Ŋiep. 4:31 - Ebaibul

³¹ Tojoŋoto arakao, anyunyura, aŋoit, ecelet ka akiyany Akuj.

Ŋiep. 4:31 Iomraidhean Croise

Akisy. 27:41

Kiman Esau Yakob aŋuna ka arereŋu a ŋina abu Isaka inak Yakob, tema Esau alotau keŋ, “Aapuut ŋirwa ŋulu egworyo ayoŋ papa kaŋ; ekaku, aari ayoŋ Yakob lokaato kaŋ.”

Akisy. 37:21

Nai, ani iirari Ruben ŋakiro ŋun, kikatak aiun Yosepu aneni a ŋikaitotoi keŋ tema, “Nyikiar kare ca iŋes.”

Akisy. 37:4

Ani eyenunete ŋikaitotoi a Yosepu atemar emina papa kec Yosepu akilo ikes ŋuluce, kimana Yosepu, tojoŋoto akisirwor iŋes eminasi.

Akisy. 4:8

Tema Kain neni ka Abel a lokaato keŋ, “Bua apena nariet.” Ani eriŋa ikes eya nariet, tonyoik Kain Abel lokaato keŋ, toar.

2 Sam. 13:22

Abu Abusalom nyelimok Aminon ŋakiro ŋadi, ŋuna ajokak, kori ŋuna aronok, anerae abu Abusalom kiman Aminon aŋuna abunio iŋes toreik Tamar nakaato keŋ akiryamakin ka iŋes.

2 Sam. 19:27

Abu iŋes kirwor alyokonu neni kon eketoroniyarit ayoŋ, okoe ekapolon kaŋ. Nai ayeni ayoŋ atemar ikwaan iyoŋ erwosit ekapolon kaŋ ka emalaika ka Akuj; aŋun, kitiya neni kaŋ ŋuna itami iyoŋ atemar ejokak aneni kon.

2 Sam. 19:43

Toboŋokis nai Ŋisirael ŋituŋa a Yudaya temasi, “Ŋiboro ŋitomon emaikina isua oryamutu aneni a erwosit adepar ŋulu iryamunete iyes; meere ŋun bon, erae Daudi ŋolo kosi akilo iyes. Aŋun, kaanukiro ikijamuwaritotor iyes isua? Meere isua ikisyauni akirworo ŋakiro ŋuna ka akinyakun erwosit a?” Nai apotu ŋituŋa a Yudaya toboŋokis ŋakiŋiseta ŋun eryenyaaka nooi akilo Ŋisirael.

Ŋikiru. 101:5

Amunyari ayoŋ ŋituŋa daadaŋ ŋulu irworosi itoroniarito ŋuluce, nyacamuni ayoŋ arukit ka ŋulu itopolooro bon ka ŋulu eturok.

Ŋikiru. 140:11

Nyicamak ŋulu isudete ŋuluce ŋakiro etenete anakwap; kimyek aronis bu atipei tomunya ŋikaryenyaanak.

Ŋikiru. 15:3

ikes ŋulu nyecamito asyomar ŋuluce, ŋulu nyitiyaete aronis neni a ŋikonei kec, kori ŋulu nyinyaŋete ŋikidunyet kec.

Ŋikiru. 37:8

Nyiruworosi ŋulu iŋoaka ka toŋero anyunyura, nyiruworosi ŋulu enepi ekibure, ikirikori ekibure ŋol naronis;

Ŋikiru. 50:20

Irworosi iyes a ŋinapaki itoroniarito ŋiyeneta kus, ido iswomatar ŋikaitotoi kus.

Ŋikiru. 64:3

a ŋulu itokwanito ŋaŋajepa kec ikwa ŋileŋia, tocebete ŋakiro ŋuna apipilak ikwa aremot ŋina a ŋikaleŋeleŋe

Ŋakit. 10:12

Iasete ŋiman ŋican, nai erapuwarit amina ŋasecisya daadaŋ.

Ŋakit. 10:18

Ituŋanan ŋini imunonit ŋuna ikimanitor, irworo alyokonu, ituŋanan ŋini irworor ŋuluce, erae ibaŋaanot.

Ŋakit. 14:17

Ituŋanan ŋini epatana akiŋo, itiyae ŋakiro alotooma abaŋao, ido eye ituŋanan ŋini aronon ŋiman.

Ŋakit. 18:8

Ŋakiro ŋuna iŋaiŋaatar ŋituŋa irworotor ŋuluce, ebobok ikwaan ka amugati ŋina eyai esukari ebob nooi akiirar ŋakiro ŋun, ido italakarete akuwan.

