Ŋiep. 2:14 - Ebaibul

¹⁴ Anerae Kristo elope adau ainun iwon ekisil anakituruwor Ŋiyudayan ka ŋituŋa ŋulu nyerae Ŋiyudayan ŋipei. Anatwanare keŋ alomusalaba, abu Kristo tolema akimananu ŋina sek atyakit ikwa arwatata Ŋiyudayan ka ŋituŋa ŋulu nyerae Ŋiyudayan, ŋina abu kiturubak ikes imanan.

Ŋiep. 2:14 Iomraidhean Croise

Esta 3:8

Tolimok nai Aman erwosit Ausero tema, “Eya ne ŋituŋa ŋice ŋulu ielakina ka etyakara make aneni a ŋituŋa a ŋakwapin a ŋuna ipukat ioŋ. Egelaaka ŋikisila a ŋituŋa a ŋul aneni a ŋulu a ŋituŋa a ŋuluce a daadaŋ, ido nyiwuapito ikes ŋikisila a erwosit. Aŋun, nyemaikina erwosit kimyek ikes.

Mika 5:5

Iŋes eyauni ekisil. Ani kepotu ŋituŋa ŋulu ka Asiriya nakwap yok, kitorut naduketa ŋunajiet, iyakiyaryo iwon ŋikarikok yok ŋulu egogoŋ kitijikis ikes.

Sakar 6:13

Erae iŋes edukokini Akai ŋina ke Ekapolon, ido einakinio iŋes apolou ŋina ailiilon, iboikin iŋes kipuka alokicoloŋ a ŋolo ka apolou. Eruwor iŋes esacaradoti anapukan keŋ. Itiyaete ikes ŋiarei kaapei alotooma ekisil ka akimorikina.’

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Yoa. 10:16

Eyakasi ŋamesekin kaŋ ŋace ŋuna emam alosipan a lo; itemokino ayoŋ ocun ikes daŋ ka iirarete ikes etoil kaŋ; toruworos nai ikes epeisipan ŋolo ke epeikeyokon.

Yoa. 11:52

Meere aŋuna ka akwap a ŋin bon, nai ikotere ecunakini iwapei ŋidwe ŋulu ka Akuj, ŋulu ielara.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋitic. 10:28

Tolimok ikes tema, “Iyenete iyes ŋilopeyek epite ŋolo italeere ituŋanan ŋini Yudayat akipeyokin kori arukit ka ituŋanan ŋini gela. Nai eketoodik Akuj ayoŋ atemar nyitemokino abala idiotuŋanan erono kori nyeseg.

Ŋitic. 10:36

Iyenete iyes ŋakiro ŋuna abu iŋes kiyakik Isirael--alimonokin Ŋakiro ŋuna Ajokak ŋuna ke ekisil alotooma Yesu Kristo, ŋolo erae Ekapolon a daadaŋ.

Ŋirom. 5:1

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋiep. 2:15

Abu iŋes anabunore keŋ kikisa Ŋikisila ŋulu a Ŋiyudayan kaapei ka ŋakiciketa kec, ikotere ituruwori ŋikabilae ŋuluarei ŋul ateker apei ŋina kitete anakimorikina ka iŋes; alopite a ŋol, abu kisisil ŋituŋa.

Ŋiep. 2:17

Abu nai Kristo bu alimonokin ŋakiro ŋuna ke ekisil neni a ŋituŋa a daadaŋ--neni kus a ŋulu nyirae Ŋiyudayan, a ŋulu sek ilwaka nooi aneni ka Akuj ka neni a Ŋiyudayan a ŋulu sek aapiyete aneni ka Akuj.

Ŋiep. 3:15

ŋolo erae neni keŋ eponitotor ŋikalya daadaŋ ŋulu anakuj ka ŋulu alokwap.

Ŋiep. 4:16

Aŋuna epolokinitor iŋes ŋinerin ŋulu ka akuwan, eyeunito ŋinerin daadaŋ akuwan apei ka erae akuwan daadaŋ apei ka ikamuna ŋaruceta daadaŋ anakuwan. Ani nai itiyae ŋolokiner ikwapei itemokino itiyaa, epolouni akuwan daadaŋ toduko anamina.

Ŋikol. 1:20

Abu daŋ iŋes alotooma Lokoku tolakari tocamu akisil ka ŋituŋa daadaŋ anakwapin. Abu Akuj kitiyau ekisil alotooma atwanare a Lokoku keŋ alomusalaba, ido abu kinyaku neni keŋ ŋiboro daadaŋ ŋulu alokwap ka ŋulu alokidiama.

Ŋikol. 2:20

Idaut iyes atwakare ka Kristo ka ikilacakin iyes aneni a ŋipyan a ŋulu ipukato akwap. Kaanukiro nai iyaryata iyes esibit ŋikaakwap a na? Kaanukiro ipupyoto iyes ŋikisila ŋulu ikote lu:

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.

Ŋikol. 3:15

Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Ŋibur. 7:2

Inak Aburaam iŋes atutubet apei anatomon aloboro a daadaŋ a ŋulu aŋatuni iŋes. (Apolou ŋina ke ekiro a Melekisedek iŋes atemar, “Erwosit ŋolo ka akiyookino;” nabo ikwapei araakar iŋes erwosit ŋolo a Salem, apolou ŋina ke ekiro keŋ ace iŋes atemar, “Erwosit ŋolo ke ekisil.” )