Ŋiep. 1:17 - Ebaibul

¹⁷ Elipenene ayoŋ Akuj ŋina ke Ekapolon yok Yesu Kristo, Papa ŋolo eyai apolou daadaŋ, ikiinak iyes aosou ka ŋakitoodyanakineta, ikotere toyenut iyes iŋes ejok.

Ŋiep. 1:17 Iomraidhean Croise

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

Yob 42:5

Eira ayoŋ ŋakiro kon ŋuna akalimokinete ŋituŋa ŋuluce, nai tokona ekeŋolik ayoŋ iyoŋ.

Ŋikiru. 24:10

Ŋae mono Erwosit ŋolo apolon nooi ŋol? Erae Ekapolon ŋolo a ŋajoresyo, erwosit ŋolo apolon nooi.

Ŋikiru. 24:7

Toŋaasi ŋikekya nooi, toŋaasi ŋikekya ŋulu ŋorok, ikotere elomuni Erwosit ŋolo apolon nooi.

Ŋikiru. 29:3

Epupo etoil ke Ekapolon ananamyo, ikilya irworo Akuj ŋina ka apedor, ipukat Ekapolon anam ŋina apolon nooi.

Awos. 28:3

Kisirwor ŋituŋa daadaŋ ŋulu epedorete akiirar ŋakiro, ŋulu adau ayoŋ ainakin aosou, tolimok ikes atemar kitiyaut ŋilowi ka Aron ŋulu ituruworere iŋes esacaradoti kaŋ.

Ŋakit. 18:15

Epedori ituŋanan ŋini apiiryanan aryamun aosou, ido iwarit ituŋanan ŋini eos akiirar ŋakiro ŋuna ka aosou.

Ŋakit. 2:5

nen nai iyenunia iyoŋ akitopoloorit Ekapolon ka nen iryamunia iyoŋ aosou ŋina ka Akuj.

Isa. 11:2

Eyakaun etau ŋolo ke Ekapolon neni keŋ, eyakaun etau ŋolo ka aosou ka ayenut neni keŋ, eyakaun etau ŋolo esirworiunan ka ŋolo ka apedor neni keŋ, eyakaun etau ŋolo ka ayenut ka ŋolo ka akitopoloorit Akuj neni keŋ.

Yer. 2:11

Eyai mono akwap adio ŋina elocok ŋakujo keŋ, tari pa kerae ŋakujo kec ŋuna a kire a? Nai aŋero ŋituŋa kaŋ Akuj kec aŋuna a ibore a ŋini emam ibore iryamunia.

Yer. 24:7

Ainakini ayoŋ ikes etau ŋolo eyeniata ikes atemar ayoŋ arae Ekapolon ka eruworosi ikes ŋituŋa kaŋ, ido aruwor ayoŋ Akuj kec, anerae eboŋunete ikes neni kaŋ a ŋitai kec a daadaŋ.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Yer. 9:24

nai emaikina ŋulu iturosi kituros a ŋakiro a nu atemar eyenete ikes ka akayenete ikes ayoŋ atemar arae ayoŋ Ekapolon, etiyae ayoŋ ka amina a ŋina nyiryaŋiryaŋa, a akiyookino ka atubi ŋakiro anakwap anakiyookino, anerae eketalakarito ayoŋ ŋipitesyo ŋul.

Dan. 10:1

Alokaru a ŋolo a ŋiuni ipukat erwosit Cirus ŋolo a Perisia aponi kisileerekinoe akirot neni a Daniel a ŋolo anyaritae Belitesasar. Arae akirot ŋin ŋina a kire, arae akirot ŋina ke ejie a ŋolo apolon. Abu Daniel toyenu akirot ŋin kedau aryamun ayenun ŋakiro anakisileerekinet.

Dan. 5:11

Eyai nakwap ŋina ipukat iyoŋ, ituŋanan ŋini eyakar etau ŋolo a ŋakujo a ŋuna asegak. Alorwa a ŋulu epukator papa kon akwap na, aponi toryamunae aneni a ekile a ŋol apiiryanut, ayenut ka aosou ŋina ikwaan ka ŋina a ŋakujo. Abu papa kon Nebukadinesar kituruwo iŋes ekapolokiniton ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok.

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Mat. 16:17

Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.

Mat. 20:33

Toboŋokis ikes temasi, “Ekapolon, kitekienyu ŋakosikonyen.”

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Luk. 12:12

anerae Etau ŋolo Asegan iŋes ebuni akitatam iyes ŋuna itemokino tolimut apaki ŋin.”

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Yoa. 14:17

Erae iŋes Etau ŋolo irworo ŋuna a kire ŋuna ka Akuj. Nyepedori akwap akijaun iŋes, anerae nyite akwap iŋes, kori nyeyeni iŋes. Iyenete iyes iŋes, anerae iboiyuni iŋes neni kus ka eyakaun iŋes tooma kus.

