ŋuluce kitogogoŋo ŋakyes towuout akiirar ŋakiro ŋuna ka Akuj.

Ŋirom. 15:8

Anerae akalimokini ayoŋ iyes atemar abu Kristo toruwor eketiyanakinan aneni a Ŋiyudayan kitoodiunia atemar erae ŋakiro ŋuna ka Akuj ŋuna a kire, isiyoonokini iŋes ŋakiikineta keŋ neni atapapaa.

Ŋirom. 3:4

Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe, “Apaki ŋina irworikinia iyoŋ Akuj, ileere atemar iyookino iyoŋ; ka iloununui iyoŋ ŋina ikisitakinere.”

Ŋirom. 3:6

Mam jik! Ani pa kiyookino Akuj, ikokini nai iŋes etubokini akwap ai?

Ŋigal. 2:11

Nai ani ebuni Petero Antiokio, abu ayoŋ etepeg iŋes alokiŋaren ŋikanupak daadaŋ, anerae eleere atemar pa eyookino ŋakiro ŋuna etiyat iŋes.

Ŋigal. 2:15

Kire, ikiuruunitae isua ikirae Ŋiyudayan, meere “Ŋituŋa ŋulu nyerae Ŋiyudayan ŋulu erae ŋikasecak”, ikwapei enyaritere ikes;

Ŋigal. 3:21

Apolou mono a ŋakiro a ŋun atemar itepegito Ŋikisila ŋakiikineta ŋuna ka Akuj a? Mam jik! Anerae ani kerae toryamunite ituŋanan Ŋikisila ŋulu epedorete ayaun akiyar, kepedo nai ŋinituŋanan aruwor ŋini iyookino alokiŋaren Akuj aŋuna ka akiwuapit Ŋikisila.

Ŋigal. 6:14

Nai aneni kaŋ, nyacamit jik akiturokin aŋuna a ŋacekiro, mati ŋuna ke emusalaba bon a ŋolo ke Ekapolon yok Yesu Kristo; anerae aŋuna ka atwanare keŋ alomusalaba, etwanit akwap alokiŋaren kaŋ ka atwanit ayoŋ alokiŋaren akwap.

Ŋibur. 8:2

Itiyae iŋes etic ŋolo eraakar Esacaradoti ŋolo Apolon nooi anakibois a ŋina asegan nooi, erae nen tooma eema ŋolo a kire ŋolo aduki Ekapolon, meere ŋituŋa.

1 Yoa. 3:5

Iyenete iyes atemar atakanuni Yesu alemar ŋasecisya ka emam asecit aneni keŋ.