Ŋiep. 4:12 - Ebaibul

¹² Abu iŋes kitiya ŋun aŋuna ka akitemonokin ŋituŋa ŋulu ka Akuj daadaŋ aŋuna ke etic a ŋolo a Ŋikristo, ikotere itopolooto atukot a Ŋikristo, ŋina erae akuwan a Kristo

Ŋiep. 4:12 Iomraidhean Croise

Luk. 22:32

Nai ekelipak ayoŋ iyoŋ Simoni, ikotere nyepuripuryaar anupit kon. Ani iboŋuni iyoŋ nabo neni kaŋ, itemokino iyoŋ kitogogoŋ ŋikonikaitotoi.”

Ŋitic. 1:17

Arae iŋes epei alokimar yok, anerae etiyat iŋes daŋ etic lo.”

Ŋitic. 1:25

Itemokino iŋes kitiya etic ŋolo ke Ekiyakia, kilunyokin lotic ŋolo aesikini Yuda ŋolo abu tolot neni etemokino iŋes toyai.”

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

Ŋirom. 12:5

Ikwaŋinapei, iwon daŋ tari kikilalak, ikirae akuwan apei anakimorikina ka Kristo, ido ikirucokina iwon daadaŋ iwapei ikirae ŋinerin ŋulu egelegelya ŋulu ka akuwan ka apei.

Ŋirom. 12:7

Ani kerae akitiyanakin, itemokino iwon etiyanakisi. Ani kerae akitatam, itemokino iwon etatama.

Ŋirom. 14:19

Aŋun nai, itemokino iwon jwi jwi ekatakisi akitiya ŋuna eyaunete ekisil ka ŋuna ikiŋarakinete akitogogoŋo make.

Ŋirom. 15:14

Ŋikaitotoi kaŋ: ayeni ayoŋ elope atemar ileleba ajokis neni kus ka daŋ ileleba aosou neni kus, ido ipedorete akitatama make.

Ŋirom. 15:2

Akilo, itemokino ŋinituŋanan aneni yok kitiya neni ke ekanupan ibore ŋini ajokan ŋini italakari iŋes, ikotere kitogogoŋ iŋes ananupit.

Ŋirom. 15:29

Ayeni ayoŋ atemar apaki ŋina abunio ayoŋ neni kus, ayauni ŋarereŋisyo aŋuna a Kristo, ido omora.

1 Ŋikor. 12:27

Iraakasi iyes daadaŋ akuwan a Kristo ka erae ŋinituŋanan ekiner keŋ.

1 Ŋikor. 12:7

Itoodiunitae ayakau ŋina ke Etau a ŋolo Asegan tooma ŋinituŋanan alopite ke ece, aŋuna ka akiŋarakinia ŋuluce daadaŋ.

1 Ŋikor. 14:12

Aŋun nai, ikwapei iitanitotor iyes aryamun ŋainakineta ŋuna ke Etau ka Akuj, akilo daadaŋ itemokino toyenut ŋainakineta ŋuna itogogoŋete atukot a Ŋikristo.

1 Ŋikor. 14:14

Anerae ani elipi ayoŋ aŋajep a ŋina egelaana, elipi alotooma Etau ka Akuj, nai nyimorikina ŋatameta kaŋ ka Etau.

1 Ŋikor. 14:26

Ŋikaitotoi kaŋ, apolou a ŋakiro a ŋuna erworo ayoŋ iŋes na: ani iryamiryamete akilip, epedori ipeituŋanan alimun eete, kitatam ice ŋakiro ŋuna ka Akuj, ice toyakar akitoodikinet aneni ka Akuj, ice toyakar akirot a ŋaŋajepa a ŋuna egelaaka, ka ice daŋ kisileereu ŋuna irworoe a ŋaŋajepa a ŋuna egelaaka. Nai itemokino ŋinibore torae ŋini itogogoŋi ŋikanupak.

2 Ŋikor. 12:19

Acepaki itamete iyes atemar kori iwaritae isua jik aryamun epite ŋolo eiunore isua alokiŋaren kus. Mam! Ikirworo isua alopite a ŋolo ikicamakinitor isua Kristo kirworoe alokiŋaren Akuj; ŋikaitotoi kaŋ, ibore daadaŋ ŋini ikitiyae isua, ikitiyae akiŋarakinia iyes.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

2 Ŋikor. 13:9

Ikilakara isua ŋina igogoŋioto iyes, tari kikipalag isua. Aŋun, ikilipit isua Akuj kitogogoŋ ŋitai kus jik.

