Ŋiep. 6:11 - Ebaibul

¹¹ Tonapa ŋiboro daadaŋ ŋulu jiyet ŋulu ikiinakini Akuj iyes, ikotere nai ipedorete akitepeg, kipiyosi ŋakiro ŋuna aronok ŋuna ikilokitor Satan.

Ŋiep. 6:11 Iomraidhean Croise

Neem. 4:13

Aŋun, abu ayoŋ ewuanak neni aorori alodiyete arwatata alokwap ŋituŋa a ŋikalya kec etiŋito ŋileŋia kec, ŋakwaaras ka ŋakausinei a ŋikaleŋeleŋe.

Mar. 13:22

Anerae epote ŋikamodyanakinak ka ŋikadwarak ŋulu amodiyanak ebasi ebe ikirae ikes atakristo. Epote ikes akitiya ŋakitoodyanakineta ŋuna ailiilok ŋuna isuparete ŋituŋa ŋulu seuna erae kepedorete.

Ŋirom. 13:12

Aapuu akuwar alunyar, aapuu akiwalar. Ojoŋoto nai akitiya ŋiticisyo ŋulu ka akiryonut, olemutu ŋiboro ŋulu ikijiyo anakica.

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

1 Ŋikor. 10:13

Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.

2 Ŋikor. 10:4

Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon.

2 Ŋikor. 11:3

Nai akuryanit ayoŋ ebe ikwaŋina abunio emun tomodikinia Epa ka aosou keŋ, itooliyoryo ŋatameta kus anakikinyomit ka ananupit Kristo.

2 Ŋikor. 2:11

ikotere nai nyikilounia Satan iwon. Anerae ikiyeni iwon ŋuna etuko iŋes.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

2 Ŋikor. 6:7

ka ŋakiro ŋuna a kire anapedor a ŋina ka Akuj. Ikiyakar isua akiyookino erae ibore ŋinijiet, ŋinikitijikinet ka ŋini kipakaret.

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

Ŋiep. 4:24

ka itemokino iyes tonapa ekuwane ŋolokitete, ŋolo asubi Akuj ikwaan ka iŋes, ŋolo itoodiunit eyakae keŋ anakiyar a ŋina a kire, a ŋina iyookino ka ŋina ejok nooi.

Ŋiep. 6:13

Aŋun, tonapa tokona ŋiboro daadaŋ ŋulu jiyet ŋulu ka Akuj! Ikotere nai ani edoluni akoloŋit ŋina aronon, topedosi akitepeg emoit anakitijiyore keŋ; tosodi ani kijiyoto tari neni eŋetakinor ejiye, kidoŋo iyes irae ŋulu ilout alojiye.

Ŋikol. 3:10

ka iryamut ekuwane ŋolokitete. Ekuwane ŋolokitete ŋol iŋes erubakinit Akuj akasuban keŋ itete kikwaanikinos ka iŋes, ikotere toyenuniata iyes iŋes ejok.

1 Ŋites. 5:8

Nai ikirae iwon ŋulu ka apaaran, ido itemokino iwon ikikwaan ka ŋituŋa ŋulu nyemerasi, ŋulu eyenete ŋuna itiyaete. Onapa anupit ka amina ikwa arapet ka akigeno ŋina ka aiuno yok ikwa akopiya ŋina iuryarit akou nyewana.

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

Yak. 4:7

Aŋun, inakinos neni ka Akuj. Kitepega Satan, eemi iŋes aneni kus.

1 Pet. 5:8

Totenito, tokienyete! Anerae irimit Satan, ŋolo erae emoit kus ikwa eŋatuny ŋolo irurumae iwarit idio ŋini nyamat.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 2:24

Nai iyes ŋice alo Tyatira, nyetupa iyes akitatam ŋina aronon ŋin, nyeyenuna iyes ŋuna ebasi ŋice erae akimunono ŋina apolon ŋina a Satan. Abala ayoŋ neni kus: nyakainakini ayoŋ iyes etic ece;

Ŋikat. 3:2

(Etiyae Ekapolon ŋun ikotere ŋanyameta a Ŋisirael ŋuna epote ekaku eyenunete ejie kitatama ŋulu sek nyeyenete ejie ajiore.)