Ŋiep. 5:3 - Ebaibul

³ Ikwapei iraakatar iyes ŋituŋa ŋulu ka Akuj, nyitemokino ŋakiro daadaŋ ŋuna ka amalao kori ŋuna ka asiilyanut kori arorokanut elimitoe alokidiŋ kus.

Ŋiep. 5:3 Iomraidhean Croise

Ŋikiru. 10:3

anerae iturosi ŋulu aronok aŋuna a ŋakiro a ŋuna iitanito ŋitai kec, ilamasi ŋirorokanotin ka ejamuwarito Ekapolon.

Ŋikiru. 119:36

Inakinae ayoŋ acamit ŋina ka akiwuap ŋakiro ŋuna itubunit iyoŋ, akilo acamit aryamun ebari aŋuna kaŋ.

Awos. 18:21

Nai toseu alokidiŋ kec ŋikilyok ŋulu epedorete akitiya, ŋulu itopoloorito Akuj, ŋikilyok ŋulu ikinyoma ŋulu nyecamito akitiya ŋuna aronok. Toseu ikes toruwor ŋikapolok a ŋituŋa a ŋulu erae ŋalipulipui, ŋamiamiae, ŋatomonikanikani ka ŋitomotomoe.

Awos. 20:17

“Nyiŋobel ŋinituŋanan akai a ikidunyet keŋ, nyiŋobel aberu a ekidunyet keŋ, kori eketiyan ka aketiyan a ikidunyet keŋ, kori emoŋ, kori esigirya, kori ibore ca daadaŋ ŋini erae ŋini a ikidunyet keŋ.”

Awos. 23:13

Tomitakinito ŋakiro daadaŋ ŋuna akalimok ayoŋ iyes. Nyinyarata ŋirorwa a ŋakujo a ŋace; nyikiirar iyes inyarito ikes a ŋakitukwa kus.”

Ŋakit. 28:16

Ekepukan ŋolo eryenyaana, emamukar ayenut, nai ituŋanan ŋini nyecamit ibore ŋini edemunitae ŋinice, eyakaun nakiyar ŋina aoyan ŋina ka alelyanu.

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Yer. 6:13

Ameun aneni a ŋulu itopolooritae ka ŋulucaryo, ecamit ŋinituŋanan akitiya ŋuna nyiyookino, ido ameun aneni a ŋikadwarak ka ŋisacaradotin itiyae ŋinituŋanan ŋuna ka alyokonu.

Yer. 8:10

Aŋun, ainakini ayoŋ ŋaberu kec neni a ŋituŋa a ŋice ka ainakini ŋimanikorin kec neni a ŋulu ilounete ikes alojie, anerae itiyaete ŋituŋa daadaŋ ŋuna nyiyookino, ŋulu apolok ka ŋulucaryo, ameun alokadwarak tari losacaradotin itiyaete daadaŋ ŋuna ka alyokonu.

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Ŋilep. 15:18

Ani kiryamakin ekile ka aberu, emaikina ikes ŋuluarei ŋul kiloŋaros, ido erubakinete erae ŋulu itoroniyaritae akitodol eboŋ.

Mika 2:2

Iŋobelete ikes ŋimanikorin, ido kikamanasi. Iŋobelete ikes ŋirerya a ŋituŋa, ido todemasi. Edemanarete ŋituŋa ŋiboro kec.

Ekim. 25:1

Ani eriŋa Ŋisirael elomito Sitim, kisyakis ŋikilyok a Ŋisirael akiryamanakin ka ŋaberu ŋuna arae Ŋamoabi.

Mat. 15:19

anerae lotau elomununiata ŋakiro ŋuna aronok, ikwa: akiar, elomi, amalao, akoko, alyokonu ka akiyany.

Luk. 12:15

Tolimok iŋes ŋituŋa daadaŋ tema, “Tocoikisi, kiyokito ŋawat kus anarorokanut a daadaŋ, anerae meere ebari itopoloe akiyar a ituŋanan.”

Luk. 16:14

Ani iirarete Ŋiparisayon ŋulu aminasi ŋisiliŋa ŋakiro ŋun daadaŋ, tojamuwasi iŋes.

Ŋitic. 15:20

Nai itemokino akigirakin ikes abaruwa, ikotere toesikis akinyam ŋamuja ŋuna nyitesegunitae, anerae einakinitae sek nakujo; toesikis daŋ amalao ka nyenyamete ediotyaŋ ŋolo emyeditae kori ŋaokot.

Ŋitic. 20:33

Iyenete iyes ŋilopeyek atemar nyiwuakina ayoŋ ekibure losilipa a ituŋanan a idio, logolid kori lolowi,

Ŋirom. 1:29

Ileleba neni kec ŋakiro ŋuna nyiyookino--aronis, akiŋobel ka ediŋet; ileleba arakao, akiar, ebura, amodiyo, ŋinyas ka asyoma.

