Ŋiep. 5:11 - Ebaibul

¹¹ Nyilomanarete nakiro ŋuna koŋinae ŋuna ka akiryonut, nai kisileereutu ikes.

Ŋiep. 5:11 Iomraidhean Croise

Akisy. 20:16

Tolimok iŋes Sara tema, “Kiira, ainak ayoŋ lokaato kon ŋisilipae aliput; ikotere eyenunete ŋituŋa daadaŋ ŋulu iboiyoto iyoŋ atemar nyisecit iyoŋ. Iteyenunete ŋul ŋituŋa daadaŋ atemar mam ŋuna aronok ŋuna itiyat iyoŋ.”

Ŋikiru. 141:5

Kimyek ituŋanan ŋini iyookino ekesican ayoŋ, erae ŋun arimao kimyek ŋulu ikinyoma eketatam ayoŋ akimyekin akitiya aronis; erae ŋun amina; nyikimyek ayoŋ oŋer amina ŋin, anerae elipi ayoŋ jwi jwi eteŋeriyorit ŋiticisyo a ŋulu itiyaete aronis.

Ŋakit. 1:10

Ikaakoku, anikikicocoiyasi iyoŋ ŋikasecak, nyicamu ŋakiro kec.

Ŋakit. 1:31

ikisicanio iyes anakiro a ŋuna itiyaete iyes, ikitedyakakinete iyes ŋakiro ŋuna itiyaete iyes,

Ŋakit. 13:18

Akulyako ka amamukau ajokis alotuŋa a ŋuluce, erae ŋuna a ŋulu eŋerito akitatamo akitiya ŋuna ajokak. nai itopoloorete ŋituŋa ituŋanan ŋini ecamit akitatamo toesik akitiya ŋuna aronok.

Ŋakit. 15:12

Nyecamununeete ŋituŋa ŋulu ejamuwarito ŋuluce alimokino atemar eroko ŋuna itiyaete ikes, nyecamunete tari alosit neni a ŋulu aosok.

Ŋakit. 19:25

Emaikina kisicanae ituŋanan ŋini iturono, ikotere nai ŋibaŋaanotin eyenunete ŋuna kitiya. Ani kisicani ŋikaosok, iirarete ka eyenunete ŋace ŋuna ka aosou.

Ŋakit. 25:12

Ani kikilimok ituŋanan ŋini aoson ŋakiro, ido kiira kiwuap, ejok nen nooi, ikoni neni ejokya inapit anakit ibore ŋini itiyaunitae a egolid.

Ŋakit. 28:4

Ŋituŋa ŋulu eŋerito akiwuap ŋikisila, elakara aŋuna a ŋituŋa a ŋulu aronok, nai ŋituŋa ŋulu iwuapito ŋikisila, eremokino ŋituŋa ŋulu aronok.

Ŋakit. 29:1

Ituŋanan ŋini erubakinit isyaana tari kelimokin atemar toesik akisyaanu, ewana akoloŋit apei todaun tari epite ŋolokitaŋaleunet.

Isa. 29:21

Emunyaryo ŋulu imyeanakinete ŋikaronok nyisicana, ŋulu edapito alopukei ŋikatubok ŋakiro ka ŋulu etubonokinete ŋulu emam aronis itiyato.

Yer. 15:17

Nyiboikino ayoŋ neni aya ŋulu emwomworete elakara, kori nyelelyana ayoŋ; eboi ayoŋ aneni kaŋ bon, anerae ibu iyoŋ ikisican ayoŋ, ibu iyoŋ kilelebik aŋoit lotau kaŋ.

Ŋilep. 19:17

“‘Nyimanit ŋiyeneta kon alotau kon. Tolimok ŋikidunyetkon itoŋoiyarit atemar idyakarito, erae ŋun ikotere nyeruworosi ikes ŋulu esecito.

Mat. 18:15

“Ani kesec lokaato kon neni kon, tolot neni keŋ kiteyenik iŋes adyakaret keŋ aneni kus make. Ani kiira iŋes ŋuna ilimok iyoŋ, iŋes atemar inyaku iyoŋ lokaato kon.

