Ŋiep. 6:13 - Ebaibul

¹³ Aŋun, tonapa tokona ŋiboro daadaŋ ŋulu jiyet ŋulu ka Akuj! Ikotere nai ani edoluni akoloŋit ŋina aronon, topedosi akitepeg emoit anakitijiyore keŋ; tosodi ani kijiyoto tari neni eŋetakinor ejiye, kidoŋo iyes irae ŋulu ilout alojiye.

Ŋiep. 6:13 Iomraidhean Croise

Ekal. 12:1

“Totamunito Ekasuban kus alorwa a ŋulu iriŋaakatar iyes irae ŋisorok, eriŋa ŋirwa ŋulu ka apalago nyedolo, eponito ŋikaru ŋulu itemaryata iyes ebe, ‘Mam nabo nyeriŋa akiyar aneni kosi esibit ibore ŋini ejok.’ ”

Amos 6:3

Okoe iyes ŋulu iwounito acamun atemar ebunit akoloŋit ŋina ka akinyasuno, nai ŋuna itiyaete iyes itaapuunete akoloŋit ŋin.

Mal. 3:2

Nai ŋae epedori akidaŋidaŋ ŋakiro a Akoloŋit a ŋin a ŋina ka abunore keŋ? Ŋae epedori akiyar Akoloŋit ŋin ŋina etakanunia iŋes? Anerae ebuni iŋes ikoni akim ŋina ke ekitet, kori esabuni ŋolo ilotari ibore atipei.

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

Luk. 8:13

Ŋikinyom ŋulu adoete loŋaro erae ŋituŋa ŋulu iirarete akirot kijaut ka alelyan, nai emamukatar ikes ŋataagor, enupete ca iwadio, nai ani edoli ŋirwa ŋulu itemere, tosodo topalikis.

Ŋirom. 13:12

Aapuu akuwar alunyar, aapuu akiwalar. Ojoŋoto nai akitiya ŋiticisyo ŋulu ka akiryonut, olemutu ŋiboro ŋulu ikijiyo anakica.

2 Ŋikor. 10:4

Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon.

Ŋiep. 5:16

Kisitiyata ejok apaki daadaŋ ŋina iyakatar iyes, anerae erae ŋirwa lu ŋulu aronok.

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

Yak. 4:7

Aŋun, inakinos neni ka Akuj. Kitepega Satan, eemi iŋes aneni kus.

1 Pet. 4:1

Ikwaŋina abunio Kristo toryamunia ŋican alokuwane, itemokino iyes daŋ kitogogoŋos alopite a ŋolo atamya iŋes; ituŋanan ŋini aryamu ŋican alokuwane, amulen iŋes asecit.

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.

Akis. 6:17

Anerae adolu Akoloŋit ŋina ka anyunyura kec, ŋae epedori akidaŋidaŋ?”