Ŋiep. 2:10 - Ebaibul

¹⁰ Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋiep. 2:10 Iomraidhean Croise

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 119:3

ŋulu daŋ nyitiyaete ŋuna aronok, nai iboiyete iwuapito ŋakiro ke Ekapolon.

Ŋikiru. 138:8

Isiyoonokini Ekapolon acamit keŋ aneni kaŋ. Okoe Ekapolon, erubakini amina kon ŋina nyiryaŋiryaŋa ŋikaru ka ŋikaru. Nyimek ŋituŋa kon ŋulu ibu iyoŋ tosub.

Ŋikiru. 51:10

Kiwuak tooma kaŋ etau ŋolo asegan, okoe Akuj, kikiteteu alotooma kaŋ etau ŋolo ikikinyomit iyoŋ

Ŋikiru. 81:13

Okoe, anica kiirasi ŋituŋa kaŋ ŋuna abala ayoŋ, anica kiwuapa Ŋisirael ŋuna abala ayoŋ!

Isa. 19:25

eruwor ikes ŋakwapin ŋuna eterereŋ Ekapolon ŋolo a ŋajoresyo ebala, “Erereŋ ŋituŋa kaŋ ŋulu a Ijipit ka ŋituŋa ka Asiriya ŋulu asubuni ayoŋ ta Ŋisirael ŋiseuna kaŋ.”

Isa. 29:23

anerae ani iŋolikinete ikes alokidiŋ kec ŋidwe kec ŋulu asubuni ayoŋ, ecamunete ikes asegis a Akuj a ŋina asegan a ŋina a Yakob, itopoloorete ikes Akuj a Isirael.

Isa. 43:21

ŋituŋa ŋulu abu ayoŋ osub aŋuna kaŋ a elope, topedoryata ikes akipuro ayoŋ.

Isa. 43:7

Yautu daadaŋ ŋulu enyaritae a ekiro kaŋ, ŋulu abu ayoŋ osub aŋuna ka akitopoloor ayoŋ, ŋituŋa ŋulu abu ayoŋ oyeu ka osub.”

Isa. 44:21

Okoe ŋiletok a Yakob, totamunito ŋakiro nu, okoe ŋiletok a Isirael, totamunito ŋakiro nu, anerae irae iyes ŋiketiyak kaŋ; ayoŋ akasubuni iyes, irae iyes ŋiketiyak kaŋ. Okoe Ŋisirael, nyimuryakinosi iyes aneni kaŋ.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Yoa. 3:21

Nai iŋes ŋini itiyae ŋuna a kire elomuni nakica, ikotere kisileereunoe atemar itiyat iŋes ŋiticisyo keŋ anakimorikina ka Akuj.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

Ŋitic. 9:36

Ayai Yoppa akanupan ŋina anyaritae Tabisa. (Anyaritae ekiro keŋ a Ŋagirik Dorka, iŋes atemar “Agete.”) Etiyae iŋes ŋuna ajokak akiŋaranakin ŋikulyak.

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

Ŋirom. 8:29

Abu Akuj keseu ŋituŋa ŋulu sek aris ketyaka nawae toyakaunos ikwaŋina eyakar Lokoku keŋ, ikotere nai Lokoku keŋ eruwor ŋolo eŋarenon alokidiŋ ŋikaitotoi ŋulu alalak.

1 Ŋikor. 3:9

Anerae ikitiyae isua kaapei ka Akuj. Irae iyes emanikor ŋolo ka Akuj. Iraakasi daŋ Akai ka Akuj.

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

2 Ŋikor. 5:5

Akuj iŋes ikitemok iwon aŋuna ka akilocokin a na ka ikiinak iŋes iwon Etau keŋ erae ibore ŋini ikiteyenuni iwon atemar eryamunio iwon ibore ŋini adau iŋes akiikin.

2 Ŋikor. 9:8

Epedori Akuj ainakin iyes alotyae a ŋolo alalan adepar etyae ŋolo iitanito iyes, ikotere nai toyakatar iyes jwi jwi ŋinibore daadaŋ iitanito ka kilapara daŋ aŋuna a etic a ŋolo ajokan a daadaŋ.

Ŋigal. 6:15

Anerae nyerae akileŋerit kori amamukau akileŋeryo epol alotooma ituŋanan; ibore ŋini epol iŋes aruwor ituŋanan ŋini kitete.

Ŋiep. 1:1

Ayoŋ Paulo, ŋolo arae ekiyakia ŋolo a Yesu Kristo aŋuna ka acamit a ŋina ka Akuj, egirit abaruwa na neni a ŋituŋa a ŋulu ka Akuj a ŋulu eyakasi Epeso, ŋulu ikinyoma alotooma akimorikina ka Yesu Kristo:

Ŋiep. 1:4

Tari eriŋa akwap nyesubuna, aris Akuj kikiseu iwon alotooma Kristo aruwor ŋulu keŋ, ikotere nai ikipedori iwon ayakau kiŋaren keŋ ikirae ŋulu ikisegak alotai ka ŋulu ikiyookino alokiŋaren keŋ.