Ŋirom. 16:2

Kijautu iŋes alokiro ke Ekapolon, lopite ŋolo itemokino ŋituŋa ŋulu ka Akuj itiyaete ka inakisi iŋes akiŋarakinet daadaŋ ŋina iitani iŋes aneni kus; anerae abu iŋes kiŋarak ŋituŋa ŋulu alalak, ekeŋarak tari ayoŋ.

Ŋirom. 6:13

Nyijalakis ediokineri kus neni ka asecit, ikotere nyisitiyae ikwa ibore ŋini ejiyere alowae a ŋolo ka aronis. Nai inakisi ŋakusiwat neni ka Akuj ikwa ŋuna eteyarun alokatwak nakiyar ŋina kitete. Tojalakisi ŋinerin kus daadaŋ neni ka Akuj, ikotere kisitiya ikwa ŋiboro ŋulu ejiyere alowae a ŋolo ka akiyookino.

1 Ŋikor. 10:8

Nyitemokino iwon etiyata ŋuna ka amalao ikwa kitiyaata ikes ŋice; aŋun, apotu ŋalipyo ŋatomoniarei ka ŋiuni totwaka apeikoloŋit bon.

1 Ŋikor. 5:1

Elimunitoe kire atemar eyai amalao kidiŋ kus ŋina aronon nooi, ŋina nyeryamun tari aneni a ŋulu nyenupito Akuj ŋina a kire. Anerae elimunitoe ebe eyai ekile ŋolo elomenene aberu a papa keŋ ŋinace!

1 Ŋikor. 6:13

Etemari ice ebe, “Erae akimuj ŋina ka akook ka erae akook ŋina ka akimuj.” Iyookino, nai itasaluni Akuj ikes daadaŋ. Nyitemokino akuwan isitiyao aŋuna ka amalao, nai itemokino kitiyanakinere Ekapolon ka Ekapolon iŋes iyokit akuwan.

1 Ŋikor. 6:18

Toŋero amalao. Nyetapito ŋasecisya ŋunace ŋuna itiyae ituŋanan akuwan keŋ, nai ituŋanan ŋini itiyae amalao, itiyae asecit nakuwan keŋ a ilope.

2 Ŋikor. 12:21

Akabulit ayoŋ atemar ŋina adolunio inaa, ebuni Akuj kaŋ akisurum ayoŋ ŋileec alokiŋaren kus ka abuni nai ayoŋ akigworo aŋuna a ŋulu alalak, a ŋulu apotu toseca ŋapakio ŋuna alunyarosi toriŋa nyekiwa ŋipitesyo kec ŋulu ka aronis, ebe adoteu ka amalao.

Ŋiep. 5:12

(Nai erae ŋileec nooi iyes tari akirworo ŋakiro ŋuna itiyaete ŋituŋa ŋul anakimunono.)

Ŋiep. 5:5

Toyenete nai atemar emam ituŋanan ŋini amalaanan, asiilyanan kori ŋini arorokanan (anerae ikwaan arorokanut ka akilip akuj ace) ŋini eyakaun Napukan ŋina a Kristo ka Akuj.

Ŋipil. 1:27

Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋikol. 3:5

Itemokino iyes kitoŋopiyasi ekibure ŋolo aronon ŋolo alotooma kus ikwapei amalao, asiilyanut, akitiya ŋuna a ŋileec, ekibure ŋolo aronon, arorokanut (anerae ikwaan arorokanut ka akilip akuj ace.)

1 Ŋites. 4:3

Ŋuna ecamit Akuj ikes nu: toruworos ŋulu isegak ŋulu itoodiuna anakiyar kus atemar irae ŋulu keŋ. Toŋero amalao;

1 Ŋites. 4:7

Nyenyara Akuj iwon akiboi alokibure a ŋolo ka amalao, nai akiboi anakiyar a ŋina asegan, a ŋina itoodiunit atemar ikirae ŋulu keŋ.

1 Tim. 2:10

nai itemokino ikes torae ŋuna ajokak a ŋiticisyo, ikwapei ejokyata ŋun anaberu a ŋuna ebasi ikinupit ikes ŋakiro ŋuna ka Akuj.

1 Tim. 3:3

Itemokino nyerae ŋolo emerana, ŋolo eryenyaana, nai torae ŋolo iyapara, meere ŋolo iburana ka ŋolo emina ŋisiliŋa.

