Ŋiep. 2:11 - Ebaibul

¹¹ Totamunito epite ŋolo paaran sek ayakar akiyar kus; iyes ŋituŋa ŋulu ikidounitoe pa iraakasi Ŋiyudayan, ŋulu ikinyarito Ŋiyudayan “Ŋulu nyikileŋeritae”. Ebasi Ŋiyudayan ŋul ikirae ikes ŋulu ikileŋeritae, anerae iwuapito ikes etal ŋolo ka akileŋeryo ŋawat, lopite ŋolo ileŋeryata ŋituŋa ŋawat kec a ŋileŋia

Ŋiep. 2:11 Iomraidhean Croise

Esek. 20:43

Itamunete nai iyes a nen ŋipitesyo ŋulu kipotu iyes toyakaunotor ka ŋakiro daadaŋ ŋuna imunaaryata iyes ŋawat kus. Ikiinakinete iyes ŋakiro ŋuna aronok daadaŋ ŋuna itiyata iyes ajamakin ŋawat kus.

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Mat. 20:7

Toboŋokis ikes iŋes temasi, ‘Emam ro ituŋanan ikinyaraiya isua lotic.’ Tolimok iŋes ikes tema, ‘Toloto iyes daŋ etic lomanikor kaŋ ŋolo ke epiini.’

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋirom. 2:26

Nai ani kiricakis ŋituŋa ŋulu nyerae Ŋiyudayan ka nyileŋeritae, ŋuna ebasi Ŋikisila, imarakini Akuj ikes esibit ŋulu ileŋeritae.

Ŋirom. 2:27

Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ.

1 Ŋikor. 12:2

Iyenete iyes atemar apaki ŋina iraakatar iyes ŋituŋa ŋulu pa inupito Akuj ŋina a kire, aponi ikitooliyor iyes alorotin a ŋulu alalak nakujo ŋace ŋuna etwakito.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

Ŋigal. 2:15

Kire, ikiuruunitae isua ikirae Ŋiyudayan, meere “Ŋituŋa ŋulu nyerae Ŋiyudayan ŋulu erae ŋikasecak”, ikwapei enyaritere ikes;

Ŋigal. 6:12

Ŋituŋa ŋulu ikatakinito akitiŋakin iyes akileŋeryo, ikes ecamito akitoodiuna erae ŋulu ajokak alokiŋaren ŋituŋa. Itiyaete ikes ŋun, ikotere nyisicani ikes aŋuna a ŋakiro a ŋuna ke emusalaba a Kristo.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,

Ŋikis. 15:15

Totamunito atemar iirakasi iyes daŋ ŋipi anakwap a Ijipit, ido abu Ekapolon Akuj kus ikilaku iyes, a ŋakiro a ŋun, ekeciki ayoŋ iyes nakoloŋit na akiwuap akiciket na.

Ŋikis. 16:12

Totamunito atemar iraakasi paaran iyes ŋipi anakwap a Ijipit ka kiricakisi ŋikisila lu ejok.

Ŋikis. 5:15

Totamunito atemar irae koloŋ iyes ŋipi anakwap a Ijipit, ido abu Ekapolon Akuj kus ikiyau iyes anakwap a ŋin ka apedor keŋ a ŋina etiron ka agogoŋ. Aŋun, abu Ekapolon ikicik iyes atamunit akoloŋit ŋina a Sabato.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

Ŋikis. 9:7

Totamunito ka nyikimuryak iyes epite ŋolo itoŋoitotor iyes Ekapolon Akuj kus analoŋisat, irubakinete iyes iŋereneneete Ekapolon ameun anakoloŋit a ŋina ilomuniata iyes alo Ijipit akitodol akoloŋit ŋina idolunioto iyes nakibois na.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋikol. 1:21

Ilwaka koloŋ sek iyes nooi aneni ka Akuj ka iraakasi ŋimoi keŋ aŋuna a ŋakiro a ŋuna aronok a ŋuna itiyaete ka itamete iyes.

Ŋikol. 2:11

Anakimorikina ka Kristo, iruworosi tokona iyes ŋulu ikileŋeritae; meere ka akileŋeryo a ŋina itiyaete ŋituŋa, nai ka akileŋeryo a ŋina etiyae Kristo, ŋina ikilacakinit iyes anapedor a ŋina ke ekuwane a ŋolo ka aseconu.

Ŋikol. 2:13

Paaran sek, itwakito iyes alotai kus alokiŋaren Akuj a ŋuna a ŋasecisya kus ka aŋuna pa iraakatar iyes Ŋiyudayan ŋulu iwuapito Ŋikisila ŋulu a Moses. Nai, abu Akuj ikiteyaru iyes ka Kristo ka kisyoni ŋasecisya yok daadaŋ.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”