Ŋiep. 4:10 - Ebaibul

¹⁰ Iŋes ŋolo abu bu kwap, iŋes pei abu kiporo tari anadis, ikotere ilopiyari iŋes ŋinibore daadaŋ.

Ŋiep. 4:10 Iomraidhean Croise

Mat. 24:34

Akalimokini ayoŋ iyes kire atemar, nyelunyar anyamet na eriŋa nyetakanuna ŋakiro ŋun daadaŋ.

Luk. 24:44

Tolimok Yesu ikes tema, “Erae ŋakiro nu ŋuna paaran akalimokinit ayoŋ iyes eriŋa iwon ikirukit; ŋakiro daadaŋ ŋuna egiritae a ŋuna kaŋ Lokisila ŋulu a Moses ka nakigireta ŋuna a ŋikadwarak ta lokirukisyo a Daudi; itemokino daadaŋ kiyookin.”

Yoa. 1:16

Analalau a ŋina ka ajokis keŋ, ikiterereŋ iŋes iwon daadaŋ, ikitoropikinit iŋes iwon ŋarereŋisyo.

Yoa. 19:24

Apotu ŋasigarya kirworikinos make temasi, “Nyikicila elou lo; elamilama oanyuniata ŋini eai.” Etiyakinosi ŋun, ikotere kiyookinotor ŋuna igiritae Nakigireta ebe, “Apotu ikes tokora ŋikaalowi ka apotu kilamilama aŋuna ke ekaaso kaŋ.” Ŋuna apotu ŋasigarya kitiyata ŋun.

Yoa. 19:28

Ayeni Yesu atemar erikakin ŋakiro daadaŋ. (Aŋuna ka akisiyookin ŋuna igiritae Nakigireta, abu iŋes tolimu) tema, “Akanyam akure.”

Yoa. 19:36

Apotu ŋakiro ŋun kitiyakin, ikotere kiyookinotor ŋuna igiritae Nakigireta ebe, “Emam akoit keŋ apei daŋ ŋina ebilyo.”

Ŋitic. 1:11

temasi, “Ŋikilyok ŋulu alo Galileya, nyo iwuatar iyes kireorito kidiama? Yesu lo ŋolo ayaar nakuj aneni kus, eboŋuni alopite a ŋolopei iŋolikiniata iyes iŋes elosi nakuj.”

Ŋitic. 1:9

Ani kedau iŋes alimun ŋakiro nu, yaarae iŋes kidiama nakuj iteete ikes; torapuwa edou iŋes nyiŋolikis ikes.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋitic. 3:18

Tari kikote neni daŋ, alimunit Akuj koloŋ alorwor a ŋikadwarak a daadaŋ atemar etemokino kisicanae Kristo keŋ ka esiyook Akuj ŋun alorot a lo.

2 Ŋikor. 12:2

Ayeni ayoŋ ekile ece ŋolo a Kristo, ŋolo aponi yaarae kidiama nakuj ŋikaru ŋitomon ka ŋiomwon ŋulu alunyarosi. Nyayeni ayoŋ erae keyakar iŋes aina akuwan kori etau bon--Akuj bon eyeni!

Ŋiep. 3:19

Ee, elipi ayoŋ atemar toyenut iyes amina keŋ--tari pa kepedor ayenun iŋes nooi--ikotere nai kikwaanikinos iyes ka Akuj.

Ŋikol. 1:19

Anerae abu Akuj alope tolakari tocamu atemar toyakaunor Lokoku keŋ epite daadaŋ ŋolo ikoni ŋolo keŋ.

Ŋikol. 2:9

Anerae eyai akujuwuanut daadaŋ ŋina ka Akuj Papa neni a Kristo alokuwane keŋ

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋibur. 4:14

Itemokino iwon orubakisi ikititinyikinit ananupit Yesu; anerae Yesu Lokoku ka Akuj, iŋes erae Esacaradoti yok ŋolo Apolon nooi, ŋolo adau alosit nakuj.

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.

Ŋibur. 8:1

Akirot ŋina ikirworo iwon iŋes na: ikiyakar iwon Esacaradoti yok ŋolo Apolon nooi, ŋolo iboi alowae a ŋolo aloteten ke ekicoloŋ a ŋolo ka Akuj a ŋina etiron a ŋina anakuj.