Yoa. 14:26

Ebuni nai ekeŋarakiniton, Etau ŋolo Asegan, ŋolo iyakuuni Papa alokiro kaŋ, ikitatam iyes ŋakiro daadaŋ ka ikitatamunite iyes ŋuna daadaŋ adau ayoŋ alimokin iyes.

Yoa. 16:3

Itiyaete ikes ŋun, anerae nyeyenuna ikes Papa kori ayoŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Ŋitic. 6:10

Nai inak Etau ŋolo Asegan Stepano aosou ŋina pa apedoryata ikes akitepeg, kilouniata iŋes.

Ŋitic. 7:2

Toboŋok Stepano tema, “Ŋikaitotoi ka atapapa, topupokisi ŋakiro kaŋ! Abu koloŋ Akuj ŋina ka apolou totakanu neni a papaa yok Aburaam alo Mesopotamia, eriŋa iŋes nyewuoto Aran.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

Ŋirom. 15:6

Ido nai topedosi akipuro kaapei a etoil a epei Akuj ŋina erae Papa ke Ekapolon yok Yesu Kristo.

1 Ŋikor. 12:8

Einakini Etau ŋolo Asegan neni a ipei apedor ŋina kirworet ŋuna ka aosou, neni a ice einakini Etau ŋolopei ŋol apedor ŋina ka ayenut ŋakiro.

1 Ŋikor. 14:6

Ŋikaitotoi kaŋ, kabu ayoŋ neni kus, erworo ŋaŋajepa ŋuna egelaaka, anijokis iryamunete iyes alorwor kaŋ? Emam tari adio, mati kerwor ayoŋ adiokitoodikinet aneni ka Akuj, kori adioyenut kori akidwar adio kori akitatam adio.

1 Ŋikor. 2:10

Nai adau Akuj akitoodikin isua ŋun alotooma Etau keŋ. Eripiripi Etau ŋakiro daadaŋ, tari ŋuna iwuaitae ŋuna ka Akuj.

1 Ŋikor. 2:8

Amam tari ŋikepukak ŋulu ka akwap a na ŋulu ayenete ŋun, amam tari epei daŋ; kerae toyenunito, pa kibubukinito Ekapolon ŋolo ka apolou.

2 Ŋikor. 12:1

Itemokino ayoŋ eturokin tari kemam epoida daŋ a? Nai erwori ayoŋ tokona ŋuna eketatakanik ka eketoodik Ekapolon ayoŋ.

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

Ŋiep. 3:5

Koloŋ sek, pa alimokinitae ŋituŋa ŋakiro ŋuna imunono ŋun, nai tokona adau Akuj akitoodiun ikes alotooma Etau keŋ neni a ŋikiyakia keŋ a ŋulu ka Akuj ka neni a ŋikadwarak.

Ŋiep. 4:13

akitodol ŋina ikimorikinor iwon daadaŋ kaapei ananupit ka oyenutu ejok Lokoku ka Akuj. Ikiponi nai iwon daadaŋ kaapei apol alotooma ituŋanan ipei ŋini apolon, ŋini erae Kristo, oruworos ŋulu ikipakit ikwa iŋes.

Ŋipil. 3:15

Itemokino iwon daadaŋ ŋulu ikiyeni ejok ŋakiro ŋuna ka Akuj opakito anatameta ikwaŋinapei. Nai ani kiyakatar iyes ŋice atametait ŋina egelaana, ikisileerekini Akuj iyes tari ŋun.

2 Tim. 2:25

Itemokino iŋes erae ŋolo epatana apaki ŋina itatamya ŋulu itepegete iŋes, anerae acepaki einakini Akuj ikes apaki ŋina kiet ŋasecisya kec, ido toyenut ŋuna a kire.

Tito 1:1

Ayoŋ Paulo eketiyan ŋolo ka Akuj ka ekiyakia ŋolo a Yesu Kristo egirit abaruwa na. Abu Akuj okoseu ayoŋ, ekeyakia daŋ akiŋarakin ka akitogogoŋ anupit a ŋituŋa keŋ a ŋulu seuna ka akirik ikes toyenut ejok ŋakiro ŋuna a kire ŋuna eyenuniata ikes akerit Akuj ejok;

Yak. 2:1

Ŋikaitotoi kaŋ, ikwapei iraakatar iyes ŋikanupak ŋulu ke Ekapolon yok a Yesu Kristo, ŋolo erae Ekapolon ka apolou, nyitemokino iyes atyakatyak ŋituŋa.

2 Pet. 1:3

Ikiinak iwon apedor ŋina ka Akuj ŋiboro daadaŋ ŋulu ikiitanit iwon ayarya kire alopite a ŋolo ecamit Akuj alotooma ayenut ŋolo abu ikinyarau iwon akimor apolou ka ajokis keŋ.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

Akis. 7:12

ebasi, “Amen! Akipuro, apolou, aosou, akitalakanar, akerit, apedor ka agogoŋu toyakas neni ka Akuj ŋikaru ka ŋikaru! Amen!”