Ŋiep. 5:27 - Ebaibul

²⁷ ikotere eyauni atukot a Ŋikristo neni keŋ erae ateran anakibuses keŋ a daadaŋ--tomam akemer, nyerinyit ereet, kori tomam ibore daadaŋ ŋini nyitesegi iŋes; aŋun, epedori ayakau kiŋaren keŋ erae ŋina ajokan nooi ka ŋina eseg alotau.

Ŋiep. 5:27 Iomraidhean Croise

Ŋikiru. 45:13

Elomunit ateran a erwosit kai ka apukan nooi neni ebusan; edonyonokinitoe lolowi keŋ ŋulu aoyak ŋausyo ŋuna ke egolid.

Ŋikiru. 87:3

Okoe etaun ŋolo ka Akuj, elimitoe ŋakiro ŋuna etiyae alotooma kon erae ŋuna ka aumokin.

Eete a Ŋie. 4:7

Ibus iyoŋ nooi ŋinaminat kaŋ, emam neni nyibus anakuwan kon.

Isa. 62:3

Ikwaanikinosi iyes ibusak aneni a Ekapolon ka ekaboboot, ikwaanikinosi iyes ibusak aneni ka Akuj kus ka amoru ŋina epol egyelit ŋina enapito ŋirwosi.

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

2 Ŋikor. 11:2

Ayakar ayoŋ arakao aŋuna kus ikwapei eyakar Akuj daŋ arakao aŋuna kus; ikote iyes apese ŋina nyiryamakina ka ekile, ŋina adau ayoŋ akiikin ekile epei bon akiit iŋes--Kristo elope.

2 Ŋikor. 4:14

Ikiyeni isua atemar, ŋolopei abu kiteyaru Ekapolon Yesu, iŋes pei ebuni akiteyarun isua daŋ kaapei ka Yesu, ido ikiya isua ka iyes kiŋaren keŋ.

Ŋiep. 1:4

Tari eriŋa akwap nyesubuna, aris Akuj kikiseu iwon alotooma Kristo aruwor ŋulu keŋ, ikotere nai ikipedori iwon ayakau kiŋaren keŋ ikirae ŋulu ikisegak alotai ka ŋulu ikiyookino alokiŋaren keŋ.

Ŋikol. 1:22

Nai tokona, aŋuna ka atwanare a Lokoku keŋ alokuwane a ituŋanan, abu Akuj kisil. Ipedorito tokona iyes ayakau kiŋaren keŋ iraakasi ŋulu keŋ, ŋulu isegak alotai, ŋulu emam asecit.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

1 Pet. 1:19

arae ŋaokot a Kristo ŋuna epol egyelit, ŋuna ekwaan ka ŋuna a imesek a ŋini emam nyeŋwalit kori nyitoronitae.

2 Pet. 3:14

Aŋun ŋikaakonei ŋuluminan, ani idarito Akoloŋit ŋin, kitiyata ka agogoŋu tomam adioronis alokiŋaren Akuj, ikotere ikiryamun isilito ka iŋes.

Yud. 1:21

Kiboiyete alotooma amina ŋina ka Akuj, eriŋa idarito iyes Ekapolon yok Yesu Kristo ainakin iyes akiyar ŋina nyedaun anakisyon keŋ.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.