Ŋiep. 5:17 - Ebaibul

¹⁷ Nyibaŋaaka, nai kikatakisi ayenun ŋuna ecamit Ekapolon.

Ŋiep. 5:17 Iomraidhean Croise

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 119:27

Kimyekinae ayoŋ oyenu ŋuna ebasi ŋikisila kon, ikotere nai otamatama ŋaumonokineta ŋuna itiya iyoŋ.

Ŋakit. 14:8

Aosou a ŋituŋa a ŋulu eyakatar ayenut, iŋes itoodianakini ikes neni emaikina ikes toloto, nai itooliyori abaŋao ŋibaŋaanotin.

Ŋakit. 2:5

nen nai iyenunia iyoŋ akitopoloorit Ekapolon ka nen iryamunia iyoŋ aosou ŋina ka Akuj.

Ŋakit. 23:23

Togyelu ŋakiro ŋuna a kire, ido nyigyela; togyelu aosou ka ŋakiro ŋuna ikitatamio ta ayenut.

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yoa. 7:17

Ani keseu idiotuŋanan ŋuna ecamit Akuj, eyenuni iŋes erae kebunit akitatam na aneni ka Akuj, kori erae kerworo ayoŋ aŋuna ka apedor kaŋ bon.

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

Ŋiep. 5:15

Aŋun, tocoikinito alopite a ŋolo iboiyoto iyes. Nyiboiyete ikwa ŋituŋa ŋulu abaŋaanak, nai ikwa ŋituŋa ŋulu aosok.

Ŋikis. 4:6

Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”

Ŋikol. 1:9

Aŋun, ameun anakoloŋit a ŋina eirarere isua ŋuna itiyaete iyes, ikilipanakini isua iyes jwi jwi. Ikilipi isua neni ka Akuj ikiinak iyes aosou ka ayenut daadaŋ, ŋina ebunit aneni ke Etau keŋ, ikotere nai toyenut ejok acamit keŋ.

Ŋikol. 4:5

Itemokino iyes toosok alopitesyo a ŋulu iboiyoto iyes alokidiŋ ŋituŋa ŋulu nyeraakasi Ŋikristo. Kisitiyata ejok apaki daadaŋ ŋina iyakatar iyes.

1 Ŋites. 5:18

tolakanaros neni ka Akuj anakiro a daadaŋ; anerae erae ŋun ŋuna ecamit Akuj aneni kus alotooma Yesu Kristo.

1 Pet. 4:2

Ameun tokona, nyeriŋa akiyar keŋ anakwap a na iwuapit ekibure ŋolo aronon, nai acamit ŋina ka Akuj.