Ŋibur. 9:23 - Ebaibul

²³ Itemokino nai ŋiboro ŋulu erae etorube ŋolo a ŋiboro a ŋulu eyakasi nakuj italeunio ikoŋina. Nai italeunio ŋiboro ŋulu anakuj ŋul a ŋamuronisya a ŋuna ajokak nooi akilo.

Ŋibur. 9:23 Iomraidhean Croise

Luk. 24:26

Nyiyenete iyes atemar etemokino Kristo toryamu ŋican, ikotere tolomarya napolou keŋ a?”

Luk. 24:46

Tolimok ikes tema, “Nugu ikes ŋuna igiritae atemar itemokino Kristo toryamu ŋican, ido toyaru kelunyar ŋirwa ŋiuni.

Yoa. 14:3

Ani kalot ayoŋ akitemokin akibois aŋuna kus, aboŋuni nai ayoŋ okocuna iyes neni kaŋ, ikotere kiboiyoto iyes daŋ aneni ayai ayoŋ.

Ŋitic. 23:15

Tokona nai, kiyakiyasi iyes a Natukot akirot neni ke ekapolokiniton ŋisigarya a Roma ayaun Paulo neni kus, esibit icamito iyes akiŋitiŋit iŋes nabo. Nai etenio isua akiar iŋes eriŋa nyedoluno ne.”

Ŋikol. 2:17

Ŋiboro ŋul daadaŋ erae ca etorube a ŋiboro a ŋulu eponito; nai elope ŋolo ke etorube a ŋol iŋes Kristo.

Ŋibur. 10:1

Nyepedorete Ŋikisila akitetem ŋakiro ŋun ejok. Erae ikes etorube ŋolo a ŋakiro a ŋuna ajokak a ŋuna epote rwanu. A ŋolokaru elemununuyo ŋamuronisya ŋunapei sek. Ikokinete nai tokona Ŋikisila ituruworete ŋituŋa ŋulu epote neni ka Akuj ŋulu iyookino aŋuna a ŋamuronisya a nu ai?

Ŋibur. 10:4

Anerae nyepedorete jik ŋaokot a ŋimoŋin ka ŋuna a ŋamee alemar ŋasecisya a ŋituŋa.

Ŋibur. 8:5

Etic ŋolo eraakatar ikes ŋisacaradotin erae akituput ka erae daŋ etorube a ŋuna itiyao anakuj. Ikwaan ŋakiro ŋun ka ŋuna a Moses. Ani eapuuni iŋes adukokin eema ŋolo ka Acamunet, tolimok Akuj iŋes tema, “Kitiya ibore daadaŋ lopite ŋolo ikitoodikinitere iyoŋ alomoru.”

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

Ŋibur. 9:24

Anerae pa alomarit Kristo Nakibois ŋina Asegan ŋina adukunete ŋituŋa, ŋina erae iŋes bon erae akisikwaanet ka Akibois a ŋina a kire. Nai nakuj abu iŋes toloma, neni tokona ewuar iŋes alokiŋaren Akuj aŋuna yok.

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.