Ŋiep. 2:12 - Ebaibul

¹² Apaki ŋin, pa iyenete iyes Kristo. Iraakasi iyes ŋigelaanotin, nabo pa iraakasi iyes ŋipei ka ŋituŋa ŋulu seuna ŋulu ka Akuj. Pa ikimarakinitae iyes Nacamuneta ŋuna esileereunito ŋakiikineta ŋuna ka Akuj neni a ŋituŋa keŋ, ido iboiyete iyes anakwap a na emam akigeno ka emam ayenut Akuj.

Ŋiep. 2:12 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

2 Ŋakiro a ŋirwa 15:3

Eboiyoto Ŋisirael ekaoyan pa eyenete Akuj ŋina a kire, emamukatar esacaradoti ŋolo itatami ikes ka emamukatar ŋikisila.

Esir 4:3

Nai toboŋokis Serubabel ka Yesua ta ŋikarikok a ŋatekerin temasi neni kec, “Nyipedorete iyes akitiya kaapei ka isua akiduk Akai aŋuna ka Akuj kosi, nai ikiduki isua make Akai aŋuna ke Ekapolon Akuj a Isirael, lopite ŋolo ikicikitor isua erwosit Kirus ŋolo a Perisia.”

Awos. 12:45

Mam igelaanot ŋini erae ipeyonon, kori ŋini enyaraunitae akitiya, epedori akinyam ŋasuban ŋun.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 61:5

Epote ŋituŋa ŋulugelae akiyok ŋamesekin kus epote akitare ŋimanikorin kus ŋulu a ŋikinyom ka ŋulu a ŋikito a epiini.

Yer. 14:8

Okoe iyoŋ irae akigeno a Ŋisirael, ekalakunan kec anapaki a ŋina a ŋican. Kaanukiro itiyaa iyoŋ esibit irae egela anakwap, esibit irae ekaloton ŋolo erii iwace toper nakwaare?

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Esek. 13:9

Esicani ayoŋ ŋikadwarak ŋulu iŋolyanakinete ŋuna ka alyokonu, ido edwarete amodiyo. Nyeruwor ikes ŋituŋa ŋulu ka atukot kaŋ, kori nyigiryo ŋirorwa kec neni igiritae Ŋisirael, kori nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon Akuj.

Esek. 37:26

Ewuakini ayoŋ acamunet kaŋ ka ikes ŋina a ekisil, eruwor acamunet kaŋ ŋin ka ikes ŋina a ŋikaru ka ŋikaru, eterereŋi ayoŋ ikes ka etipituni, ido ewuakini ayoŋ akibois kaŋ ŋina asegan neni kec ŋikaru ka ŋikaru.

Esek. 47:22

Iryamunete iyes iŋes erae ŋina aruwor ŋina kus jik. Emaikina ŋituŋa ŋulugelae ŋulu iboiyete ka iyes, ŋulu adaut auruun ŋidwe a ne toryamut neni eruwor neni kec apaki ŋina ikoryata iyes akwap. Emaikina ikes yae erae ŋituŋa ŋulu ka akwap a Isirael. Emaikina ikes kilamilama kaapei ka iyes apaki ŋina ekorere akwap neni a ŋikabilae a Isirael.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Ekim. 18:19

Ŋainakineta ŋuna asegak daadaŋ ŋuna einakinete Ŋisirael neni ke Ekapolon, akainak ayoŋ iyoŋ ka ŋidwe kon ŋulusapa ka ŋulupesur, erae ainakinet ŋina emaikina iyes toryamut erae ŋina kus ŋikaru ka ŋikaru. Erae ŋun Acamunet ŋinaruba alokiŋaren Ekapolon, ŋina emaikina iyoŋ ka ŋiletok kon kiwuapa.”

Luk. 1:72

Etoodik iŋes atapapaa yok akisyon keŋ ka atamu Acamunet keŋ ŋina asegan.

Yoa. 10:16

Eyakasi ŋamesekin kaŋ ŋace ŋuna emam alosipan a lo; itemokino ayoŋ ocun ikes daŋ ka iirarete ikes etoil kaŋ; toruworos nai ikes epeisipan ŋolo ke epeikeyokon.

Yoa. 15:5

“Arae Ayoŋ ekitoe ŋolo ke epiini, irae iyes ŋaten. Ŋini iboi alotooma kaŋ ka ayoŋ alotooma keŋ, iŋes erauni ŋaraito ŋuna alalak; anerae emam idiobore ŋini itiyakinete iyes amam ayoŋ.

Yoa. 4:22

Iyes Ŋisamaritayon, nyiyenete iŋes kire ŋini ilipete neni keŋ; isua Ŋiyudayan, ikiyeni ŋini ikilipi neni keŋ, anerae ebunit aiuno aneni a Ŋiyudayan.