2 Ŋikor. 3:8

etya nai ai akica ŋina erukunete ka ŋiticisyo ŋulu ke Etau a ŋolo ka Akuj?

2 Ŋikor. 4:1

Ikiinak Akuj isua anakisyon keŋ akitiya etic lo, aŋun, nyikiupi isua atitinyikinit.

2 Ŋikor. 5:18

Akuj iŋes etiya nu daadaŋ, Akuj ŋina ikimorik iwon ka iŋes alotooma Kristo ka abu iŋes ikiinak iwon etic ŋolo ka akimoryanakin.

2 Ŋikor. 6:3

Nyecamitae isua aruwor akigukinet aneni a idiotuŋanan, ikotere tomam ŋuna itoroniaritere etic kosi.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋiep. 1:23

Ido erae iŋes akou a Ŋikristo a ŋulu eraakasi akuwan keŋ. Erae akuwan keŋ ŋin akisiyookinet ŋina a ŋolo erae iŋes elope isiyookini ŋiboro daadaŋ anakiboisyo a daadaŋ.

Ŋiep. 4:16

Aŋuna epolokinitor iŋes ŋinerin ŋulu ka akuwan, eyeunito ŋinerin daadaŋ akuwan apei ka erae akuwan daadaŋ apei ka ikamuna ŋaruceta daadaŋ anakuwan. Ani nai itiyae ŋolokiner ikwapei itemokino itiyaa, epolouni akuwan daadaŋ toduko anamina.

Ŋiep. 4:29

Nyirworosi ŋakiro ŋuna awanak, nai kirworos ŋuna eŋarakinak, ŋuna epedorete akiŋarakin ŋituŋa alotooma ŋuna iitanito ikes, ikotere yaut ŋarereŋisyo lotuŋa ŋulu ikipupete iyes.

Ŋiep. 4:4

Eyai akuwan apei ka Etau epei ŋolo ka Akuj ikwapei eyakar akigeno apei ŋina adau Akuj anyarakin iyes.

Ŋikol. 1:24

Tokona, alakara ayoŋ aŋuna a ŋican a ŋulu aryamunit ayoŋ aŋuna kus, anerae alotooma ŋican ŋulu ka akuwan kaŋ, eŋarakinit ayoŋ akirikakin ŋuna ariŋa nyirikakina alocan a Kristo aŋuna a Ŋikristo, a ŋulu eraakasi akuwan keŋ.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

Ŋikol. 4:17

Tolimokisi Arikipo ebe, “Itemokino iyoŋ kirikak etic ŋolo ke Ekapolon, ŋolo aponi ikiinakin iyoŋ akitiya.”

1 Tim. 1:12

Alakara ayoŋ neni a Yesu Kristo Ekapolon yok, ŋolo akainaki ayoŋ agogoŋu aŋuna ke etic kaŋ, anerae ekemarak ayoŋ atemar arae ŋolo ekinyoma aŋuna ekewuakinia ayoŋ lotic keŋ,

2 Tim. 4:11

Luka bon iŋes ikirukit ka ayoŋ. Toryamu Mariko, ido torukut ka iyoŋ, anerae epedori iŋes akiŋarakin ayoŋ alotic.

2 Tim. 4:5

Nai aneni kon, itemokino torae ŋolo ipakit anakiro a daadaŋ, kidaŋidaŋi ŋican, kitiya etic ŋolo ke ekalimonokinan a Ŋakiro a ŋuna Ajokak ka kitiya etic kon daadaŋ irae eketiyan ŋolo ka Akuj.

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.

Ŋibur. 6:1

Aŋun, oloto tokona kiŋaren etatama ŋakiro ŋuna apolok ŋuna ikamunito Kristo, ido emyekisi ŋakiro ŋuna ageunio akitatam anakiro ka Akuj. Nyitemokino tokona nabo ikiboŋokini akitatam ŋakiro ŋuna koloŋ kegeunio akitatam, ŋakiro ŋun ikes nu: akiŋer ŋakiro ŋuna ikirikorete natwanare ka ananupit Akuj;