Ŋiep. 4:25 - Ebaibul

²⁵ Tojoŋoto amodyanakin! Itemokino ŋinituŋanan kirwor ŋuna a kire neni ke ekanupan a ŋoloce, anerae ikirae iwon daadaŋ ŋipei alotooma Kristo ikwapei ikiraakar iwon ŋinerin ŋulu ka apeikuwan.

Ŋiep. 4:25 Iomraidhean Croise

1 Ŋirw. 13:18

Tema nai ekadwaran ŋolo amojoŋit ŋol neni keŋ, “Ayoŋ daŋ arae ekadwaran ikwapei iyoŋ, ido abu emalaika kirwor neni kaŋ ŋakiro ke Ekapolon ebala, ‘Kinyaku iŋes toboŋut ka iyoŋ kai kon, ikotere iŋes imuji akimuj ka emasi ŋakipi.’ ” Nai amodikinit ekadwaran ŋol ekile ŋol.

Ŋikiru. 119:29

Kiyokoi ayoŋ nyewuap ŋuna nyiyookino, kitatamae ayoŋ anajokis kon ŋikisila kon.

Ŋikiru. 15:2

Erae ŋulu iboiyete pa itoronitae, ido kitiyaete ŋuna iyookino, ka kirworos ŋuna a kire alotai kec;

Ŋikiru. 52:3

Imina iyoŋ aronis nooi akilo ajokis, imina iyoŋ alyokonu nooi akilo akirworo ŋuna a kire.

Awos. 23:7

Nyilomasi nakiro ŋuna etubokinere ituŋanan pa esecit, ido toarae ituŋanan ŋin emam ibore aronon itiyat, kori toarae ituŋanan ŋin emam ibore esecit; anerae atubokini ayoŋ ituŋanan ŋini itiyae aronis ŋin.

Ŋakit. 12:17

Ituŋanan ŋini irworo ŋuna a kire, irworo ŋuna iyookino ŋuna ete iŋes itiyasi, nai esuuda ŋolo alyokonon, irworo ŋuna nyiyookino ŋuna pa ete iŋes itiyasi.

Ŋakit. 12:19

Erubakinete ŋakiro ŋuna a kire ŋikaru, nai euruwuana apaki ŋina irworore ŋuna ka alyokonu.

Ŋakit. 12:22

Erae asiilyo aneni ke Ekapolon akirworo alyokonu, nai elakara Ekapolon aŋuna a ŋituŋa a ŋulu itiyaete ŋuna a kire.

Ŋakit. 21:6

Ebari ŋolo eryamuni ituŋanan anakirworo alyokonu, eŋopiyari apaki ŋina euruwuana. nai isyauni mono ebari ŋol arikor iyoŋ napipilu ŋina ka atwanare.

Ŋakit. 24:28

Nyiruwor esuuda ŋolo irworo imanit ikidunyet kon emam ŋakiro iŋoitotor ka iŋes, nyirwor neni keŋ ŋakiro ŋuna erae alyokonu.

Ŋakit. 6:17

Ŋul ikes lu: Ŋituŋa ŋulu etakanete anakonyen kec itopolooro bon nooi, ŋituŋa ŋulu irworosi alyokonu, ŋituŋa ŋulu earete ŋituŋa ŋulu emam aronis itiyato,

Ŋakit. 8:7

Erae ŋakiro ŋuna erworo ayoŋ ŋuna a kire; akaronikinit ayoŋ akirworo ŋakiro ŋuna aronok.

Isa. 63:8

Abu iŋes tolimu tema, “Kire jik, erae ikes ŋituŋa kaŋ, ŋidwe ŋulu nyitiyaete ŋuna aronok;” ido abu iŋes toruwor ekaiunan kec

Isa. 9:15

Anyaritae ŋikasikou ka ŋikapolok akou a ŋituŋa, anyaritae ŋikadwarak ŋulu etatamete alyokonu kaku a ŋituŋa,

Osea 4:2

Ŋuna eya nakwap ikes nu: Akikoŋ ŋuna nyiwuapitae, alyokonu, akiar, akoko, elomi ka a ŋinapaki daadaŋ eyai abukonor ŋaokot.

Ŋilep. 19:11

“‘Nyikoŋo; nyimodyanakinosi make ka nyirworosi alyokonu.

Sakar 8:16

Ŋakiro nu ikes emaikina iyes kitiyata: Itemokino ŋinituŋanan kirwor ŋuna a kire neni a ŋinice ka totubonokisi anakiyookino alo ikiikoe kus.