Ŋiep. 2:13

Ilwaka paaran sek iyes aneni ka Akuj, nai aŋuna tokona iyakatar nakimorikina ka Kristo, adaun akitapuun iyes neni ka Akuj aŋuna a ŋaokot a Kristo, aŋuna aponi tobukoroe alomusalaba.

Ŋiep. 2:15

Abu iŋes anabunore keŋ kikisa Ŋikisila ŋulu a Ŋiyudayan kaapei ka ŋakiciketa kec, ikotere ituruwori ŋikabilae ŋuluarei ŋul ateker apei ŋina kitete anakimorikina ka iŋes; alopite a ŋol, abu kisisil ŋituŋa.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

Ŋiep. 2:6

Aŋuna ka akimorikina yok ka Yesu Kristo, abu Akuj ikiteyar iwon kaapei ka Kristo, ido ikisiboik iwon kaapei ka iŋes nakuj.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

Ŋiep. 4:24

ka itemokino iyes tonapa ekuwane ŋolokitete, ŋolo asubi Akuj ikwaan ka iŋes, ŋolo itoodiunit eyakae keŋ anakiyar a ŋina a kire, a ŋina iyookino ka ŋina ejok nooi.

Ŋikis. 32:6

Okoe ŋituŋa ŋulu emam aosou, epite mono ŋol itiyaata iyes neni a Ekapolon a? Meere mono iŋes papa kus ŋolo ikisubuni iyes, ŋolo ikituruwori iyes ŋituŋa ka apei akwap a?

Ŋikis. 5:33

Emaikina iyes kiwuapa jik ŋakiro ŋuna ikicik iyes Ekapolon Akuj kus akiwuap, ikotere iboiyete emam ŋace ka ikotere iboiyete apaki ŋina aoyan anakwap a ŋina ipote iyes akituruwor ŋina kus.

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

Ŋikol. 3:10

ka iryamut ekuwane ŋolokitete. Ekuwane ŋolokitete ŋol iŋes erubakinit Akuj akasuban keŋ itete kikwaanikinos ka iŋes, ikotere toyenuniata iyes iŋes ejok.

2 Ŋites. 2:17

akisimukekin iyes ka akitogogoŋ iyes, ikotere kitiyata ka kirworo ŋakiro daadaŋ ŋuna ajokak.

1 Tim. 2:10

nai itemokino ikes torae ŋuna ajokak a ŋiticisyo, ikwapei ejokyata ŋun anaberu a ŋuna ebasi ikinupit ikes ŋakiro ŋuna ka Akuj.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

1 Tim. 5:25

Ikwaŋinapei, ilereete ŋiticisyo ŋulu ajokak, nai ŋulu nyilereete daŋ, nyepedoryo akiwua ekaku.

1 Tim. 6:18

Tolimok ikes kitiyata ŋuna ajokak, tobarito aloticisyo a ŋulu ajokak ka totenito akimor ŋiboro kec ka ŋuluce anarimao.

2 Tim. 2:21

Ani nai kitesegun ituŋanan bon anakiro a ŋuna aronok a daadaŋ, eruwor iŋes eborosit ŋolo kisitiya aloticisyo a ŋulu epolok; itesegunitae iŋes ka epedori Ekapolon keŋ akisitiya iŋes, anerae etenit aŋuna a ŋiticisyo a ŋulu ajokak a daadaŋ.

2 Tim. 3:17

ikotere nai ituŋanan ŋini ka Akuj erae ŋini ilelebikina, ŋini etenit aŋuna a ŋiticisyo a ŋulu ajokak a daadaŋ.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Tito 2:7

Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

Tito 3:1

Tolimok ŋituŋa kon atemar itemokino ikes ekerito ŋikepukak ka ŋikapolok, toruworos ŋulu epupete ŋakiro, ŋulu imuit akitiya ŋuna ajokak alopitesyo a daadaŋ.

Tito 3:14

Itemokino ŋituŋa ŋulu a ŋatukon yok toyenut akitiya ŋiticisyo ŋulu ajokak, ikotere eryamunete ŋiboro ŋulu iŋarakiniata ŋituŋa ŋulu eyakatar akiitanit; ido nyiboiyete erae ŋicaryo.

Tito 3:8

Erae ŋun ŋakiro ŋuna a kire. Acamit iyoŋ kitatam ŋakiro ŋun ka agogoŋu, ikotere nai ŋulu enupito Akuj eruwor ŋulu emitakinito akitiya ŋiticisyo ŋulu ajokak. Ejokak ŋakiro ŋun daadaŋ, ido iŋarakinete ŋituŋa daadaŋ.

Ŋibur. 10:24

Ewara epite ŋolo ikisimukekinor iwon make, ominakisi ŋuluce ka etiyata ŋuna ajokak.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 2:6

Ituŋanan ŋini ebala, “Ikirukit ka Akuj,” itemokino iŋes iboi ikwaŋina eboiyo Yesu Kristo.