Ŋiep. 1:23 - Ebaibul

²³ Ido erae iŋes akou a Ŋikristo a ŋulu eraakasi akuwan keŋ. Erae akuwan keŋ ŋin akisiyookinet ŋina a ŋolo erae iŋes elope isiyookini ŋiboro daadaŋ anakiboisyo a daadaŋ.

Ŋiep. 1:23 Iomraidhean Croise

Yoa. 1:16

Analalau a ŋina ka ajokis keŋ, ikiterereŋ iŋes iwon daadaŋ, ikitoropikinit iŋes iwon ŋarereŋisyo.

Ŋirom. 13:5

Aŋuna a ŋakiro a ŋun, itemokino iyes tokerito ŋikapolok ŋulu ka apukan--meere ca aŋuna ka akerit anyunyura ŋina ka Akuj bon, nai itemokino torae aŋuna ikilimokinitotor iyes ŋatameta kus daŋ.

1 Ŋikor. 12:6

Egelegelya ŋirotin ŋulu itiyaere ŋiticisyo, nai Akuj apei ekorakinit ŋinituŋanan apedor ŋinakitiyaet etic.

1 Ŋikor. 15:28

Nai ani iwuakinio ŋiboro daadaŋ Napukan a Kristo, ebuni nai Lokoku elope kiwuakin Napukan ka Akuj a ŋina adau akiwuakin ŋiboro daadaŋ Napukan a Kristo, ikotere nai toruwor Akuj akepukan a daadaŋ.

Ŋiep. 2:16

Abu Kristo anatwanare keŋ alomusalaba tolema akimananu a ŋikabilae a ŋuluarei a ŋul ka kituruwo ikes ŋipei anakuwan keŋ a ŋina erae Ŋikristo; ido abu kinyaku ikes neni ka Akuj.

Ŋiep. 3:10

ikotere nai alotooma Ŋikristo toyenut ŋikepukak ka ŋapedorosyo ŋuna anakuj aosou ŋina ka Akuj alotooma ŋiboro daadaŋ.

Ŋiep. 3:19

Ee, elipi ayoŋ atemar toyenut iyes amina keŋ--tari pa kepedor ayenun iŋes nooi--ikotere nai kikwaanikinos iyes ka Akuj.

Ŋiep. 4:10

Iŋes ŋolo abu bu kwap, iŋes pei abu kiporo tari anadis, ikotere ilopiyari iŋes ŋinibore daadaŋ.

Ŋiep. 4:12

Abu iŋes kitiya ŋun aŋuna ka akitemonokin ŋituŋa ŋulu ka Akuj daadaŋ aŋuna ke etic a ŋolo a Ŋikristo, ikotere itopolooto atukot a Ŋikristo, ŋina erae akuwan a Kristo

Ŋiep. 4:13

akitodol ŋina ikimorikinor iwon daadaŋ kaapei ananupit ka oyenutu ejok Lokoku ka Akuj. Ikiponi nai iwon daadaŋ kaapei apol alotooma ituŋanan ipei ŋini apolon, ŋini erae Kristo, oruworos ŋulu ikipakit ikwa iŋes.

Ŋiep. 4:4

Eyai akuwan apei ka Etau epei ŋolo ka Akuj ikwapei eyakar akigeno apei ŋina adau Akuj anyarakin iyes.

Ŋikol. 1:24

Tokona, alakara ayoŋ aŋuna a ŋican a ŋulu aryamunit ayoŋ aŋuna kus, anerae alotooma ŋican ŋulu ka akuwan kaŋ, eŋarakinit ayoŋ akirikakin ŋuna ariŋa nyirikakina alocan a Kristo aŋuna a Ŋikristo, a ŋulu eraakasi akuwan keŋ.

Ŋikol. 2:19

ka nyeriŋa imorikina ka Kristo, ŋolo erae akou ŋina ka akuwan keŋ a ŋina erae Ŋikristo. Ageun anakou, itanio akuwan daadaŋ ŋina erucokinito ŋakilenyeta ka ŋamori, ido epoloe ikwapei ecamitor Akuj.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.

Ŋikol. 3:15

Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.