Ŋiep. 5:1 - Ebaibul

¹ Ikwapei iraakatar iyes ŋidwe ka Akuj ŋuluminan, itemokino iyes kituputo iŋes.

Ŋiep. 5:1 Iomraidhean Croise

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Ŋilep. 11:45

Arae ayoŋ Ekapolon ŋolo abu okoyau iyes eketipeunio anakwap a Ijipit, ikotere oruwor Akuj kus; aŋun, toruworos ŋulu isegak, anerae aseg ayoŋ.

Mat. 5:45

ikotere nai iruworosi iyes ŋidwe a Papa kus a ŋolo eyai nakuj. Anerae itacaununui iŋes akoloŋ neni a ŋulu aronok ka neni a ŋulu ajokak. Iyakuununui akiru neni a ŋulu itiyaete ŋuna ajokak ka neni a ŋulu itiyaete ŋuna aronok.

Mat. 5:48

Itemokino iyes tojokak nooi, ikwaŋinapei eraakar Papa kus ŋolo anakuj ŋolo ajokan nooi!

Yoa. 1:12

Nai ŋulu daadaŋ apotu kijaut iŋes, tonupa ekiro keŋ, abu iŋes inak ikes apedor ŋina ruworet ŋidwe ŋulu ka Akuj.

Ŋiep. 4:32

Akilo, toruworos ŋulu irimaaka ka ŋulu iyapara alotai, kisyonios make ikwapei adaunia Akuj akisyon iyes alotooma Kristo.

Ŋipil. 2:15

ikotere toruworos ŋulu nyisecito ka tosegak alotai ikwapei iraakatar ŋidwe ŋulu ka Akuj ŋulu emam aronis, ŋulu iboiyete alokidiŋ ŋituŋa ŋulu a ŋinyas ŋulu asecak. Itemokino iyes tocayete alokidiŋ kec ikwa ŋikacer ŋulu ecayete alokidiama,

Ŋikol. 3:12

Ikwapei tokona iraakatar iyes ŋituŋa ŋulu ka Akuj, ŋulu ikiseu ka ŋulu emina iŋes, itemokino nai iyes kitoodiut akisyon, arimao, akitiditeuna, akiyapara ka atitinyikinit.

1 Yoa. 4:11

Ŋikaakonei ŋuluminan, ikwaŋina abunio Akuj ikiminakinia iwon ikoŋina, itemokino iwon daŋ ominin make.