Ŋiep. 2:16 - Ebaibul

¹⁶ Abu Kristo anatwanare keŋ alomusalaba tolema akimananu a ŋikabilae a ŋuluarei a ŋul ka kituruwo ikes ŋipei anakuwan keŋ a ŋina erae Ŋikristo; ido abu kinyaku ikes neni ka Akuj.

Ŋiep. 2:16 Iomraidhean Croise

Ŋirom. 5:10

Ikipotu iwon oruworos ŋimoi ŋulu ka Akuj, nai abu iŋes ikisisil iwon ka iŋes alotooma atwanare a Lokoku keŋ. Ikwaŋina tokona ikiraakar iwon ŋikonei ŋulu ka Akuj, etya nai ai aiuno ŋina ikiryamuni iwon alotooma akiyar a Yesu Kristo.

Ŋirom. 6:6

Ikiyeni iwon atemar epite ŋolo sek ikiyakar iwon, aponi toarae kaapei ka Kristo alomusalaba, ikotere inyasunio epite ŋolo ka asecit alotooma yok ka nyikirubak iwon ikirae ŋipi ŋulu ka asecit.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

Ŋirom. 8:7

Aŋun, ituŋanan ŋini ipukato ŋipitesyo ŋulu ka aseconu, erae iŋes emoit ŋolo ka Akuj; anerae nyiwuapit iŋes ekisil ŋolo ka Akuj, kori daŋ nyepedori jik akiwuap.

1 Ŋikor. 10:17

Aŋuna eyakar amugati apei, ikirae iwon ŋulu alalak akuwan apei, anerae ikimori iwon daadaŋ amugati apei.

Ŋigal. 2:20

Aŋun nai, nyarubakinit ayoŋ arae ŋolo ayari, nai Kristo eyari alotooma kaŋ. Akiyar kaŋ ŋina anakwap a na, ayari ananupit Lokoku ka Akuj, ŋolo abu okominak ayoŋ ka tojal akiyar keŋ aŋuna kaŋ.

Ŋiep. 2:15

Abu iŋes anabunore keŋ kikisa Ŋikisila ŋulu a Ŋiyudayan kaapei ka ŋakiciketa kec, ikotere ituruwori ŋikabilae ŋuluarei ŋul ateker apei ŋina kitete anakimorikina ka iŋes; alopite a ŋol, abu kisisil ŋituŋa.

Ŋiep. 3:6

Ŋakiro ŋuna imunono ikes nu ebe, aŋuna a Ŋakiro a ŋuna Ajokak, amora ŋituŋa ŋulu nyerae Ŋiyudayan ka Ŋiyudayan ŋarereŋisyo ŋuna ka Akuj; eraakasi ikes ŋipei ka amora ŋakiikineta ŋuna abu Akuj kiik alotooma Yesu Kristo.

Ŋiep. 4:4

Eyai akuwan apei ka Etau epei ŋolo ka Akuj ikwapei eyakar akigeno apei ŋina adau Akuj anyarakin iyes.

Ŋikol. 2:14

Abu kikisa ŋamicae yok ŋuna egiritae ka ŋikisila ŋulu etogogoŋito ŋun; kikisa iŋes ikes jik anakibubukin ikes lomusalaba.

Ŋikol. 3:15

Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.