Ŋigal. 2:14 - Ebaibul

¹⁴ Ani aanyuni ayoŋ atemar nyiwuapito ikes ŋuna a kire ŋuna elimunito Ŋakiro ŋuna Ajokak, abu ayoŋ erwor neni a Petero alokiŋaren ŋikanupak daadaŋ otema, “Irae iyoŋ Eyudayat, nai pa iboi iyoŋ ŋoon irae Eyudayat, nai ikwa ituŋanan ŋini nyerae Eyudayat. Ikokini nai iyoŋ ipedori areikin ŋituŋa ŋulu nyerae Ŋiyudayan akiboi ikwa Ŋiyudayan ai?”

Ŋigal. 2:14 Iomraidhean Croise

Ŋikiru. 141:5

Kimyek ituŋanan ŋini iyookino ekesican ayoŋ, erae ŋun arimao kimyek ŋulu ikinyoma eketatam ayoŋ akimyekin akitiya aronis; erae ŋun amina; nyikimyek ayoŋ oŋer amina ŋin, anerae elipi ayoŋ jwi jwi eteŋeriyorit ŋiticisyo a ŋulu itiyaete aronis.

Ŋikiru. 15:2

Erae ŋulu iboiyete pa itoronitae, ido kitiyaete ŋuna iyookino, ka kirworos ŋuna a kire alotai kec;

Ŋikiru. 58:1

Irworosi mono kire iyes ŋikepukak ŋakiro ŋuna iyookino a? Itubonokinete mono kire iyes ŋituŋa anakiyookino a?

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋakit. 10:9

Eyari ituŋanan ŋini iyookino erae ŋini eiuna, nai ituŋanan ŋini itiyae ŋuna nyiyookino, eripunio.

Ŋakit. 2:7

Eyakar Ekapolon aosou ŋina iloit daadaŋ aŋuna a ŋulu iyookino. Erae Ekapolon aupal a ŋulu iboiyete emam ŋuna itoroniyaritere.

Ŋilep. 19:17

“‘Nyimanit ŋiyeneta kon alotau kon. Tolimok ŋikidunyetkon itoŋoiyarit atemar idyakarito, erae ŋun ikotere nyeruworosi ikes ŋulu esecito.

Ŋitic. 10:28

Tolimok ikes tema, “Iyenete iyes ŋilopeyek epite ŋolo italeere ituŋanan ŋini Yudayat akipeyokin kori arukit ka ituŋanan ŋini gela. Nai eketoodik Akuj ayoŋ atemar nyitemokino abala idiotuŋanan erono kori nyeseg.

Ŋitic. 15:1

Apotu ŋikilyok ŋice potu alo Yudaya tari Antiokio togeut akitatam ŋikanupak temasi, “Nyipedorete iyes aryamun aiuno, mati kikileŋeri ikwaŋina ecamakinitotor Ŋikisila a Moses.”

Ŋitic. 15:24

“Eirar isua atemar kepotu ŋituŋa ŋice ŋulu anatukot kosi potu inaa akican ka akisigurya ŋatameta kus aŋuna kirworito ikes; nai pa alimokinitae isua ikes akitiya ŋun.

Ŋitic. 15:5

Nai temasi ŋikanupak ŋice ŋulu ka atukot a ŋina a Ŋiparisayon, “Itemokino ŋikanupak ŋulu nyerae Ŋiyudayan kileŋerae ka kitatamae kiwuapa Ŋikisila a Moses.”

Ŋirom. 14:14

Ayeni ka eketoodikinit ayoŋ Ekapolon Yesu atemar emam ibore ŋini nyeseg alotooma keŋ bon, nai ani kenup ituŋanan atemar nyeseg icebore, eruwor nai ibore ŋin ŋini nyeseg aneni keŋ.

Ŋigal. 1:18

Arae ekaku, kelunyar ŋikaru ŋiuni iŋes abunio ayoŋ olot Yerusalem aanyun Petero, eboiyoto ka iŋes ŋisabito ŋiarei.

Ŋigal. 1:6

Aumokinit ayoŋ aŋuna kus! Alotooma apaki ŋina auruwuanan, iesikis iyes Akuj ŋina abu ikinyarau iyes aŋuna ka ajokis a Kristo ka icamut Ŋakiro ŋuna Ajokak ŋace!

Ŋigal. 2:3

Nai tari Tito, erukitos kaŋ ŋolo erae Egirik, aponi nyitiŋakin atemar kileŋerae.

Ŋigal. 2:5

Nai aponi isua nyecamun ŋakiro kec tari iwadio, ikotere nai aŋuna kus erubakinete Ŋakiro ŋuna Ajokak erae ŋuna a kire.

Ŋigal. 2:7

Nai akilo ikes akiyatakin ŋakiro ŋace ŋuna kitet nakiro ŋuna abu ayoŋ erwor, apotu toyenut atemar keris Akuj kakainaki ayoŋ etic ŋolo ka alimonokin Ŋakiro ŋuna Ajokak lotuŋa ŋulu nyerae Ŋiyudayan, ikwaŋinapei keris keinakinia neni a Petero etic ŋolo ka alimonokin Ŋakiro ŋuna Ajokak neni a Ŋiyudayan.

Ŋigal. 2:9

Apotu Yakobo, Petero ka Yoana, ŋulu asibito ŋipirin a Ŋikristo, toyenut atemar kebu Akuj okoinak ayoŋ ajokis ŋinakitiyaet etic ŋolo apolon lo; aŋun, apotu ikes tonyout otiŋakinos ka ayoŋ ka Baranaba ŋakan ŋuna aloteten, kitoodiu nen atemar ikirae isua ka ikes ŋipei. Tocamunetei atemar etiyata ayoŋ ka Baranaba alokidiŋ ŋituŋa ŋulu nyerae Ŋiyudayan, ido kitiyata ikes alokidiŋ Ŋiyudayan.

Ŋigal. 6:12

Ŋituŋa ŋulu ikatakinito akitiŋakin iyes akileŋeryo, ikes ecamito akitoodiuna erae ŋulu ajokak alokiŋaren ŋituŋa. Itiyaete ikes ŋun, ikotere nyisicani ikes aŋuna a ŋakiro a ŋuna ke emusalaba a Kristo.

Ŋikol. 1:5

Iyakatar iyes anupit ka amina, anerae igenosi iyes ibore ŋini iŋadakinitae nakuj aŋuna kus. Ipotu iyes kiirasi ŋuna ka akigeno a ŋin apaki ŋina ikilimokinere iyes ekiŋaren ŋakiro ŋuna a kire ŋuna erae Ŋakiro ŋuna Ajokak.

1 Tim. 5:20

Kisibura iteete ŋituŋa daadaŋ ŋulu eseceneneete, ikotere ekerete ŋuluce akitiya ŋun.

Ŋibur. 12:13

Kisidiiryata ŋirotin, ikotere nyilenyar ŋakejen kus ŋuna sek eŋwalito, nai toruworos ŋuna itaŋaleunio.

Ŋibur. 9:10

anerae etapito ikes ŋitalyo ŋulu italeunitere akuwan bon ikwa ŋamuja ka ibore ŋini emasyo ta ŋace ŋuna alalak ŋuna emookere ŋitalyo. Nai edaunosi ŋun apaki ŋina isyakinia Akuj akituruwor ŋinibore ŋini ekitetyana.