1 Tim. 6:10

Anerae amina ŋisiliŋa iŋes erae akisyakinet ŋina a ŋakiro a ŋuna aronok a daadaŋ. Erae ekibure ŋol iŋes etooliyo ŋice ananupit kec ka etalalata ŋican ŋulu ka akiyaloloŋ alotai kec.

2 Tim. 3:2

Eruworosi ŋituŋa ŋulu eseguwaka, erorokaka alosiliŋa, ituroko ka isupaka; eruworosi ŋulu itoŋoyeneneete ŋuluce, ŋulu nyekerito ŋikauruunak kec, ŋulu nyetemarete alakara ka ŋulu nyesegak alotai;

Tito 1:11

Emaikina kiretakinae ikes alorwor kec, anerae eguryakis ikes ŋikalya daadaŋ, aŋuna itatamyata ŋakiro ŋuna nyitemokino kitatamae. Itatamete ikes ŋakiro ŋun aŋuna ca ka aryamunia ŋisiliŋa.

Tito 1:7

Ikwapei eraakar ekarikon ŋolo a Ŋikristo epolokinit etic ŋolo ka Akuj, itemokino iŋes pa itoronitae. Nyitemokino iŋes ituro kori epatana akiŋo kori emerana kori eryenyaana kori erorokana alosiliŋa.

Tito 2:3

Ikwaŋinapei, kitatam ŋakimak kiboiyoto alopite a ŋolo itoodiunit atemar ekerito ikes Akuj, nyirworotor ŋulucetuŋa ka nyeruworosi ŋakamerak. Itemokino ikes toruworos ŋuna itatamete ŋakiro ŋuna ajokak,

Ŋibur. 12:16

Nyitemokino idio kus eruwor ŋini emalaana kori ŋini ejamuwarit Akuj, ikwa Esau ŋolo abu kisyeca anakimujet ka apei bon apolou ŋina araakar iŋes esapat ŋolo kiyae.

Yos. 7:21

Alotooma ŋiboro ŋulu aremunio, abu ayoŋ eŋolik elou ŋolo ajokan ŋolo aoyan, ŋolo itiyaunitae alo Babilon ka ŋakiloi ŋaarei ŋuna a esilipa ta egolid ŋolo adolit apotis atutubet apei ŋina ka akilo. Apotu ŋiboro ŋul okonirasi ayoŋ nooi, olemu ayoŋ ikes. Anukakinit ayoŋ ikes nalup tooma eema kaŋ ka eyai esilipa alokwap.”

1 Pet. 5:2

Kiyoko ejok ŋamesekin ŋuna erae ŋituŋa ŋulu ikiinakinit Akuj iyes. Nyitiyata ŋun anakitiŋakina, nai anainakina ikwaŋina ecamitor Akuj, meere aŋuna ke eropit ca, nai aŋuna ka acamit akitiya.

2 Pet. 2:10

Erae ŋun kire nooi, ikotere ŋulu iwuapito ekibure kec ŋolo aronon ŋolo a ŋawat ka toŋerito akipukao. Erae ŋiketatamak ŋulu alyokonok ŋul, ŋulu nyeleecoko ka isupaka, nyekerito ikes ŋisubuna ŋulu itopolooritae, ŋulu eyakasi kidiama; nai iyanyete ikes.

2 Pet. 2:14

Emam icebore ŋini eminasi ikes akilo ŋaberu ŋuna emalaaka; nyedipanakin ekibure kec ŋolo ka asecenen. Icocoiyanarete ikes ŋituŋa ŋulu epalag alotai naloc. Itatamitae ŋitai kec arorokanut! Ilamit Akuj ikes!

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

Akis. 2:14

Nai eketoroniyarit ayoŋ iyoŋ a ŋakiro a ŋadi a nu: “Eyakasi kidiŋ kus ŋituŋa ŋice ŋulu etupito akitatam ŋina ke ekile a ŋolo enyaritae Balaam, a ŋolo koloŋ abu kitatam ekile ŋolo enyaritae Balak akicocoiyar Ŋisirael nasecit anakitanyam ŋamuja ŋuna ainakinitae ŋakujo ka akitiya amalao.

Akis. 2:21

Abu ayoŋ oinak iŋes apaki ŋina kiet, nai ewounit iŋes akiki amalao.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.

Akis. 9:21

Apotu daŋ ŋituŋa nyekiwa akiar, akikukuja, amalao, kori akoko.

1 Sam. 8:3

Nai apotu ŋidwe a Samuel ŋul nyiwuapa ŋipitesyo a Samuel, apotu ikes tooliyosi alopitesyo a papa kec, kiwara aryamun ebari ŋolo kitunauna. Apotu ikes tocamut akijare ŋakaluŋuluŋui, toŋero ŋakiro ŋuna ka akiyookino.