Sakar 8:19

“Emaikina akiredanakin akiron ŋina iredanakinere aroneenen elap ŋolo a ŋiomwon, ŋolo a ŋikan, ŋolo a ŋikanikaarei ka ŋolo a ŋitomon, toruwor ŋasuban ŋuna ka alelyanu ka alakara aneni a ŋituŋa a Yudaya. Aŋun, emaikina iyes tominakis ŋuna a kire ka ekisil.”

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋirom. 12:5

Ikwaŋinapei, iwon daŋ tari kikilalak, ikirae akuwan apei anakimorikina ka Kristo, ido ikirucokina iwon daadaŋ iwapei ikirae ŋinerin ŋulu egelegelya ŋulu ka akuwan ka apei.

1 Ŋikor. 10:17

Aŋuna eyakar amugati apei, ikirae iwon ŋulu alalak akuwan apei, anerae ikimori iwon daadaŋ amugati apei.

2 Ŋikor. 7:14

Eturo ayoŋ aŋuna kus alokiŋaren keŋ ka nyekerumito ayoŋ ŋileec a ŋun. Nai ikwapei ikirworor isua ŋuna a kire jwi jwi neni kus, erae akituro ŋina ikitoodiunit isua aŋuna kus alokiŋaren Tito ŋina iyookino.

Ŋiep. 4:15

Akilo, anakirworo ŋuna a kire ŋuna itorunito namina, itemokino iwon opoloto alopitesyo a daadaŋ ekokisi Kristo, ŋolo erae akou a Ŋikristo a ŋulu erae akuwan keŋ.

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋiep. 4:31

Tojoŋoto arakao, anyunyura, aŋoit, ecelet ka akiyany Akuj.

Ŋiep. 5:30

anerae ikirae iwon ŋinerin ŋulu ka akuwan keŋ.

Ŋikol. 3:8

Nai tokona itemokino iyes tolemasi ŋipitesyo lu daadaŋ anakiyar kus: aŋoit, anyunyura, ŋatameta ŋuna itoroniarito ŋuluce, akiyany Akuj kori ŋilam.

Ŋikol. 3:9

Nyimodyanakinosi make, ikwapei idauniata alemar ekuwane ŋoloŋorot kaapei ka ŋipitesyo keŋ

1 Tim. 1:10

aŋuna a ŋulu emalaaka, aŋuna a ŋikilyok a ŋulu iteperete ŋikilyok ŋuluce, aŋuna a ŋulu ekokoiyanarete ŋituŋa ŋuluce, aŋuna a ŋikalyokonok ka ŋulu ikoŋete ka alyokonu ka ŋulu itiyaete ŋace ŋuna nyemaasi ka akitatam ŋina iyookino.

1 Tim. 4:2

Akitatam ŋina ikoni ŋin, erae ŋina ebunit aneni a ŋikalyokonok a ŋulu emodiyaka, ŋulu etwakito ŋatameta kec esibit icunyitae ka asuwat a ŋina emwana.

Tito 1:12

Tari epei a ŋikadwarak a Ŋikiretei, alimunit atemar, “Erae jwi jwi Ŋikiretei ŋikalyokonok, ikwaan ikes ka ŋityaŋ ŋulu asiilyanak ka erae ŋikadakak ŋulu akalanyanak.”

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

Ŋibur. 12:1

Ikwaŋina nai ikiyakar iwon daŋ ŋisuudae ŋulu alalak, itemokino iwon ojala ibore daadaŋ ŋini ikitukuruworit iwon ka ojala asecit daadaŋ ŋina imiidikina neni yok, oema tokona ikiŋirikinit akerit ŋina eyai kiŋaren yok.

Yak. 1:21

Aŋun, toesikisi ŋakiro ŋuna aronok ka ŋipitesyo ŋulu aronok daadaŋ. Kijautu ka akiyapara akirot ŋina iwuakinit Akuj lotai kus, ŋina epedori akiteyar ŋitai kus.

1 Pet. 2:1

Toesikisi aronis daadaŋ; tojoŋoto alyokonu, ŋisoswae, ka arakao ta ŋakiro a ŋiyany daadaŋ.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.

Ŋikat. 16:11

Tolimok Samuson Delila tema, “Ani kakaena ikes ayoŋ a ŋaunoi aŋuna kitet a ŋuna nyisitiyatae, edaun agogoŋu kaŋ, ido ikikwaanikin ayoŋ ka ŋituŋa ŋuluce.”