Ŋiep. 4:32 - Ebaibul

³² Akilo, toruworos ŋulu irimaaka ka ŋulu iyapara alotai, kisyonios make ikwapei adaunia Akuj akisyon iyes alotooma Kristo.

Ŋiep. 4:32 Iomraidhean Croise

2 Sam. 7:21

Aŋuna ka akiikinet kon ka acamit a etau kon itiya iyoŋ ŋakiro ŋuna apolok nooi ŋun daadaŋ, ikotere ayoŋ eketiyan kon ayenuni ikes.

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 145:9

Ejok Ekapolon aneni a daadaŋ, isyoniyenene iŋes daadaŋ ŋulu abu iŋes tosub.

Ŋakit. 12:10

Eyenete ŋituŋa ŋulu ajokak ibore ŋini icanasi ŋibaren kec, nai eryenyanikinito ŋituŋa ŋulu aronok ŋibaren kec.

Ŋakit. 19:11

Nyeŋoyenene atipei ituŋanan ŋini eyakar aosou, erae akiyookino a ituŋanan a ŋin ibore ŋini einakini iŋes ajamakin ŋakiro ŋuna itoŋoitere.

Ŋakit. 19:22

Ibore ŋini iitana aneni a ituŋanan iŋes amina, ido ejok araakau ikulyakit akilo araakau ikalyokonon.

Isa. 57:1

Ani etwakete ŋituŋa ŋulu iyookino, emam ituŋanan emisit atamatam alotau keŋ. Ani earyo ŋituŋa ŋulu enupito nooi, emam ituŋanan eyeni ŋakiro ŋuna aarere ikes. Elemanaryo ŋituŋa ŋulu iyookino, anerae nyecamitae ikes toryamut ŋican,

Yer. 38:12

Tolimok nai Ebed-Melek Esiopiait Yeremia tema, “Kiwuak ŋaraco ka ŋilowi nakirididia kon ta ŋaunoi.” Kitiya Yeremia ikwaŋinapei.

Mat. 6:12

Kisyoni isua ŋasecisya kosi, ikwaŋina ikisyoniyo isua daŋ ŋulu eseceneneete aneni kosi.

Mar. 11:25

Apaki daadaŋ ŋina ilipyata iyes, kisyonioto ŋini daadaŋ itiyat aronis neni kus, ikotere Papa kus daŋ ŋolo eyai nakuj ikisyoni iyes. [

Luk. 1:78

Epatana nooi Akuj yok ka isyoniono. Abu aiuno keŋ neni yok ikoni neni ipiripirunia akoloŋ

Luk. 11:4

Kisyoni isua ŋakosisecisya, anerae isyoniyeneneo isua ŋulu eseceneneete aneni kosi. Nyikiya isua nakitemyet.’ ”

Luk. 17:4

Ani kesec iŋes aneni kon ŋarwa ŋakanikaarei apeipaaran, ido toboŋu ŋarwa ŋakanikaarei tolimu tema, ‘Aki, kisyoni,’ itemokino nai kisyoni iŋes.”

Luk. 6:35

Nai tominas ŋikusimoe, tojokak aneni kec ka kipotonorete tomam akiitanit atacanot. Epoloor nai eropit kus ka iruworosi ŋidwe ŋulu ka Akuj a ŋina alokidiama nooi, anerae erimaana iŋes neni a ŋulu nyelakanarosi neni keŋ ka ŋulu aronok.

Luk. 6:37

“Nyitubonokis ŋuluce, ikotere nyikitubok Akuj iyes. Nyitoroniyasi ŋuluce, ikotere nyikitoroniya Akuj iyes. Kisyonioto ŋuluce, ikotere ikisyoni Akuj iyes.

Ŋitic. 28:2

Akoneoko nooi ŋituŋa ŋulu a nen. Ikijaut ikes isua, kinokakis akim, anerae atepit akiru, tolilim akwap.

Ŋirom. 12:10

Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

1 Ŋikor. 13:4

Etitiny amina ka erimaana; nyerakaana amina kori nyitojoka bon kori nyiturono.

2 Ŋikor. 2:10

Ani kisyonioto iyes ituŋanan, esyoni ayoŋ daŋ iŋes. Ani kesyon ayoŋ idiotuŋanan--erae kire keyai ŋini itemokino esyoni--esyoni aŋuna kus alotooma Kristo,

2 Ŋikor. 2:7

Nai akilo, itemokino kisyonioto ka kimaimaa iŋes, ikotere nyesuro etau keŋ nooi, ido toluŋakin jik.

2 Ŋikor. 6:6

Aŋuna ka asegis alotai kosi, anayenut, anatitinyikinit ka anarimao, ikitoodiun isua ikirae ŋiketiyak ŋulu ka Akuj alotooma Etau ŋolo Asegan, ka anamina kosi a ŋina a kire

Ŋiep. 5:1

Ikwapei iraakatar iyes ŋidwe ka Akuj ŋuluminan, itemokino iyes kituputo iŋes.

Yak. 5:11

Topupokisi! Ikibala iwon erereŋ ŋulu apotu totitinyikis. Iirasi iyes atitinyikinit ŋina a Yob ka iyenete iyes epite ŋolo abunio Akuj kiterereŋio iŋes ekaku, anerae isyoniono ka etimoono Ekapolon.

2 Pet. 1:7

loyare ŋolo ecamit Akuj, kiyatakisi amina ŋina ke ekaitotoonu ka namina kus ŋina ke ekaitotoonu, kiyatakisi amina.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

1 Yoa. 2:12

Ŋidwe kaŋ, ekegirakinit ayoŋ iyes, anerae esyoni ŋasecisya kus aŋuna a Yesu Kristo.

Rus. 2:20

Tolimok Naomi nateran keŋ tema, “Kiterereŋ Akuj ekile ŋol, anerae nyimuryakina iŋes arimao keŋ neni a ŋulu eyarete ka ŋulu atwaka.” Tema Naomi neni a Rus, “Erae ekile ŋol eyenet yok, epei ŋolo eyakar apedor akiuryar iwon.”