Ŋiep. 3:8 - Ebaibul

⁸ Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋiep. 3:8 Iomraidhean Croise

1 Ŋakiro a ŋirwa 17:16

Toloma nai erwosit Daudi loeema, kiboikin nen kiŋit Ekapolon ilipi tema, “Ŋae ayoŋ okoe Ekapolon Akuj, ata ŋae ŋituŋa a ekal kaŋ itiyaa iyoŋ ŋakiro ŋuna ajokak ŋun daadaŋ neni kaŋ?

Ŋikiru. 31:19

Epol nooi ajokis aŋiboro a ŋulu ajokak, Ŋina idaritor iyoŋ ŋulu ikitopoloorito iyoŋ, eyenete ŋituŋa daadaŋ ajokis kon ka idau iyoŋ akitoodikin neni a ŋulu ikikinyomito iyoŋ.

Luk. 14:22

Ani irikakini eketiyan ŋun daadaŋ, tolimok ekapolon keŋ tema, ‘Ekapolon, etiya ayoŋ daadaŋ, ikwaŋina ilimunitor iyoŋ, nai eriŋa iwace elolom.’

Yoa. 1:16

Analalau a ŋina ka ajokis keŋ, ikiterereŋ iŋes iwon daadaŋ, ikitoropikinit iŋes iwon ŋarereŋisyo.

Ŋitic. 5:41

Tolomasi Ŋikiyakia a Natukot elakara nooi, anerae atamete ikes atemar amaikina ikes aryamun ŋican aŋuna ke ekiro a Yesu.

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

Ŋirom. 12:10

Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

1 Ŋikor. 15:9

Anerae arae ayoŋ ecaryoit a Lokiyakia, nyitemokino akanyaritae ekiyakia, anerae abu ayoŋ esican Ŋikristo.

1 Ŋikor. 2:9

Ikwaŋina igiritere Nakigireta ebe, “Ibore ŋini nyiŋolikina ŋakonyen, kori nyiirara ŋaki, kori nyetama ŋatameta a ŋituŋa, erae ibore ŋin ŋini abu Akuj kitemok aŋuna a ŋulu eminasi iŋes.”

Ŋigal. 2:8

Anerae ikwapei abunio Akuj kituruworya Petero ekiyakia neni a Ŋiyudayan, abu eketuruwo ayoŋ daŋ ekiyakia neni a ŋituŋa a ŋulu nyerae Ŋiyudayan.

Ŋiep. 2:7

Abu Akuj kitiya ŋun akitoodiunia anapakio a daadaŋ a ŋuna eponito, ajokis keŋ ŋina apolon nooi ŋina iloit daadaŋ, ŋina ileere anamina a ŋina abu iŋes kitoodiu neni yok aneni a Yesu Kristo.

Ŋiep. 3:1

Aŋakiro a ŋun, elipit ayoŋ Akuj, ayoŋ Paulo ŋolo arae emabus aŋuna ejaanakinia Yesu Kristo aŋuna kus a ŋulu nyirae Ŋiyudayan.

Ŋiep. 3:16

Elipenene ayoŋ neni ka Akuj ikiinak iyes anabaru a ŋina a ŋarereŋisyo keŋ apedor ŋina kicaset alotai kus alotooma Etau keŋ

Ŋiep. 3:19

Ee, elipi ayoŋ atemar toyenut iyes amina keŋ--tari pa kepedor ayenun iŋes nooi--ikotere nai kikwaanikinos iyes ka Akuj.

Ŋiep. 3:2

Kire idaut iyes akiirar ebe adau Akuj ainakin ayoŋ ajokis keŋ akitiya etic keŋ lo aneni kus.

Ŋipil. 2:3

Nyitiyata idiobore anakiloiloa kori anakisupa, nai anakitiditeuna; yaito ŋuluce erae ŋulu ejokak akilo iyes.

Ŋipil. 4:19

Ido alotooma Yesu Kristo, ikiinakini iyes Akuj kaŋ ibore daadaŋ ŋini iitanito alobari keŋ a ŋolo apolon.

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

1 Tim. 1:13

tari paaran keyanyit ayoŋ iŋes kori kesicanit kori ketoŋoit; nai aponi ekesyoni ayoŋ, anerae apaki ŋin, pa anupit ayoŋ Kristo; aŋun, pa ayeni ayoŋ ŋuna etiyae.

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

1 Tim. 2:7

Iŋes nai ekeyakuunere ayoŋ ikwapei ekeseran ka ekiyakia, akitatam ŋituŋa ŋulu nyerae Ŋiyudayan ŋakiro ŋuna ka anupit ka ŋuna a kire. Nyesudi ayoŋ ŋakiro; erworo ayoŋ ŋuna a kire!

2 Tim. 1:11

Iŋes nai ekeyakuunere ayoŋ ikwapei ekeseran ka ekiyakia akitatam Ŋakiro ŋuna Ajokak ŋun;

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.