Ŋiep. 6:17 - Ebaibul

¹⁷ Tocamutu aiuno ikwa akopiya ŋina iuryarit akou nyewana; totiŋa ikwa atum akirot ka Akuj, ŋina ikiinakini iyes Etau ŋolo ka Akuj.

Ŋiep. 6:17 Iomraidhean Croise

2 Sam. 22:36

Idau iyoŋ Ekapolon ainakin ayoŋ aupal ŋina ikiunia iyoŋ ayoŋ, ido eketopoloosi ayoŋ ŋuna ibunio iyoŋ ikiŋarakinia ayoŋ.

Isa. 49:2

Abu iŋes kitipipil ŋakiro ŋuna alimuni ayoŋ ikwa ekileŋ ikiduŋi, abu iŋes ekemuko ayoŋ alotolim a akan keŋ, abu iŋes ekesikwaanik ayoŋ ka ekaleŋeleŋet ŋolo epwasitae, abu iŋes ekeŋadaa ayoŋ ikwa ekaleŋeleŋet ŋolo iŋadaaritae natoros,

Isa. 59:17

Abu iŋes tonap akiyookino ikwa arapet ka aiuno ikwa akopiya ŋina iuryarit akou nyewana; abu iŋes tonap ŋilowi ŋulu ka akinyaŋar, ido abu kimuko akuwan keŋ anainakina esibit ekaaso imukokina.

Osea 6:5

Aŋun, abu ayoŋ ekeyakik iyes ŋikadwarak kaŋ alimokin iyes ŋakiro kaŋ ŋuna ka atubokino ka akinyasuno, aar ayoŋ ikes a ŋakiro a ŋuna adau ayoŋ alimun, ileere atubokino ŋina ayauni ayoŋ neni kus, ikwaan ka akica,

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Mat. 4:4

Toboŋok Yesu iŋes tema, “Igiritae Nakigireta ebe, ‘Nyeyari ituŋanan ka akimuj bon, nai ka akirot a daadaŋ a ŋina elomunit anakituk ka Akuj.’ ”

Mat. 4:7

Toboŋok Yesu iŋes tema, “Igiritae nabo ebe, ‘Nyitem Ekapolon Akuj kon.’ ”

Ŋiep. 5:26

Abu Kristo kitiya ŋun aŋuna ka ainakin ikes neni ka Akuj, kedau akitesegun ikes a ŋakipi a ŋuna ke ebatisimu ka alotooma akirot keŋ;

1 Ŋites. 5:8

Nai ikirae iwon ŋulu ka apaaran, ido itemokino iwon ikikwaan ka ŋituŋa ŋulu nyemerasi, ŋulu eyenete ŋuna itiyaete. Onapa anupit ka amina ikwa arapet ka akigeno ŋina ka aiuno yok ikwa akopiya ŋina iuryarit akou nyewana.

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

Ŋibur. 6:5

Eirito anakiyar kec ajokis ŋina ka akirot ka Akuj ka aris ketap a ŋakan ŋapedorosyo ŋuna ka Apukan a ŋina ebuni.

Akis. 1:16

Anakan keŋ a ŋina aloteten, adakit ŋikacer ŋikanikaarei; anakituk keŋ, tolomu atum ŋina akwaka ŋiwaetin daadaŋ. Acai ereet keŋ ikwaŋina ecaya akoloŋ kidiŋ apaaran.

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.

Akis. 2:16

Toki nai tokona! Ani pa kikii, abuni ayoŋ neni kon atipei akitijiyore iyoŋ ka atum a ŋina elomuni anakituk kaŋ.

1 Sam. 17:5

Anapit iŋes akopiya ŋina etiyaunitae a eburonis, ido tonapite ibore ŋini arapit akuwan ŋini etiyaunitae ke eburonis, torae apotis a arapet a ŋin ŋakiloi ŋuna aapiyarito ŋatomonikan a ŋikanikaarei.

1 Sam. 17:58

Kiŋit Saul iŋes tema, “Lokoku a ŋae iyoŋ esorokit?” Toboŋok Daudi tema, “Arae ayoŋ lokoku a Yese a eketiyan kon a ŋolo alo Betelem.”