Ŋibur. 9:3 - Ebaibul

³ Yaaye anaŋga ŋina eneno alotooma, ayai agule ŋina a ŋaarei ŋina anyaritae Akibois ŋina Asegan nooi.

Ŋibur. 9:3 Iomraidhean Croise

1 Ŋirw. 6:16

Topaka iŋes agule kwap Kai. Arae aoyau a agule a ŋin alokwap tari kidiama ŋimitae ŋikanikaomwon. Apakaritae agule ŋin a ŋakito a ŋuna a Cedar. Abu iŋes todukok agule ŋin tooma Akai ka Akuj erae akibois ŋina asegan ka akibois ŋina asegan nooi.

1 Ŋirw. 8:6

Ani irikakin todakasi ŋisacaradotin Asaduku ŋina ka Acamunet ke Ekapolon nakibois ŋina amaikina kiwuakinae alo Kai ka Akuj, nakibois ŋina Asegan nooi; kiwuakis kwap neni arounito ŋabebenuk a Ŋikerubim.

2 Ŋakiro a ŋirwa 3:14

Kitiyau Solomon anaŋga ŋina aya ŋiraŋgi lu: Ŋolopus, ŋolo kipurat-areŋan ka ŋausi ŋuna areŋak puu ta ŋuna amilimilak, kiwuanak ŋitorubei a ŋisubuna a ŋulu a ŋabebenuk nanaŋga ŋin.

Awos. 40:21

Ani kirikak ŋun, abu yau Asaduku ŋina ka Acamunet tooma Eema ŋolo iryamununoi, ido kiwuak anaŋga ŋina eteriboorit Asaduku ŋin. Aŋun, abu iŋes kiteriboiyo ka anaŋga Asaduku ŋina ka Acamunet, lopite ŋolo ecikitor Ekapolon iŋes.

Awos. 40:3

Kiwuak tooma keŋ Asaduku ŋina ka Acamunet, kiriwok anaŋga kidiŋ Eema ŋol kiteriboo Asaduku ŋina ka Acamunet.

Isa. 25:7

Elemari alomoru alo Ekapolon ŋakiro ŋuna eenitere ŋituŋa daadaŋ, elemari ŋakiro ŋuna imukoritere ŋituŋa a ŋakwapin a daadaŋ; elemari iŋes atwanare jik.

Esek. 41:4

Abu iŋes kipim aoyau a agule a ŋin alosepyon, toryamu eriyan ŋiwaetin daadaŋ erae ŋimitae ŋitomon. Ayai agule ŋin yaye ŋina alokidiŋ ameun alopuke. Tema nai ekile ŋol neni kaŋ, “Erae Akibois na ŋina Asegan Nooi.”

Ekim. 4:5

“Apaki ŋina ewotokinia alomar, elomarete Aron ka ŋidwe keŋ ŋulusapa loeema tolacut anaŋga ŋina etyakit neni eyai Asaduku ŋina ka Acamunet ka akibois ŋinakilipet, emaikina ikes tolacut anaŋga ŋin kimukoryata Asaduku ŋina ka Acamunet,

Mat. 27:51

Tocila anaŋga ŋina eneno alo Kai ka Akuj beret ageun alokidiama tari kwap. Tomaranik akwap tobwaŋabwaŋas ŋamoru.

Ŋibur. 6:19

Ikiyakar iwon akigeno na erae ŋina ikituruworit iwon ŋulu ikiuna ka ŋulu nyikiryaŋiryaŋa ka itogogoŋit akiyar yok. Edolit akigeno na tari yaaye anaŋga ŋina ineno alokai ka Akuj kiteriboorite akibois ŋina eyai kidiŋ jik Akai ŋina anakuj.

Ŋibur. 9:7

nai arae Esacaradoti ŋolo Apolon nooi bon elomanari nagule ŋina a ŋaarei ŋina a yaaye anaŋga apeilomaret a ŋolokaru. Nyepedori iŋes alomar nen emam ŋaokot ŋuna ka ajulot, ŋuna einakini iŋes Akuj kisyoniyere ŋasecisya keŋ ka ŋasecisya ŋuna apotu ŋituŋa kitiyata pa eyenete atemar ikisecit.

Ŋibur. 9:8

Ikitatami iwon Etau ŋolo Asegan anakiro a ŋun daadaŋ atemar eriŋa nyeŋaara erot ŋolo elomarere nagule ŋina a ŋaarei, ŋina erae Akibois ŋina Asegan nooi, erae keriŋa agule ŋina esyaunan eyai.