Ŋakit. 19:12

Ikoni aŋoit a erwosit neni irurumaa eŋatuny, nai ikoni ajokis keŋ ŋakopi alonya.

Ŋakit. 25:23

Eaununui ekuwuam ŋolo ekutuni alo Kuju akiru, nai eaununui aŋajep ŋina irworor ŋuluce anyorididi.

Ŋakit. 26:20

Ani kemam ŋakito anakim, eduŋe akim, ani kemam akiŋaiŋaar ŋituŋa ŋuluce, edaun ebura.

Ŋakit. 29:22

Epedori ituŋanan ŋini eŋoit sek akitoŋo tojikin, ido epedori ituŋanan ŋini epatana akiŋo akitiya ŋasecisya ŋuna alalak.

Ŋakit. 29:9

Ani kelot loikiiko ituŋanan ŋini aoson ka ŋini ebaŋaana, egeuni ŋini ebaŋaana akiŋo ka akiyenyanar todaun epite ŋolo isilyata ikes.

Ŋakit. 6:19

ŋisuudae ŋulu irworosi alyokonu ka ŋituŋa ŋulu isyaanakinete egurigur alokal.

Ekal. 7:9

Nyemaikina ituŋanan tema, “Epatana akiŋo, anerae erae neni a ŋibaŋaanotin idasitor aŋoit.”

Yer. 6:28

Erae ikes daadaŋ ŋituŋa ŋulu isyaaka ka eŋeroko, erukito ikes ka ŋikeyanyak, egogoŋ ŋakyes kec ikwaan ka eburonis ka asuwat, itiyaete ikes daadaŋ ka atuna.

Yer. 9:4

Tocoikinito ŋikidunyet kus ka nyikinyomito idio alotooma ŋiyeneta kus, anerae erae ŋiyeneta kus daadaŋ ŋulu amodyanakinak ka irimito ŋikidunyet kus daadaŋ erae ŋikamodiyanak.

Ŋitic. 21:30

Kiguryakin etaun daadaŋ, toema ŋituŋa daadaŋ kaapei kikamut Paulo, kiriyasi iŋes kiŋa Akai ka Akuj ka togolokinoe atipei ŋikekya.

Ŋirom. 3:14

Ileleba ŋilam ka adedeŋu nakituka kec.

1 Ŋikor. 14:20

Ŋikaitotoi kaŋ, nyikote ŋidwe alopite a ŋolo itamyata iyes. Ipedorete iyes akitiya ikwa ŋidwe anakiro a ŋuna aronok, nai alopite a ŋolo itamyata iyes, toruworos ŋituŋa ŋulu ipakito anakiro a ŋuna ka Akuj.

1 Ŋikor. 5:8

Nyikinumunum Paska yok a ŋamugati a ŋuna eya ŋakinyalet kec ŋuna ŋorok ŋuna ka asecit ka aronis, nai enumunuma a ŋamugati a ŋuna emam ŋakinyalet--ŋamugati ŋuna itesegunitae ka ŋuna a kire.

2 Ŋikor. 12:20

Akabulit ayoŋ atemar ŋina adolunio ayoŋ inaa, akaryamuni iyes igelaaka, pa ikote neni acamit ayoŋ iyes kikote ka ayoŋ daŋ pa ekoni neni icamito iyes ayoŋ ekoni. Akabulit ayoŋ atemar aryamuni aneni kus ebura, arakao, anyunyura, emwane, ŋiyany ka akirworor ŋuluce, akituro ka atyakatyaka.

Ŋigal. 5:20

akilip neni a ŋakujo, akikukuja, aremo, ebura, arorokanut, aŋoit, amarya, atyakatyaka aŋuna ka agelegelya a ŋatameta, atyakatyaka aŋuna a ŋatukon,

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋiep. 4:25

Tojoŋoto amodyanakin! Itemokino ŋinituŋanan kirwor ŋuna a kire neni ke ekanupan a ŋoloce, anerae ikirae iwon daadaŋ ŋipei alotooma Kristo ikwapei ikiraakar iwon ŋinerin ŋulu ka apeikuwan.

Ŋiep. 4:26

Ani kiŋoa iyes, nyicamut aŋoit kus ikiteseci iyes ka kisila eriŋa akoloŋ nyedoiyoro;

Ŋikol. 3:19

Ŋikilyok, tominas ŋaberu kus ka nyidedeŋikinito ikes.