Ŋitic. 2:39

Anerae arae akiikinet ka Akuj ŋina kus ka ŋikusidwe ta neni a ŋituŋa a daadaŋ a ŋulu elwaka a ŋulu enyaraunit Ekapolon yok Akuj neni keŋ.”

Ŋitic. 28:20

Erae nai ŋakiro ŋun abunio ayoŋ eŋitaki aanyun iyes ka akirwor ka iyes, ikwapei eraakar ŋakiro ŋuna igenosi Ŋisirael, ikes akarocitere ayoŋ a ŋiriko a lu.”

Ŋitic. 3:25

Erae ŋuna kus ŋakiikineta ŋuna ka Akuj ŋuna ekobunete ŋikadwarak keŋ ka imarakina iyes Nacamunet keŋ ikwaŋina alimokinia iŋes Aburaam ebe, ‘Eterereŋi ayoŋ ŋituŋa ŋulu ka akwap daadaŋ aŋuna a ŋiletok kon.’

Ŋirom. 9:8

Iŋes atemar meere ŋidwe daadaŋ ŋulu anakuwan keŋ erae ŋulu ka Akuj, nai ŋulu idounitoe anakiikinet a ŋina ka Akuj bon ikes erae ŋiletok ŋulu a kire.

Ŋigal. 4:8

Koloŋ sek, pa iyenete iyes Akuj, ido ipotu toruworos ŋipi ŋulu a ŋakujo a ŋuna nyerae Akuj ŋina a kire.

Ŋiep. 2:19

Aŋun nai, nyeriŋa iyes ŋulu nyirae Ŋiyudayan irae ŋigelaanotin kori ŋituŋa ŋulu ka acekwap; irae tokona iyes ŋipei ka ŋituŋa ŋulu ka Akuj ka irae ŋituŋa ŋulu ke epeikal a ŋolo ka Akuj.

Ŋiep. 4:18

ŋulu eyakasi ŋatameta kec nakiryonut. Aŋuna eyakatar ikes amaaŋe, amudukan ikes anakiro a ŋuna ka Akuj; aŋun, atyakarosi ikes anakiyar a ŋina ikiinanakini Akuj.

Ŋikol. 1:21

Ilwaka koloŋ sek iyes nooi aneni ka Akuj ka iraakasi ŋimoi keŋ aŋuna a ŋakiro a ŋuna aronok a ŋuna itiyaete ka itamete iyes.

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

Ŋikol. 1:5

Iyakatar iyes anupit ka amina, anerae igenosi iyes ibore ŋini iŋadakinitae nakuj aŋuna kus. Ipotu iyes kiirasi ŋuna ka akigeno a ŋin apaki ŋina ikilimokinere iyes ekiŋaren ŋakiro ŋuna a kire ŋuna erae Ŋakiro ŋuna Ajokak.

1 Ŋites. 4:13

Ŋikaitotoi, ikicamit isua iyes toyenut ŋakiro ŋuna a ŋituŋa a ŋulu atwaka, ikotere nyiyaloloŋioto iyes ikwa ŋituŋa ŋuluce ŋulu emam akigeno.

1 Ŋites. 4:5

Meere alokibure a ŋolo aronon, ikwa ŋituŋa ŋulu a ŋakwapin ŋulu nyeyenete Akuj.

2 Ŋites. 2:16

Ikilipi isua neni ke Ekapolon yok Yesu Kristo elope ka neni ka Akuj Papa yok, ŋolo abu itominak iwon ka ikiinak iwon anajokis keŋ atitinyu ŋina nyedaunun ka akigeno ŋina ajokan,

1 Tim. 1:1

Ayoŋ Paulo ŋolo arae ekiyakia ŋolo a Yesu Kristo, aŋuna ka akicikakinet a ŋina ka Akuj a ŋina erae Akaiunan yok ka aŋuna ka akicikakinet a Yesu Kristo a ŋolo erae akigeno yok,

Ŋibur. 11:34

Kituduŋeto ikes ŋakimya ŋuna ariraete nooi, tobucunos anatumyo. Apalag ikes, nai apotu togogoŋioto; ajioko ikes nooi akilo, tobwaŋa ŋajorei a ŋakwapin a ŋunace.

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

Ŋibur. 8:6

Nai tokona, ainakin Yesu etic ŋolo ke esacaradoti ŋolo epol nooi akilo. Nabo ikoŋinapei, erae Acamunet ŋina iloit--Acamunet ŋina eyaunitor iŋes akimorikina ŋina ka Akuj ka ŋituŋa, anerae itorunit nakiikineta ŋuna ajokak nooi akilo.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Pet. 3:15

Nai kipuro Kristo alotai kus ka kitopoloosi iŋes erae Ekapolon. Totenito ŋisaae daadaŋ aboŋokin ŋinituŋanan ikiŋisi iyes alimor akigeno ŋina eyai tooma kus;

1 Yoa. 3:3

Ituŋanan daadaŋ ŋini igeno neni keŋ, iteseguna bon ikwapei esegia Kristo.