Ŋigal. 1:14 - Ebaibul

¹⁴ Eloit paaran ayoŋ Ŋiyudayan ŋulu alalak ŋulu arae ŋikesa kaŋ alotooma akitiya ŋuna ke edin a Ŋiyudayan, ka ewuapit ayoŋ ka alelakinit ŋitalyo ŋulu atapapaa kosi.

Ŋigal. 1:14 Iomraidhean Croise

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 57:12

Esileereuni ayoŋ akiyookino kus ka ŋiticisyo kus, ido emam ajokis iryamunete iyes anakiro a ŋun.

Yer. 15:2

Ani kikiŋita ikes iyoŋ ebe, ‘Ai ikilosi isua?’ Tolimok ikes ebe, Irworo Ekapolon ebala, ‘Ŋulu atubokin atwanare a edeke, toloto ikiar edeke, ŋulu atubokin atwanare a ekileŋ, toloto ikiari a ekileŋ, ŋulu atubokin atwanare a akoro, toloto ikiar akoro, ido ŋulu atubokin arikoro, toloto ikirikor.’”

Yer. 9:14

nai anakisyaanu kec, ewuapa ikes ŋuna a ŋitai kec ka ilipete neni ata Baal, lopite ŋolo etatamitotor atapapaa kec ikes akitiya.

Ŋilep. 13:16

Ani nai kilocokin ibore ŋini ilebulebunit ŋin tokwaŋu, emaikina ituŋanan ŋin tolot neni ke esacaradoti.

Mat. 15:6

nyitemokino iŋes ainakin papa keŋ ibore ŋin. Iŋes nai atemar ijamakis iyes akirot ka Akuj aŋuna a ŋitalyo kus.

Ŋitic. 21:20

Ani kiirasi ikes erwor a Paulo, kipuro ikes Akuj. Temasi nai ikes daadaŋ neni a Paulo, “Lokaato, kiŋolik iyoŋ epite ŋolo alo Yerusalem a ne: eyakasi Ŋiyudayan ŋulu edolito ŋalipyo, ŋulu aruworosi ŋikanupak a Yesu. Tari kikote neni, iricakinito ikes daadaŋ Ŋikisila a Moses.

Ŋitic. 22:3

“Arae ayoŋ Eyudayat ŋolo ekedounitoe alo Taso anakwap a ŋina a Cilicia, nai eketopolounitoe a ne alo Yerusalem, arae ekasyoman ŋolo a Gamaliel. Abu iŋes eketatam ayoŋ ejok epite ŋolo itemokino ewuapitor Ŋikisila ŋulu atapapaa yok ka abu ayoŋ olelaki Akuj nooi ikwapei tokona ilelakinitotor iyes daadaŋ a ne.

Ŋitic. 26:5

Eyenete ikes ŋinapei koloŋ atemar apolounit ayoŋ arae Eparisayot alopite a ŋolo ka atukot a ŋina elelakinit nooi ŋakiro ŋuna ke edin yok. Ani kecamito, epedorete akisuuda nu.

Ŋitic. 26:9

“Abu ayoŋ elope ekiŋaren emukek atemar itemokino etiya ŋuna alalak ŋuna itepegito ekiro a Yesu a ŋolo a Nasaret.

Ŋikol. 2:8

Nyicamut nai idiotuŋanan ikisupari iyes alotooma aosou a ŋituŋa ŋina erae amodiyo ŋina koŋinait, ŋina ebunit anakitatam a ŋituŋa ka aneni a ŋipyan a ŋulu ipukato akwap na, meere aneni a Kristo.

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;