Ŋikol. 3:8

Nai tokona itemokino iyes tolemasi ŋipitesyo lu daadaŋ anakiyar kus: aŋoit, anyunyura, ŋatameta ŋuna itoroniarito ŋuluce, akiyany Akuj kori ŋilam.

1 Tim. 3:11

Ŋaberu kec daŋ, itemokino erae ŋuna emaikina tokeritetei, nyirworotor ŋulucetuŋa, torae ŋuna etyamaarito ka ŋuna ikinyomitae anakiro a daadaŋ.

1 Tim. 3:3

Itemokino nyerae ŋolo emerana, ŋolo eryenyaana, nai torae ŋolo iyapara, meere ŋolo iburana ka ŋolo emina ŋisiliŋa.

1 Tim. 5:13

Nabo eyenikinete ikes akalanyanut anakirimit ŋakais; meere ŋun bon, eyenikinete daŋ akirworor ŋituŋa ka apanapanat emam ediotic itiyaete ta akirworo ŋakiro ŋuna nyitemokino ikes irworosi.

2 Tim. 2:23

Toŋer ŋipegeta ŋulu a ŋimasimas ka ŋulu ka abaŋao, anerae iyeni iyoŋ atemar ebura bon eyaunete ikes.

2 Tim. 3:3

eruworosi ŋulu emamukatar aminanar, ŋulu emam akitim, ŋulu irworotor ŋuluce, ŋulu ededeŋ ka eryenyaaka; eruworosi ŋulu eremokino ŋuna ajokak,

Tito 1:7

Ikwapei eraakar ekarikon ŋolo a Ŋikristo epolokinit etic ŋolo ka Akuj, itemokino iŋes pa itoronitae. Nyitemokino iŋes ituro kori epatana akiŋo kori emerana kori eryenyaana kori erorokana alosiliŋa.

Tito 2:3

Ikwaŋinapei, kitatam ŋakimak kiboiyoto alopite a ŋolo itoodiunit atemar ekerito ikes Akuj, nyirworotor ŋulucetuŋa ka nyeruworosi ŋakamerak. Itemokino ikes toruworos ŋuna itatamete ŋakiro ŋuna ajokak,

Yak. 1:19

Ŋikaitotoi kaŋ ŋuluminan, toyenutu ŋakiro nu! Itemokino ŋinituŋanan kikirikira apupokin, nai tosae akirworikin ka nyeŋoyenene atipei.

Yak. 3:14

Nai ani kiyakatar iyes arakao ŋina aronon nooi ka akitojoka lotai kus, nyiturokinotor aosou ŋin, ido torapa ŋuna a kire aŋuna ka alyokonu kus.

Yak. 4:11

Ŋikaitotoi kaŋ! Nyirworotor ŋuluce aŋuna aronok. Ŋini irworo ŋuna aronok kori etubonokini lokaato keŋ, irworo iŋes ŋuna aronok itoroniyarit Ŋikisila ka etubonokini Ŋikisila. Ani kitubonok iyoŋ Ŋikisila, iŋes atemar nyeriŋa iyoŋ iwuapit Ŋikisila; nai iruwor iyoŋ ekatubonokinan.

1 Pet. 2:1

Toesikisi aronis daadaŋ; tojoŋoto alyokonu, ŋisoswae, ka arakao ta ŋakiro a ŋiyany daadaŋ.

1 Yoa. 3:12

Nyikikwaanikin ka Kain ŋolo ariit neni a ŋolo Aronon, ŋolo abu toar lokaato keŋ Abel. Kaanukiro aarya iŋes lokaato keŋ? Anerae aroko ŋiticisyo keŋ ka kiyookino ŋulu a lokaato keŋ.

1 Yoa. 3:15

Ituŋanan daadaŋ ŋini itidiŋit lokaato keŋ, erae iŋes ekaaran ka iyenete iyes atemar emam ekaaran ŋolo erubakini eyakar akiyar ŋina nyedaun tooma keŋ.

Akis. 12:10

Abu eira etoil ŋolo apolon anakuj ebala, “Adolu tokona aiuno ŋina ka Akuj! Etoodiu tokona Akuj apedor keŋ ikwa Erwosit! Etoodiu tokona Kristo keŋ apolou! Anerae emasun anakuj ŋolo awuoi alokiŋaren Akuj yok, ŋolo sek esitakinit ŋikaitotoi yok apaaran ka akuwar.