Ŋiep. 6:10 - Ebaibul

¹⁰ Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Ŋiep. 6:10 Iomraidhean Croise

1 Ŋakiro a ŋirwa 28:10

Totamatama tokona, anerae adau Ekapolon aseun iyoŋ adukokin Akai keŋ ikwapei akibois ŋina asegan.Togogoŋior, ido kitiya etic.”

1 Ŋakiro a ŋirwa 28:20

Tema nabo Daudi neni a Solomon alokoku keŋ, “Togogoŋior ka totitinyor, kitiya etic. Nyikuryaniar, kori nyicamu ikikadakini, anerae irukito iyoŋ ke Ekapolon Akuj kaŋ. Nyikimyekini iŋes iyoŋ, mati jik kirikakin etic daadaŋ ŋolo ka Akai ke Ekapolon.

2 Ŋakiro a ŋirwa 15:7

Nai ani eruwor iyes, totitinyikisi, nyijamakis ŋuna itiyaete iyes, anerae ikiinakinio iyes eropit anakiro a ŋuna itiyaete iyes.”

Ŋikiru. 138:3

Ibu iyoŋ itoboŋok ayoŋ akoloŋit ŋina akanyaraa ayoŋ iyoŋ, ibu iyoŋ ikisimukek ayoŋ ogogoŋier.

Isa. 40:28

Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Isa. 40:31

nai ŋulu idarito Ekapolon, isikiteteunete agogoŋu kec, epororete kidiama a ŋabebenuk ikwa ŋigolei, ekerete, ido nyeupi, elosete, ido nyilelenyi.”

Agai 2:4

nai tokona ebala, ‘Okoe, Serubabel totitinyik iyoŋ, Okoe esacaradoti ŋolo Apolon nooi Yosua, lokoku a Yeosadak, totitinyik, iyes ŋituŋa daadaŋ ŋulu ka akwap, totitinyikisi, ido kitiyata, anerae ikirukit ayoŋ ka iyes;

Sakar 8:13

Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

Sakar 8:9

“Totitinyokiata! Ipupete tokona iyes ŋakiro ŋunapei apotu ŋikadwarak kirworo apaki ŋina esyakinere adukokin nabo Akai ŋina ka Akuj.

1 Ŋikor. 16:13

Totenito, kicata ananupit, totitiny ka togogoŋ!

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

Ŋiep. 1:19

nabo daŋ alalau ŋina ka apedor keŋ a ŋina apolon a ŋina itiyae alotooma yok a ŋulu ikinupit. Apedor ŋin ŋina itiyae aneni yok, ikwaan ka apedor

Ŋiep. 3:16

Elipenene ayoŋ neni ka Akuj ikiinak iyes anabaru a ŋina a ŋarereŋisyo keŋ apedor ŋina kicaset alotai kus alotooma Etau keŋ

Ŋikis. 31:23

Tolimok nai Ekapolon Yosua lokoku a Nun ŋakiro nu tema, “Togogoŋ ka totitiny, anerae iyai iyoŋ Ŋisirael nakwap ŋina abu ayoŋ eik ikes, ikiruki ayoŋ ka iyoŋ.”

Ŋipil. 3:1

Aŋetakini, ŋikaitotoi kaŋ, tolelyana anakimorikina kus ka Ekapolon. Nyakaupi ayoŋ akigir ŋuna aris ayoŋ kekegirak iyes, anerae ikiŋarakinete iyes ŋun.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋipil. 4:8

Aŋetakini ŋikaitotoi kaŋ, totamete ŋakiro nu ŋuna ejokak ŋuna emaikina yaut ekipuri: ŋakiro ŋuna erae kire ŋuna ekerer, ŋuna iyookino, ŋuna emam aronis, ŋuna ka amina ka ŋuna itojokitae.

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.

2 Tim. 2:1

Ani iyoŋ lokoku kaŋ, toruwor ŋolo igogoŋ anajokis a ŋina erae ŋina yok alotooma akimorikina ka Yesu Kristo.

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.

1 Yoa. 2:14

Ŋidwe, ekegirakinit ayoŋ iyes, anerae iyenete iyes Papa. Atapapa, ekegirakinit ayoŋ iyes, anerae iyenete iyes ŋolo eyai ameun anakisyakinet. Ŋisorok, ekegirakinit ayoŋ iyes, anerae igogoŋ iyes ka iboi akirot ŋina ka Akuj alotooma kus ka idaut akiloun ŋolo Aronon.

1 Sam. 23:16

Abu Yonasan lokoku a Saul tolot lotaun ŋolo anyaritae Ores neni a Daudi akisimukekin Daudi toryamu atitinyu aneni ka Akuj.