Ŋiep. 2:3 - Ebaibul

³ Kire, ekwaanae iwon daadaŋ ka ikes, ido ikiboi alotooma ekibure ŋolo a ŋawat yok, etiyao iwon ibore daadaŋ ŋini etalakarit acamit ŋina a ŋawat ka ŋatameta yok a ŋilopeyek. Alokuwane yok a ŋol, ikiya iwon nanyunyura ŋina ka Akuj, ikwapei ŋituŋa ŋuluce daŋ.

Ŋiep. 2:3 Iomraidhean Croise

Akisy. 5:3

Kiboi Adam todolo ŋikaru amiat ka ŋatomoniuni. Touru isapat ŋini ekwaan ka iŋes per, ŋini ayakar ŋasima keŋ; tolimok ekiro keŋ Set.

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

Yob 14:4

Ŋae epedori alemun ibore ŋini asegan anibore a ŋini nyeseg? Mam ŋini epedori.

Yob 25:4

Alipite nai epedorya ituŋanan aruwor ŋini iyookino alokiŋaren Akuj? Alipite nai epedorya ituŋanan ŋini arae aberu auruuni aruwor ŋini emam asecit?

Ŋikiru. 51:5

Kire jik, arae ayoŋ ikasecan ŋinapei anakidouno kaŋ, ikasecan ŋinapei akapotiunio ayoŋ toto kaŋ.

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Mar. 4:19

nai amitakinit ŋuna ka akwap, ekibure ŋolo ke ebari, ka ekibure ŋolo a ŋiboro a daadaŋ, elomunete tooma toridakis ŋakiro ŋuna ka Akuj, nyera.

Yoa. 1:13

Pa aruworosi ikes ŋidwe ŋulu ka Akuj alopite a ŋolo sek euriyere ŋituŋa, anagogoŋu ka anacamit a ituŋanan, nai Akuj alope iŋes abu kituruwo ikes ŋidwe keŋ.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋitic. 14:16

Ananyameta a ŋuna amunyarosi, abu Akuj tocamak ŋakwapin akitiya ŋuna acamito.

Ŋirom. 1:24

Aŋun, emyek Akuj ikes itiyaete ŋuna aronok ŋuna iitanito ŋitai kec ka itiyaete ŋuna a ŋileec neni kec make.

Ŋirom. 11:30

Nai iyes ŋituŋa ŋulu nyirae Ŋiyudayan, ipotu koloŋ iyes toŋero Akuj; nai tokona iryamut akisyon ŋina ka Akuj, anerae apotu Ŋiyudayan toŋero Akuj.

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

Ŋirom. 2:14

Emamukatar ŋulu nyerae Ŋiyudayan Ŋikisila, nai apaki daadaŋ ŋina itiyaata ikes ka acamit kec ŋuna icikakinito Ŋikisila, etoodiut ikes atemar eyenete ŋuna ajokak kori ŋuna aronok, tari kemamukatar ikes Ŋikisila.

Ŋirom. 5:10

Ikipotu iwon oruworos ŋimoi ŋulu ka Akuj, nai abu iŋes ikisisil iwon ka iŋes alotooma atwanare a Lokoku keŋ. Ikwaŋina tokona ikiraakar iwon ŋikonei ŋulu ka Akuj, etya nai ai aiuno ŋina ikiryamuni iwon alotooma akiyar a Yesu Kristo.

Ŋirom. 5:9

Aŋuna ka atwanare keŋ, adaun acamun iwon ikirae ŋulu ikiyookino alokiŋaren Akuj. Ani kikote nen, kire jik ikiuni Kristo iwon ananyunyura a ŋina ka Akuj.

Ŋirom. 6:12

Nyitemokino nai asecit ipukae ŋawat kus, ikotere nyiwuapyata iyes ekibure ŋolo a ŋawat kus.

