Ŋiep. 3:5 - Ebaibul

⁵ Koloŋ sek, pa alimokinitae ŋituŋa ŋakiro ŋuna imunono ŋun, nai tokona adau Akuj akitoodiun ikes alotooma Etau keŋ neni a ŋikiyakia keŋ a ŋulu ka Akuj ka neni a ŋikadwarak.

Ŋiep. 3:5 Iomraidhean Croise

Isa. 52:15

aŋun, eumokinete ŋituŋa a ŋakwapin a ŋuna alalak, ililiŋete ŋirwosi aŋuna keŋ, anerae iŋolikinete ikes ŋakiro ŋuna pa alimokinitae ikes ka eyenunete ikes ŋakiro ŋuna pa eirarito.

Mat. 13:17

Akalimokini ayoŋ iyes kire atemar, acamito ŋikadwarak ŋulu alalak ka ŋituŋa ŋulu iyookino akiŋolikin ŋuna iŋolikis iyes, nai apotu nyiŋolikis; nabo acamito akiirar ŋuna iirasi iyes, nai apotu nyiirasi.”

Mat. 20:7

Toboŋokis ikes iŋes temasi, ‘Emam ro ituŋanan ikinyaraiya isua lotic.’ Tolimok iŋes ikes tema, ‘Toloto iyes daŋ etic lomanikor kaŋ ŋolo ke epiini.’

Mat. 23:34

Aŋun, toanyutu iyes atemar ekeyakikini ayoŋ iyes ŋikadwarak, ŋikaosok ka ŋiketatamak a Ŋikisila; iarete ŋice, ibubukinete ŋice lomusalabae, ibuŋaete ŋice alosinagogae kus ka isicanete ŋice alotaunio.

Luk. 10:24

Anerae akalimokini ayoŋ iyes kire atemar, acamito koloŋ ŋikadwarak ka ŋikepukak ŋulu alalak akiŋolikin ŋuna iŋolikis iyes, nai apotu nyiŋolikis; nabo acamito akiirar ŋuna iirasi iyes, nai apotu nyiirasi.”

Luk. 11:49

Iŋes nai ebaakar aosou ŋina ka Akuj ebe, ‘Eyakiyari ŋikadwarak kaŋ ka ŋikiyakia neni kec, earete ikes ŋice, kitidiŋa ŋice.’

Yoa. 14:26

Ebuni nai ekeŋarakiniton, Etau ŋolo Asegan, ŋolo iyakuuni Papa alokiro kaŋ, ikitatam iyes ŋakiro daadaŋ ka ikitatamunite iyes ŋuna daadaŋ adau ayoŋ alimokin iyes.

Yoa. 16:13

Nai ani ebuni Etau ŋolo irworo ŋuna a kire, ikiyoori iyes nakiro daadaŋ ŋuna a kire; anerae nyirwori iŋes aŋuna ka apedor keŋ bon, nai ebuni iŋes akirwor ŋuna iirarit, nabo ikilimokini iyes ŋuna epote.

Ŋitic. 10:28

Tolimok ikes tema, “Iyenete iyes ŋilopeyek epite ŋolo italeere ituŋanan ŋini Yudayat akipeyokin kori arukit ka ituŋanan ŋini gela. Nai eketoodik Akuj ayoŋ atemar nyitemokino abala idiotuŋanan erono kori nyeseg.

Ŋirom. 16:25

Oinakisi akipuro neni ka Akuj! Epedori iŋes akiturubakin iyes inupito alopite a ŋolo a Ŋakiro a ŋuna Ajokak a ŋuna a Yesu Kristo, ŋuna etatami ayoŋ ka alopite a ŋolo ka akitoodikinet a ŋakiro a ŋuna koloŋ emunonitae.

1 Ŋikor. 2:10

Nai adau Akuj akitoodikin isua ŋun alotooma Etau keŋ. Eripiripi Etau ŋakiro daadaŋ, tari ŋuna iwuaitae ŋuna ka Akuj.

Ŋiep. 2:20

Isikwaanitae Ŋikristo ka aduketait: aŋun, adaun iyes adukokin nakisyakinet ŋina ka aduketait a ŋina esyakinete ŋikiyakia ka ŋikadwarak. Yesu Kristo elope iŋes erae amoru ŋina itogogoŋit akai alokoona.

Ŋiep. 3:9

Aponi daŋ okinakin akisileerekin lotuŋa epite ŋolo itiyakinia Akuj ŋuna imunono ŋuna elosikinit iŋes. Abu Akuj, ŋina erae akasuban a ŋiboro daadaŋ kiwua ŋuna imunono ŋun ŋikaru daadaŋ ŋulu alunyarosi;

2 Pet. 3:2

Acamit ayoŋ iyes totamut ŋakiro ŋuna koloŋ erworosi ŋikadwarak ŋulu ka Akuj ka akiciket ŋina ke Ekapolon Ekaiunan, ŋuna apotu Ŋikiyakia kus itolimonokis iyes.

Yud. 1:17

Ŋikaakonei ŋulu minan, totamunito ŋakiro ŋuna sek aris Ŋikiyakia a Yesu Kristo ke Ekapolon yok kirwor.