Ŋigal. 1:7 - Ebaibul

⁷ Nai kire, emam Ŋakiro “Ŋuna Ajokak ŋace;” ŋituŋa ŋice bon ŋulu ikicanito iyes eyakasi, ŋulu ikatakinito akijulakin Ŋakiro ŋuna Ajokak ŋuna a Kristo.

Ŋigal. 1:7 Iomraidhean Croise

Yer. 23:26

Tari ori? Epote mono akilocokin ŋitai kec ŋikadwarak ŋulu edwarete alyokonu ka ŋulu edwarete amodiyo a ŋitai kec a?

Yer. 23:36

Nai nyelimu nabo ituŋanan ebe, ‘Ŋakiro ŋuna eryebete Ekapolon,’ anerae erae ŋakiro ŋuna ikiryebete akirot ŋina elimuni ŋinituŋanan, aŋun iloconokinete iyes ŋakiro ŋuna ka Akuj a ŋina eyari a Ekapolon a ŋolo a ŋajoresyo, ŋakiro a Akuj yok.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Ŋitic. 13:10

tolimu tema, “Iyoŋ lokoku a Satan! Iyoŋ emoit ŋolo ka akiyookino a daadaŋ! Ileleba iyoŋ ŋamodyanakineta ŋuna egelegelya ka aronis! Nyijoŋoenene mono iyoŋ akilocenen ŋakiro ŋuna ke Ekapolon ŋuna a kire, kituruwo alyokonu a?

Ŋitic. 15:24

“Eirar isua atemar kepotu ŋituŋa ŋice ŋulu anatukot kosi potu inaa akican ka akisigurya ŋatameta kus aŋuna kirworito ikes; nai pa alimokinitae isua ikes akitiya ŋun.

Ŋitic. 20:30

Ebuni apaki ŋina elomuniata tari alokidiŋ kus ŋikalyokonok ŋice ecamito atemar kiwuapakis ŋikanupak ikes.

2 Ŋikor. 11:13

Nyeraakasi ŋikilyok ŋul ŋikiyakia ŋulu a kire, eraakasi ŋikiyakia ŋulu alyokonok, ŋulu emodyanakinete ŋituŋa a ŋuna etapito etic kec. Itusubuna ikes ŋikiyakia a Kristo.

2 Ŋikor. 2:17

Nyikikwaan isua ka ŋuluce ŋulu elalak, ŋulu itusubunito etic ŋolo ka Akuj ŋolo kicurutaet; nai aŋuna eraakar Akuj ikiyakit isua, ikirworo isua ŋuna a kire alokiŋaren keŋ aŋuna ikiraakar ŋiketiyak ŋulu a Kristo.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

Ŋigal. 1:6

Aumokinit ayoŋ aŋuna kus! Alotooma apaki ŋina auruwuanan, iesikis iyes Akuj ŋina abu ikinyarau iyes aŋuna ka ajokis a Kristo ka icamut Ŋakiro ŋuna Ajokak ŋace!

Ŋigal. 2:4

Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

Ŋigal. 4:17

Ecamito nooi ŋituŋa ŋuluce ŋul akiriwor iyes, nai nyejokak ŋuna iwarito ikes. Ŋuna make iwarito ikes, erae ŋuna ka atyakar iyes aneni kaŋ, ikotere icamunete iyes arukit ka ikes.

Ŋigal. 5:10

Alotooma Ekapolon, ekekinyomit ayoŋ iyes, nyiyakaunotor ŋatameta ŋace. Nai ituŋanan daadaŋ ŋini ikibatarit iyes, tari kerae iŋes ŋae, etubokini Akuj iŋes a ŋun.

Ŋigal. 5:12

Tolimokisi ŋituŋa ŋulu ikibatarito iyes, ŋulu ecamito akileŋeryo ŋul, kidoŋos daŋ make!

Ŋigal. 6:17

Erikakini: nyitemokino nabo idiotuŋanan ekesican ayoŋ, anerae itoodiunito ŋapores ŋuna anakuwan kaŋ atemar arae ayoŋ epito ŋolo a Kristo.

2 Tim. 2:18

Aoliyosi ikes anakiro a ŋuna a kire aŋuna itatamyata atemar adau ayarun alunyar, ido alopite a ŋol, etaŋayaŋayakis anupit a ŋice.

1 Yoa. 2:26

Ekegirakinit ayoŋ iyes nu, ŋuna a ŋulu ikatakinito amodikin iyes.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

2 Yoa. 1:10

Ani kebu ituŋanan neni kus nyikilimok iyes akitatam ŋin, nyijaut iŋes kai, kori nyimalata iŋes;

2 Yoa. 1:7

Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 13:14

Abu tomodik ŋituŋa daadaŋ ŋulu iboiyete anakwap a ŋakujuwuanisya a ŋuna acamakinitae iŋes akitiya alokiŋaren etyaŋ ŋolo ke ekiŋaren. Tolimok etyaŋ ikes adukokin etorube ŋolo ke etyaŋ a ŋolo awanitae ka atum, nai ayari.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 2:2

Ayeni ayoŋ ŋuna idau iyoŋ akitiya, ayeni ayoŋ epite ŋolo imukekinitor iyoŋ etic ka epite ŋolo ititinyikinitor iyoŋ. Ayeni ayoŋ atemar nyipedori iyoŋ acamakin ŋikaronok, idau iyoŋ akirot ŋulu ebasi ikirae ikes ŋikiyakia, nai nyerae ka iryamu ikes erae ŋikalyokonok.

Akis. 2:20

Nai eketoroniyarit ayoŋ iyoŋ a ŋakiro a nu: “Icamakinit iyoŋ aberu ŋina enyaritae Yesabel, ŋina ebala ebe arae iŋes akadwaran. Anakitatam keŋ, ecocoiya ŋiketiyak kaŋ, aya akitiya amalao ka akinyam ŋamuja ŋuna einakinitae ŋakujo ŋace.

Akis. 2:6

Nai erae nu ŋuna ikitojokito iyoŋ: iŋerit iyoŋ ŋiticisyo a ŋituŋa a ŋulu enyaritae Ŋinikolaitae--ŋiticisyo ŋulu aŋerit ayoŋ daŋ.

Akis. 20:3

Kimasak emalaika iŋes nauwuat ŋina aoyan, togolok auwuat kimuleleiya, ikotere nyepedorya nabo iŋes amodyanakin ŋakwapin tari ŋina elunyarotor ŋikaru aliput. Ani kelunyar ŋikaru ŋul, itemokino tolacakinae iŋes adiouriyen.