Ŋiep. 6:5 - Ebaibul

⁵ Ŋipi, topupete ŋikapolok kus ŋulu ka akwap a na anakuryanu ka anamaran ka kitiyata ŋun ka ainakina lopite ŋolopei itiyanakiniata iyes Kristo.

Ŋiep. 6:5 Iomraidhean Croise

Akisy. 16:9

Tolimok emalaika ke Ekapolon iŋes tema, “Toboŋo neni a akapolon kon, ido kiwuap ŋakiro keŋ.”

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

Ŋikiru. 123:2

Lopite ŋolo eyarikinitotor ŋiketiyak neni ke ekapolon kec, lopite ŋolo eyarikinitor aketiyan neni ka akapolon keŋ, ikirubakini isua ikiŋoliunit neni kon, okoe Ekapolon Akuj kosi, akitodol ŋina ikisyonio iyoŋ isua.

Ŋikiru. 86:11

Okoe Ekapolon, kitatamae ayoŋ ŋuna icamit iyoŋ ayoŋ etiya, ikotere arubakini ayoŋ ewuapit ŋakiro kon ŋuna a kire; inakinae ayoŋ akitopoloorit ekiro kon a etau kaŋ a daadaŋ,

Mal. 1:6

Ebala Ekapolon ŋolo Etiron neni a ŋisacaradotin ebe, “Itopoloorit ikoku ŋinisapat papa keŋ ka itopoloorit eketiyan ekapolon keŋ. Arae ayoŋ papa kus, kaanukiro nyikitopolooritotor iyes ayoŋ? Arae ayoŋ Ekapolon kus, kaanukiro nyikikeritotor iyes ayoŋ? Ikijamuwarito iyes ayoŋ, ido ibasi iŋitasi ebe, ‘Alipite ikijamuwarya isua iyoŋ?’

Mat. 6:22

“Erae akoŋu etaa ŋolo ka akuwan. Ani nai kejok akoŋu kon, eyai akuwan kon daadaŋ nakica;

Mat. 6:24

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Mat. 8:9

Ayoŋ daŋ ekepukatae, nabo apolokinit ayoŋ daŋ ŋasigarya; ani katema ayoŋ epei, ‘Ape!’ elosi. Ani katema ece, ‘Bua!’ ebuni. Tari epito kaŋ katema ayoŋ, ‘Kitiya nu!’ itiyae.”

Ŋitic. 2:46

A ŋinakoloŋit, apotu ikes torubakis iryamunun kaapei Kai ka Akuj, akimuj kaapei ka akinumunum Akimuj ŋina ke Ekapolon alorerya kec. Amorete ikes akimuj ka alelyan ka arimao;

Ŋirom. 9:3

Kerae ca opedori ayoŋ akiŋarakin ikes, kacamu daŋ aŋuna kec ekecen Akuj ka okotyakar aneni a Kristo!

1 Ŋikor. 2:3

Apaki ŋin, ayai ayoŋ neni kus arae ituŋanan ŋini palag anakuryanu a ŋina apolon ka anamaran.

1 Ŋikor. 7:22

Anerae, epito ŋolo adau Ekapolon anyarare, aruwor ŋolo elacakina, ŋolo ke Ekapolon; ikwaŋinapei, ŋini elacakina, ŋini adau Kristo anyarare, aruwor epito a Kristo.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 7:15

Aŋun, iyata amina keŋ aŋuna kus ŋapakio daadaŋ ŋuna etamunia iŋes epite ŋolo itenitotor iyes daadaŋ akipup ŋakitatameta keŋ ka epite ŋolo ijauniata iyes iŋes ikuryanito.

Ŋiep. 5:22

Ŋaberu, topupete ŋikilyok kus, ikwaŋina ipupyoto Ekapolon.

Ŋiep. 6:24

Toyai ajokis ŋina ka Akuj neni a daadaŋ a ŋulu eminasi Ekapolon yok Yesu Kristo alotooma amina ŋina nyedaun.

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Pil. 1:16

Nyeriŋa tokona iŋes erae epito, ajokyar akilo epito; erae iŋes lokaato ŋolo minat alotooma Kristo. Erae iŋes lokaato ŋolo minat aneni kaŋ, nai ŋolo minat nooi adepar aneni kon, iŋes ŋolo erae epito ka torae lokaato kon alotooma Ekapolon!

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.

1 Pet. 3:2

anerae iŋolikinete ikes ŋipitesyo kus ŋulu ajokak ka ŋulu ka akerit ikes.