Luk. 3:19

Nai abu Erode erwosit, aŋuna etoronia Yoana iŋes aŋuna eturuworya iŋes Erodiya ŋina arae aberu a lokaato keŋ ŋina keŋ ka aŋuna a ŋiboro a ŋulu aronok a daadaŋ a ŋulu kitiyat iŋes;

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋirom. 13:12

Aapuu akuwar alunyar, aapuu akiwalar. Ojoŋoto nai akitiya ŋiticisyo ŋulu ka akiryonut, olemutu ŋiboro ŋulu ikijiyo anakica.

Ŋirom. 16:17

Ŋikaitotoi kaŋ, ekemaimai ayoŋ iyes atemar tocoikis ŋulu etyakatyakaete ŋituŋa, ido kitooliyosi ananupit kec; ŋulu eŋerito ŋakiro ŋuna aponi ikitatami iyes. Tocoito irukete ka ikes!

Ŋirom. 6:21

Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

Ŋigal. 6:8

Anerae ani keeki ituŋanan nakiitanit ŋina ka aseconu keŋ, nenipei nen ecunakinia iŋes akilem keŋ, ŋina erae atwanare; nai ani keeki iŋes neni ke Etau a ŋolo ka Akuj, nenipei nen ecunakinia iŋes akilem keŋ, ŋina erae akiyar ŋina nyedaun.

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋiep. 5:12

(Nai erae ŋileec nooi iyes tari akirworo ŋakiro ŋuna itiyaete ŋituŋa ŋul anakimunono.)

Ŋiep. 5:7

Aŋun, nyirukito ka ŋituŋa ŋulu ikote nen.

Ŋikol. 1:12

Tolakanaros neni ka Akuj Papa, ŋolo ikitemok iyes aryamun atyaketait a ŋarereŋisyo a ŋuna iŋadakinit Akuj aŋuna a ŋituŋa keŋ a Napukan keŋ a ŋina ka akica.

1 Ŋites. 5:7

Ŋulu ejotoete, ejotoete nakwaare ka erae nakwaare emeranakinotor ŋikamerak.

2 Ŋites. 3:14

Ani kewou idiotuŋanan akiwuap ŋuna irworoe isua anabaruwa a na, tocoikisi iŋes ejok, ka totyakaros aneni keŋ, ikotere kiruma iŋes ŋileec.

2 Ŋites. 3:6

Ŋikaitotoi, ikicikakinit isua iyes alokiro ke Ekapolon Yesu Kristo, atemar totyakaros aneni a ŋikaitotoi a ŋulu ekalanyaka, ŋulu nyiwuapito ŋakiro ŋuna aponi isua kitatamae.

1 Tim. 5:20

Kisibura iteete ŋituŋa daadaŋ ŋulu eseceneneete, ikotere ekerete ŋuluce akitiya ŋun.

1 Tim. 5:22

Nyikirikirakin akidokokin ŋakan kon neni a ituŋanan a idio aŋuna ka akituruwor iŋes eketiyan ŋolo ka atukot a Ŋikristo. Nyiloma nasecisya a ŋituŋa a ŋuluce; torubak irae ŋolo iseg alotau.

1 Tim. 6:5

ŋipegeta ŋulu nyedaun alotuŋa a ŋulu nyisitiyaete ŋatameta kec, ŋulu nyeriŋa eyakatar ŋakiro ŋuna a kire. Etamete ŋituŋa ŋul atemar edin iŋes erot ŋolo eryamunere ebari.

2 Tim. 3:5

ŋulu esibito iricito ŋakiro ŋuna ke edin, nai kitoodiunite akiyar kec atemar emam apedor ŋina ka Akuj alotooma kec. Toŋer ŋituŋa ŋulu ikote ŋul.

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

Tito 2:15

Kitatam ŋakiro ŋun; kisitiya apolou daadaŋ ŋina iyakar iyoŋ apaki ŋina isimukekinitor ka ŋina isiburaa ikes epupete ŋakiro ŋuna irworo iyoŋ. Nyicamak idio alokidiŋ kec ikimenit iyoŋ.

Akis. 18:4

Abu nabo eira etoil ece anakuj ebala, “A ŋituŋa kaŋ, tolomutu aneni keŋ! Ikotere nyiseca ikwa ŋituŋa keŋ, ido toryamut ŋakisicaneta keŋ!