Ŋiep. 5:20 - Ebaibul

²⁰ Alokiro ke Ekapolon yok Yesu Kristo, tolakanaros jwi jwi neni ka Akuj Papa aŋuna a ŋakiro a daadaŋ.

Ŋiep. 5:20 Iomraidhean Croise

Yob 1:21

Tema, “Ekedounio ayoŋ anakwap a na pa anapit idiobore ka aŋopiyari anakwap a na pa anapit idiobore, abu Ekapolon okoinak, ido enyaka Ekapolon; kipuroe ekiro ke Ekapolon.”

Ŋikiru. 34:1

Epuri ayoŋ Ekapolon ŋapakio daadaŋ; arubakini ayoŋ epuro iŋes jwi jwi.

Isa. 63:7

Atamuni ayoŋ ŋiticisyo a Ekapolon kaŋ ŋulu ajokak, ŋiticisyo keŋ ŋulu emaikina kipurore iŋes. aŋuna a ŋiticisyo a daadaŋ a ŋulu etiya iŋes aŋuna yok ka ajokis ŋina apolon nooi ŋina etoodik iŋes Ŋisirael, ŋina etoodikinia iŋes ikes akisyon keŋ, alotooma amina keŋ ŋina alalan ŋina nyiryaŋiryaŋa.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Ŋitic. 5:41

Tolomasi Ŋikiyakia a Natukot elakara nooi, anerae atamete ikes atemar amaikina ikes aryamun ŋican aŋuna ke ekiro a Yesu.

Ŋirom. 1:8

Ŋuna iŋarenete, alakara ayoŋ neni ka Akuj kaŋ alotooma Yesu Kristo, aŋuna kus a daadaŋ, anerae irworosi ŋituŋa a ŋakwapin a daadaŋ ŋuna ka anupit kus.

1 Ŋikor. 1:4

Alakara ayoŋ neni ka Akuj kaŋ jwi jwi aŋuna kus, aŋuna ikiinia iŋes iyes ajokis alotooma Yesu Kristo.

1 Ŋikor. 15:24

Todolu nai asalunet ŋina ka akwap; apaki ŋin, ilouni Kristo ŋapukasinei ka ŋapolon ka ŋapedorosyo daadaŋ, ido inak Apukan neni ka Akuj a Papa.

Ŋiep. 5:4

Nyejok daŋ iyes irworosi ŋakiro ŋuna a ŋileec, ŋuna a ŋiyany kori ŋuna ke erasi. Nai itemokino tolakanaros neni ka Akuj.

Ŋipil. 1:3

Alakanari ayoŋ neni ka Akuj kaŋ ŋapakio daadaŋ ŋuna akatamununuya ayoŋ iyes;

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

1 Ŋites. 3:9

Epol nooi alakara kosi neni ka Akuj yok aŋuna ka alelyan a ŋina ikiyakar isua alokiŋaren keŋ aŋuna kus.

1 Ŋites. 5:18

tolakanaros neni ka Akuj anakiro a daadaŋ; anerae erae ŋun ŋuna ecamit Akuj aneni kus alotooma Yesu Kristo.

2 Ŋites. 1:3

Ŋikaitotoi, itemokino isua olakaros neni ka Akuj ŋapakio daadaŋ aŋuna kus. Iyookino ŋun, anerae iyata anupit kus nooi ka daŋ epoloe amina ŋina iyakatar iyes alokidiŋ kus make.

2 Ŋites. 2:13

Ŋikaitotoi, itemokino isua olakaros neni ka Akuj ŋapakio daadaŋ aŋuna kus a ŋulu ikimina Ekapolon. Anerae abu Akuj itoseu iyes anakisyakinet aŋuna ka aiuno alotooma akiteseguno kus aneni ke Etau a ŋolo Asegan ka alotooma anupit kus ŋakiro ŋuna a kire.

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.