Ŋibur. 9:21 - Ebaibul

²¹ Ikwaŋinapei, abu Moses towuatak ŋaokot ŋun loeema ŋolo arae Akibois ŋina Asegan ka loboro daadaŋ ŋulu esitiyao ilipyo.

Ŋibur. 9:21 Iomraidhean Croise

Awos. 24:6

Tolemu Moses ŋaokot a ŋibaren a ŋul, totyak eriyan, kiwuak atutubet apei nabakulei, tosodi atutubet ŋinace towuasya Namuroet.

Awos. 29:12

Emaikina iyoŋ tolemu ŋaokot ke emoŋ ŋadi iya kiosak ke ekimoin kon neni esibit ŋamomwar a Namuroet, ido tobukok ŋaokot ŋunace daadaŋ kwap Namuroet.

Awos. 29:20

Ani irikakinete, toar emesek, ido tolemu ŋaokot ŋadi alomesek, kiosak lokabonibonit ka akit ka Aron a ŋina aloteten ta lokabonibon a ŋaki a ŋidwe keŋ a ŋulusapa ŋuna aloteten. Kiosak daŋ lomoyo a ŋakan kec ŋulu apolok ŋulu aloteten ka lomoyo a ŋakejen kec ŋulu apolok ŋulu aloteten. Ani irikakini akitiya ŋun, towuatak nai ŋaokot Namuroet ŋiwaetin daadaŋ.

Awos. 29:36

Toar emoŋ a ŋinakoloŋit ikwapei ainakinet ŋina elemarere asecit. Tolemununu daŋ ainakinet ŋina elemarere asecit, iya Namuroet kitaleunio iŋes, kedaun ŋun, kiosak akimyet Namuroet kitaleu.

Awos. 40:9

Tolemu nai akimyet ŋina ke etal, kiosya Eema ka ŋiboro ŋulu aya tooma keŋ daadaŋ, kitaleu Eema ka ŋiboro ŋulu aya nen daadaŋ, ikotere Eema eruwor ŋolo eseg.

Ŋilep. 8:15

toarae nai emoŋ ŋol. Tolemu Moses ŋaokot ke ekimoin keŋ, kiwosak loboorei ŋulu asibito ŋamomwar anamuroet aŋuna ka akitaleun namuroet. Tobukok ŋaokot ŋunace ŋuna idoŋete neni ewuar namuroet. A ŋun, abu Moses kitaleu amuroet tomooku.

Ŋilep. 8:19

ido nai toarae. kipakak nai Moses ŋaokot lowaetin a namuroet daadaŋ.

Ŋilep. 9:18

Toar Aron emoŋ ke emesek erae ainakinet a ŋituŋa ŋina ke ekisil. Inakis ŋidwe keŋ ŋulusapa iŋes ŋaokot ŋuna abu iŋes, kipakak iŋes lowaetin ŋulu a namuroet daadaŋ.