Ŋiep. 4:16 - Ebaibul

¹⁶ Aŋuna epolokinitor iŋes ŋinerin ŋulu ka akuwan, eyeunito ŋinerin daadaŋ akuwan apei ka erae akuwan daadaŋ apei ka ikamuna ŋaruceta daadaŋ anakuwan. Ani nai itiyae ŋolokiner ikwapei itemokino itiyaa, epolouni akuwan daadaŋ toduko anamina.

Ŋiep. 4:16 Iomraidhean Croise

Yoa. 15:5

“Arae Ayoŋ ekitoe ŋolo ke epiini, irae iyes ŋaten. Ŋini iboi alotooma kaŋ ka ayoŋ alotooma keŋ, iŋes erauni ŋaraito ŋuna alalak; anerae emam idiobore ŋini itiyakinete iyes amam ayoŋ.

Ŋirom. 12:4

Ikiyakar iwon ŋinerin ŋulu alalak anakuwan ka apei ka eyakar ŋolokiner etic keŋ.

1 Ŋikor. 10:17

Aŋuna eyakar amugati apei, ikirae iwon ŋulu alalak akuwan apei, anerae ikimori iwon daadaŋ amugati apei.

1 Ŋikor. 13:13

Eriŋa nai nu ŋunauni eroparito: anupit, akigeno ka amina, nai ŋina iloit ŋun daadaŋ iŋes amina.

1 Ŋikor. 8:1

Egiri tokona ŋuna ikamunito ŋuna ipotu iyes kigira aŋuna a ŋamuja a ŋuna einanakinio erae amuronot nakujo ŋace. Iyookino kire atemar, “Ikiyakar iwon daadaŋ ayenut.” Isiturokini ayenut ituŋanan, nai amina iŋes itogogoŋi ituŋanan.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

Ŋiep. 1:4

Tari eriŋa akwap nyesubuna, aris Akuj kikiseu iwon alotooma Kristo aruwor ŋulu keŋ, ikotere nai ikipedori iwon ayakau kiŋaren keŋ ikirae ŋulu ikisegak alotai ka ŋulu ikiyookino alokiŋaren keŋ.

Ŋiep. 3:17

ka elipenene ayoŋ Akuj kituruwo ŋitai kus neni iboiyo Kristo aŋuna ka anupit kus. Elipi ayoŋ atemar ibore daadaŋ ŋini itiyaete iyes, torae ŋini ebunit alotooma amina,

Ŋiep. 3:7

Aponi eketuruwor ayoŋ eketiyan ŋolo a Ŋakiro a ŋuna Ajokak alotooma ainakinet ŋina abu Akuj okoinak ayoŋ anajokis keŋ alotooma apedor keŋ ŋina itiyaa iŋes etic.

Ŋiep. 4:12

Abu iŋes kitiya ŋun aŋuna ka akitemonokin ŋituŋa ŋulu ka Akuj daadaŋ aŋuna ke etic a ŋolo a Ŋikristo, ikotere itopolooto atukot a Ŋikristo, ŋina erae akuwan a Kristo

Ŋiep. 4:15

Akilo, anakirworo ŋuna a kire ŋuna itorunito namina, itemokino iwon opoloto alopitesyo a daadaŋ ekokisi Kristo, ŋolo erae akou a Ŋikristo a ŋulu erae akuwan keŋ.

Ŋipil. 1:9

Elipi ayoŋ Akuj kiturubak amina kus iyata jik, kaapei ka ayenut ka aosou ŋina ipedoryata atyakatyak ŋuna ajokak ka ŋuna aronok, ido

Ŋikol. 2:19

ka nyeriŋa imorikina ka Kristo, ŋolo erae akou ŋina ka akuwan keŋ a ŋina erae Ŋikristo. Ageun anakou, itanio akuwan daadaŋ ŋina erucokinito ŋakilenyeta ka ŋamori, ido epoloe ikwapei ecamitor Akuj.

Ŋikol. 2:2

Etiyae ayoŋ ŋun, ikotere kimukekiniata iyes alotai kus ka kimorikinos anamina; ido nai toryamut ebari daadaŋ ŋolo eyauni ayenut ka toyenut ejok ŋakiro ŋuna imunono ŋuna ka Akuj, ŋuna erae Kristo elope.

1 Ŋites. 1:3

Anerae apaki daadaŋ ŋina ilipere isua Akuj Papa, ikitamunit epite ŋolo itiyaata iyes aŋuna ka anupit kus ka epite ŋolo imunikinitotor aŋuna ka amina kus, ta epite ŋolo ititinyikinitotor aŋuna ka akigeno kus neni ke Ekapolon yok Yesu Kristo.

1 Ŋites. 2:13

Ikilakanar nabo isua jwi jwi neni ka Akuj, anerae ŋina iponiata iyes kiiraryata ŋakiro ŋuna ka Akuj aneni kosi, ipotu iyes tocamut pa erae ŋakiro ŋuna a ituŋanan, nai erae ŋuna ka Akuj ka erae kire ŋakiro keŋ ŋuna tokona itiyaete alotooma kus a ŋulu inupito.

1 Ŋites. 3:12

Nai aŋuna kus, ikilipit isua Ekapolon atemar kiyatak amina kus ŋina imininia iyes make ka ŋina iminatar iyes ŋituŋa daadaŋ, tolalaar iŋes kikok ŋina ikiyakar isua aŋuna kus.

2 Ŋites. 1:3

Ŋikaitotoi, itemokino isua olakaros neni ka Akuj ŋapakio daadaŋ aŋuna kus. Iyookino ŋun, anerae iyata anupit kus nooi ka daŋ epoloe amina ŋina iyakatar iyes alokidiŋ kus make.

1 Tim. 1:5

Nai ŋuna elosikinitoe isua anakitatam kosi erae amina ŋina ebunit alotau a ŋolo Asegan, anatameta a ŋuna ecayete ka ananupit a ŋina a kire.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Yoa. 4:16

Aŋun, ikiyeni iwon ka ikinupit amina ŋina eyakar Akuj aŋuna yok. Erae Akuj amina ka ŋini iboi alotooma amina, iboi iŋes alotooma Akuj ka iboi Akuj alotooma keŋ.