Ŋibur. 9:24 - Ebaibul

²⁴ Anerae pa alomarit Kristo Nakibois ŋina Asegan ŋina adukunete ŋituŋa, ŋina erae iŋes bon erae akisikwaanet ka Akibois a ŋina a kire. Nai nakuj abu iŋes toloma, neni tokona ewuar iŋes alokiŋaren Akuj aŋuna yok.

Ŋibur. 9:24 Iomraidhean Croise

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Awos. 28:12

ido toenik ŋamoru ŋun ŋunaarei naraco ŋuna eya narapet aloseketa. Eruwor ŋamoru ŋun ŋuna etamunitere ŋidwe a Yakob ŋulusapa, Aron iŋes emaikina eryoŋit ŋirorwa ŋul aloseketa keŋ, ikotere Ekapolon etamunitor ŋituŋa keŋ.

Awos. 28:29

“Apaki daadaŋ ŋina elomarya Aron nakibois ŋina Asegan nooi alotooma Eema, emaikina iŋes tonap anatorobu keŋ eboli ŋolotubet ŋakiro ŋol, ŋolo eya ŋamoru ŋuna igiritae ŋirorwa a ŋidwe a Yakob a ŋulusapa. Erae ŋun aŋuna ka atamunitor ikes alokiŋaren Ekapolon a ŋinapaki a daadaŋ.

Sakar 3:1

Abu nai Ekapolon eketoodik ayoŋ anakiruja Yosua esacaradoti ŋolo Apolon nooi, ŋolo awoi alokiŋaren emalaika ke Ekapolon. Eketoodik iŋes ayoŋ Satan daŋ ŋolo awoi aloteten a Yosua akisitakin Yosua.

Mat. 18:10

“Tocoito ijamuwarete tari ipei a ŋulu cicik a lu, anerae akalimokini ayoŋ iyes atemar, erukito ŋimalaikan kec jwi jwi ka Papa kaŋ ŋolo eyai nakuj. [

Mar. 14:58

“Ikipotu isua eirasi iŋes ebala, ‘Etuwori Akai ka Akuj na ŋina adukete ŋituŋa a ŋakan, ido alotooma ŋirwa ŋiuni, odukok ace ŋina nyepedorete ŋakan a ŋituŋa akiduk’ ”.

Mar. 16:19

Kedau Ekapolon Yesu erwori neni kec, aponi yae iŋes nakuj, kiboikin nakan ŋina aloteten Akuj.

Luk. 24:51

Ani eriŋa iŋes iterereŋi ikes, kikyaarae iŋes alokiŋaren kec, tolot nakuj.

Yoa. 16:28

Abu ayoŋ aneni a Papa, abu nakwap, nabo aesikini ayoŋ akwap, oboŋo neni a Papa.”

Yoa. 6:62

Ani bo nai kiŋolikis iyes Lokoku a Ituŋanan edokari neni ebunitor iŋes?

Ŋitic. 3:21

Itemokino Kristo kiboi anakuj akitodol apaki ŋina ituruworya Akuj ŋiboro daadaŋ ŋikitet, lopite ŋolo koloŋ alimunitor iŋes alorwor a ŋikadwarak keŋ a ŋulu asegak.

Ŋirom. 8:33

Ŋae isitakini ŋituŋa ŋulu ka Akuj ŋulu eseunitae? Emam ipei daŋ, anerae Akuj alope acamu ikes erae ŋulu iyookino alokiŋaren keŋ.

2 Ŋikor. 5:1

Ikiyeni iwon atemar, ani ŋina inyasunor eema lo--akuwan yok ŋina esaluni--eyakaunor Akuj akai aŋuna yok nakuj, akai ŋina adau iŋes alope akitemokin, ŋina a ŋikaru ka ŋikaru.

Ŋikol. 3:2

Totamunito ka kiitanito ŋuna eyakasi nakuj ama, meere ŋuna eyakasi kwap ne.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 4:14

Itemokino iwon orubakisi ikititinyikinit ananupit Yesu; anerae Yesu Lokoku ka Akuj, iŋes erae Esacaradoti yok ŋolo Apolon nooi, ŋolo adau alosit nakuj.

Ŋibur. 6:20

Akibois ŋin iŋes ŋina adau Yesu alosit ikwapei ŋolo aberar aŋuna yok, kedau aruwor Esacaradoti ŋolo Apolon nooi ŋoloruba lopite ŋolo ke Esacaradoti a ŋolo anyaritae Melekisedek.

Ŋibur. 8:2

Itiyae iŋes etic ŋolo eraakar Esacaradoti ŋolo Apolon nooi anakibois a ŋina asegan nooi, erae nen tooma eema ŋolo a kire ŋolo aduki Ekapolon, meere ŋituŋa.

Ŋibur. 8:5

Etic ŋolo eraakatar ikes ŋisacaradotin erae akituput ka erae daŋ etorube a ŋuna itiyao anakuj. Ikwaan ŋakiro ŋun ka ŋuna a Moses. Ani eapuuni iŋes adukokin eema ŋolo ka Acamunet, tolimok Akuj iŋes tema, “Kitiya ibore daadaŋ lopite ŋolo ikitoodikinitere iyoŋ alomoru.”

Ŋibur. 9:1

A Nacamunet a ŋina ke ekiŋaren, ayakasi ŋikisila ŋulu elipeneneere ka ayai akibois ŋina elipeneneere ŋina arae ituŋanan adukunit.

Ŋibur. 9:23

Itemokino nai ŋiboro ŋulu erae etorube ŋolo a ŋiboro a ŋulu eyakasi nakuj italeunio ikoŋina. Nai italeunio ŋiboro ŋulu anakuj ŋul a ŋamuronisya a ŋuna ajokak nooi akilo.

Ŋibur. 9:9

Erae ŋakiro ŋun ŋakisikwaanet a ŋakiro a ŋuna a ŋirwa a lu. Itoodiunito atemar ŋamuronisya ka ŋainakineta ŋuna elemianakinio Akuj, nyituruworete ŋitai a ŋituŋa a ŋulu ilipete neni ka Akuj ŋulu iyookino,

1 Pet. 3:22

Abu iŋes tolot nakuj ka eyai lowae ŋolo aloteten Akuj, ipukat ŋimalaikan daadaŋ ka ŋikapolok ŋulu eyakatar ŋapedorosyo anakuj.

Akis. 8:3

Abu emalaika ece ŋolo ayakar abakule ŋina etiyaunitae a egolid, ŋina ecunyeneneere eminae ŋolo ke ekinyate, bu towo alokiŋaren Namuroet. Aponi inakinae iŋes eminae ŋolo ke ekinyate ŋolo alalan, kimorikin ka ŋakilipasinei ŋuna a ŋituŋa a ŋulu ka Akuj a daadaŋ, ya Namuroet ŋin ŋina etiyaunitae a egolid ŋina ayai kiŋaren ekicoloŋ.