Ŋibur. 9:4 - Ebaibul

⁴ Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.

Ŋibur. 9:4 Iomraidhean Croise

1 Ŋirw. 7:50

kitiyau a egolid ŋiboro lu: ŋikopoi, ŋasuwa ŋuna kituduŋeet ŋitaae, ŋabapwa, ŋabakulei ŋuna ke ekinyate ka ŋikalaae ŋulu edakere ŋatotol ŋuna enokete. Kitiyau a egolid ŋipetae a ŋipukei a ŋulu a akibois a ŋina Asegan ka ŋulu a ŋipukei a akibois a ŋina Asegan nooi ta ŋulu a ŋipukei a Namuroet alo Kai ka Akuj.

1 Ŋirw. 8:21

Ewuak ayoŋ Kai ŋin akibois aŋuna ka Asaduku a ŋina erae tooma keŋ eyai Acamunet ke Ekapolon ŋina acamunotor iŋes ka atapapaa kaŋ apaki ŋina ayaunia iŋes ikes anakwap a Ijipit.”

1 Ŋirw. 8:9

Mam ibore ice ayai tooma Asaduku, ŋamoru ŋunaarei bon ŋunadapal ŋuna egiritae ŋakiciketa ŋuna kiwuakini Moses nen alomoru a ŋolo enyaritae Oreb (iŋes Sinai), neni kebunio Ekapolon tocamunotor ka Ŋisirael kedaut alomun anakwap a Ijipit.

2 Ŋakiro a ŋirwa 5:10

Mam ibore ice ayai tooma Asaduku ŋin, ŋamoru ŋaarei bon ŋunadapal ŋuna egiritae Ŋakiciketa ayakasi tooma. Moses kiwuakini ŋamoru ŋun nen alomoru a ŋolo enyaritae Oreb (iŋes Sinai), neni kebunio Ekapolon tocamunotor ka Ŋisirael kedaut alomun alo Ijipit.

Awos. 26:33

Kinenek anaŋga kwap ŋikodoce, ido kiwuak Asaduku ŋina ka Acamunet yaye anaŋga ŋin. Kiwuak anaŋga ŋin kidiŋ totyak akibois ŋina Asegan ka ŋina Asegan nooi.

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Awos. 32:15

Abu nai Moses toboŋu, totiyaun alomoru edakit ŋamoru ŋunaarei ŋunadapal ŋuna ka Acamunet. Egiritae ŋiwaetin daadaŋ a ŋamoru a ŋun, iŋes atemar kiŋaren ka kaku.

Awos. 34:29

Ani etiyaun Moses alomoru Sinai edakit ŋamoru ŋuna ka Acamunet ŋunadapal ŋunaarei, pa ayeni iŋes atemar ecai ereet keŋ aŋuna sek kebunio iŋes kirworikinos ke Ekapolon.

Awos. 37:25

Abu Besalel kitiyaut a ŋakito ke eewoi Namuroet ŋinakicunyet ekinyate. Eriyan ŋiwaetin keŋ daadaŋ ŋuluomwon, arae aoyau alosepyon ŋasentimitae 45 ka arae kiŋaren ka neni iteotor ŋasentimitae 45, ido torae aoyau alokwap tari kidiama ŋasentimitae 90. Kiwuak ŋigug keŋ ŋulu asibito ŋamomwar lokoonae, etapakina Namuroet erae ibore ipei bon.

Awos. 39:35

Asaduku ŋina ka Acamunet ka ŋipirin keŋ ta akibois ŋina a akisyonio;

Awos. 40:3

Kiwuak tooma keŋ Asaduku ŋina ka Acamunet, kiriwok anaŋga kidiŋ Eema ŋol kiteriboo Asaduku ŋina ka Acamunet.

Ŋilep. 16:12

Emaikina Aron tolemu asipirya, kiwuak ŋatotol ŋuna eriraete ŋuna eyakasi namuroet alokiŋaren Ekapolon, tomuk ekinyate ŋolo inyaaditae ileleba ŋakan ya ŋul yaye anaŋga.

Ekim. 17:10

Tolimok Ekapolon Moses tema, “Kinyakak ebela ŋolo ka Aron diyete Asaduku ŋina ka Acamunet, kiŋadakinae nen erae akitaanyikinet neni a ŋikaŋerok, ikotere itojoŋoito ikes akiŋuruŋura neni kaŋ, ani kitiyata ikes ŋun etwakete.”

Ekim. 17:5

Ebela ŋolo a ekile a ŋolo aseuni ayoŋ iminiaunete ŋakwii, ido etojoŋoe ayoŋ Ŋisirael akiŋuruŋura ŋina erubakinitotor ikes iŋuruŋurasi neni kus.”

Ekim. 17:8

Ani taparacu keŋ elosi Moses loeema ŋolo ayai Asaduku ŋina ka Acamunet, toryamu atemar kiminiaut ŋakwii alobela a ŋolo ka Aron a ŋolo arae ŋuna a ekabila a Lepi; toryamu kiminiaut ŋakwii, keturout ŋatur ka kerau ŋaraito ŋuna ka Alimond ŋuna akokito.

Ŋikis. 9:11

Ani elunyar ŋapaarasya ŋatomoniomwon ka ŋakuwarisya ŋatomoniomwon, abu Ekapolon okoinak ayoŋ ŋamoru ŋunaarei ŋunadapal, ŋuna ka Acamunet.

Ŋikis. 9:9

Apaki ŋina alosyo ayoŋ moru akijaun ŋamoru ŋunaarei ŋunadapal, ŋamoru ŋuna egiritae Acamunet ŋina icamunotor iyes ka Ekapolon, abu ayoŋ eboi alomoru ŋapaarasya ŋatomoniomwon ka ŋakuwarisya ŋatomoniomwon; nyimuja ayoŋ akimuj adio, kori nyemata ayoŋ ŋakipi ŋadi.

Akis. 11:19

Aponi toŋaarae Akai ka Akuj anakuj, totakanu Asaduku ŋina ka Acamunet. Toyakaun akimilyaa, ŋitoilon, agiro ŋina ereta, amaran ŋina ka akwap ka ŋakako ŋuna apolok.

Akis. 8:3

Abu emalaika ece ŋolo ayakar abakule ŋina etiyaunitae a egolid, ŋina ecunyeneneere eminae ŋolo ke ekinyate, bu towo alokiŋaren Namuroet. Aponi inakinae iŋes eminae ŋolo ke ekinyate ŋolo alalan, kimorikin ka ŋakilipasinei ŋuna a ŋituŋa a ŋulu ka Akuj a daadaŋ, ya Namuroet ŋin ŋina etiyaunitae a egolid ŋina ayai kiŋaren ekicoloŋ.