Ŋiep. 4:17 - Ebaibul

¹⁷ Akalimokini tokona ayoŋ iyes alokiro ke Ekapolon atemar: tojoŋoto akiboi alopite a ŋolo a ŋituŋa a ŋulu nyeyenete Akuj, ŋulu erae ŋatameta kec ŋakoŋinae,

Ŋiep. 4:17 Iomraidhean Croise

Neem. 13:15

Alorwa a ŋul, abu ayoŋ eŋolik alo Yudaya ŋituŋa ecuyete epiini akoloŋit ŋina a Sabato, eyaununeete Yerusalem ŋaeneta a ŋikinyom ka idokonokinete losigirya kec ayaununeete daŋ ikes Yerusalem akoloŋit ŋina a Sabato epiini, ŋaraito a epiini, ŋaboboryo ka ŋiboro ca daadaŋ. Abu ayoŋ olimok ikes nyegyelanasi akimuj akoloŋit ŋin.

Yer. 42:19

Okoe ŋipiya a ŋituŋa a Yudaya, ikilimok iyes Ekapolon atemar nyilot Ijipit. Toyenete atemar akalimok ayoŋ iyes ŋakiro ŋun nakoloŋit na,

Ŋilep. 15:18

Ani kiryamakin ekile ka aberu, emaikina ikes ŋuluarei ŋul kiloŋaros, ido erubakinete erae ŋulu itoroniyaritae akitodol eboŋ.

Luk. 16:28

neni eya atalokaato kaŋ ŋulukan. Kicik iŋes ikes toyenut, ikotere nyepotu nakim ŋina apipilan nooi na.’

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋitic. 18:5

Ani epote Silas ka Timoteo alo Makedonia, totum Paulo aayenen akeepaki daadaŋ elimonokini ka iteyenunui Ŋiyudayan atemar Yesu iŋes erae Kristo.

Ŋitic. 2:40

Kiteyenik Petero ikes ŋakiro ŋuna alalak, kisimukek tema, “Toiunos anakisicanio a ŋina eryamunete ŋituŋa ŋulu aronok ŋulu ka anyamet a na!”

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

1 Ŋikor. 1:12

Ŋuna ayeni ayoŋ aneni kus ikes nu: irworo ŋinituŋanan alokidiŋ kus ebala, “Arae ayoŋ ŋini a Paulo”, kori “Arae ayoŋ ŋini ka Apolo”, kori “Arae ayoŋ ŋini a Petero”, kori “Arae ayoŋ ŋini a Kristo.”

1 Ŋikor. 15:50

Ŋikaitotoi, apolou a ŋakiro a ŋun iŋes na: ibore ŋini esubunitae anakiriŋ ka anaokot, nyepedori aryamun Apukan ka Akuj; ibore ŋini inyasun, nyeryamuni ibore ŋini nyinyasun.

2 Ŋikor. 9:6

Toyenete nu: ituŋanan ŋini eekini ŋikinyom ŋulu ekudyoko, elemuni ŋidikudyo; ituŋanan ŋini eekini ŋikinyom ŋulu elalak, elemuni ŋulu elalak.

Ŋigal. 3:17

Ŋuna alimunit ayoŋ ikes nu ebe, abu Akuj tocamunos ka Aburaam, kiik akiric Acamunet ŋin. Nyepedorete Ŋikisila ŋulu koloŋ ayauni Akuj kelunyarosi ŋikaru ŋamiae ŋaomwon ka ŋatomoniuni akibil Acamunet ŋin ka akikisar akiikinet ŋina ka Akuj.

Ŋigal. 5:3

Aboŋokini nabo alimun atemar ituŋanan daadaŋ ŋini acamu akileŋeryo, itemokino kiwuap daŋ Ŋikisila daadaŋ.

Ŋiep. 1:22

Abu Akuj kiwuak ŋiboro daadaŋ kwap ŋakejen a Kristo ka inak iŋes ŋolo epolokinit ŋiboro daadaŋ.

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋikis. 27:10

Aŋun, kiwuapa ŋakiro a Ekapolon Akuj kus, kiwuapa ŋakiciketa keŋ ka ŋakiro ŋuna etubunit iŋes ŋuna ekecik ayoŋ iyes nakoloŋit na akiwuap.”

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

Ŋikol. 2:4

Alimunit ayoŋ ŋun, ikotere nyikisupa iyes idiotuŋanan a ŋakiro a ŋuna erae alyokonu.

1 Ŋites. 4:6

Anakiro a ŋun nai, nyitemokino idiotuŋanan itiyae ŋuna aronok neni a lokaato keŋ alotooma Ekapolon, kori amodikin iŋes a ediopite. Adaun isua alimokin iyes ŋun ka agogoŋu eriŋa apaki, ikiteyenikin daŋ atemar ebuni Ekapolon akisican ŋulu itiyaete ŋun.

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.

1 Tim. 6:13

Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

2 Tim. 4:1

Ekeciki ayoŋ iyoŋ alokiŋaren Akuj ka alokiŋaren Yesu Kristo ŋolo etubokini ŋulu eyarete ka ŋulu etwakito ka aŋuna etakanunia iŋes akipuka erae Erwosit:

1 Pet. 1:18

Anerae iyenete iyes ibore ŋini atacaryo, ikotere itolakunere iyes alopitesyo a ŋulu ka akiyar kus a ŋina amam ajokis, a ŋina iryamunete iyes aneni atapapaa kus. Pa arae ibore ŋin, ŋini epedoryo akinyasun ikwa esilipa kori egolid;

2 Pet. 2:18

Irworosi ikes ŋakiro ŋuna apolok ŋuna ileleba abaŋao; isitiyaete ikes ekibure ŋolo ka akuwan ŋolo aronon, akisirumia ŋulu ariŋa sek ebucarosi alotuŋa a ŋulu eyarete anadyakarit.