Ŋirom. 7:18

Ayeni ayoŋ atemar nyeyakasi ŋuna ajokak tooma kaŋ--iŋes atemar, alopite kaŋ a ŋolo araakar ituŋanan. Anerae tari keyai tooma kaŋ acamit akitiya ŋuna ajokak, nyapedorit akitiyakin.

Ŋirom. 9:22

Ŋuna etiya Akuj lotuŋa, ikote kire nenipei. Acamit iŋes akitoodiun akeenyunyura ka akiteyenun apedor keŋ neni a ŋulu etemokino tomunyarae. Tari kikote nen abu iŋes totitinyik nooi ka kidaŋidaŋ aronis a ŋulu adikino eryamunete anyunyura keŋ.

1 Ŋikor. 4:7

Anerae anityaketait mono iyakar iyoŋ aneni a ŋuluce? Akuj iŋes ikiinakinit iyoŋ ŋiboro daadaŋ ŋulu iyakar iyoŋ. Ikokini nai iyoŋ ituro ai esibit nyerae ŋiboro ŋulu iyakar iyoŋ ainakinet?

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋigal. 3:22

Nai ebasi Ŋakigireta ebe eyai akwap daadaŋ tooma napedor ŋina ka asecit; ikotere nai einakinio akiikinet ŋina ka Akuj neni a ŋituŋa a ŋulu enupito Yesu Kristo.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋikol. 1:21

Ilwaka koloŋ sek iyes nooi aneni ka Akuj ka iraakasi ŋimoi keŋ aŋuna a ŋakiro a ŋuna aronok a ŋuna itiyaete ka itamete iyes.

1 Ŋites. 4:13

Ŋikaitotoi, ikicamit isua iyes toyenut ŋakiro ŋuna a ŋituŋa a ŋulu atwaka, ikotere nyiyaloloŋioto iyes ikwa ŋituŋa ŋuluce ŋulu emam akigeno.

1 Ŋites. 5:6

Aŋun nai, nyitemokino iwon ikijotoe ikwa ŋuluce, nai itemokino iwon ikikienyi ka ikiyeni ŋuna kitiyakina ikwa ŋituŋa ŋulu nyemerasi.

1 Tim. 6:9

Nai ikes ŋulu ecamito aruwor ŋikabarak elomarete nakitemyo ka ikamunete ŋaloketa ŋuna ke ekibure a ŋolo ka abaŋao a ŋolo awanan, ŋuna isibusokinete ikes toryamut ŋican ka akinyasuno.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

1 Pet. 1:14

Ikwapei ŋidwe ŋulu ka Akuj, ŋulu ikerito iŋes, nyicamakis akiyar kus ilocokini ekibure ŋolo sek iyakatar iyes apaki ŋina ibaŋaakyata nyiyenete Ŋakiro ŋuna Ajokak.

2 Pet. 2:14

Emam icebore ŋini eminasi ikes akilo ŋaberu ŋuna emalaaka; nyedipanakin ekibure kec ŋolo ka asecenen. Icocoiyanarete ikes ŋituŋa ŋulu epalag alotai naloc. Itatamitae ŋitai kec arorokanut! Ilamit Akuj ikes!

2 Pet. 2:18

Irworosi ikes ŋakiro ŋuna apolok ŋuna ileleba abaŋao; isitiyaete ikes ekibure ŋolo ka akuwan ŋolo aronon, akisirumia ŋulu ariŋa sek ebucarosi alotuŋa a ŋulu eyarete anadyakarit.

1 Yoa. 2:16

Anerae ŋinibore daadaŋ eyai nakwap, ekibure ŋolo ka akuwan ka ekibure ŋolo a ŋakonyen, ta akituro ŋina ka akiyar, nyerae ŋulu a Papa; nai erae ŋulu ka akwap.

1 Yoa. 2:8

Nai ekegirakinit ayoŋ iyes akiciket ŋina kitete, ŋina erae kire aneni a Kristo ka aneni kus; anerae elosi akiryonut alunyar ka adau akica ŋina a kire acaun.