Ŋibur. 8:10 - Ebaibul

¹⁰ Tokona erae na Acamunet ŋina ikicamunor ayoŋ ka ŋituŋa a Isirael alorwa a ŋulu eponito: Ewuakini ayoŋ Ŋikisila kaŋ natameta kec, egirakini daŋ ikes lotai kec. Aruwor ayoŋ Akuj kec ka eruworosi ikes ŋituŋa kaŋ.

Ŋibur. 8:10 Iomraidhean Croise

Awos. 24:4

Kigir nai Moses ŋakiro ke Ekapolon daadaŋ. Tonyou Moses ataparacu ŋinace, todukok Namuroet nakeju ke emoru, tosipok nen ŋamoru ŋatomon ka ŋaarei, ekimar ŋolo a ŋikabilae a Ŋisirael a ŋulutomon ka ŋiarei.

Awos. 24:7

Tolemu nai Ekitaabo ŋolo ka Acamunet tosyomak ŋituŋa. Toboŋokis ŋituŋa temasi, “Ikitiyae isua ŋakiro daadaŋ ŋuna adau Ekapolon alimun; ikiwuapi isua ŋakiro ŋuna ke Ekapolon.”

Awos. 34:1

Tema Ekapolon neni a Moses, “Kicieu ŋamoru ŋunadapal ŋaarei, ŋuna ikote ŋunakuar a ekiŋaren, ido egiri ayoŋ nen ŋakiro ŋunakuar egirir namoru ŋunadapal ŋuna a ekiŋaren, ŋuna ibu iyoŋ tobwaŋ.

Awos. 34:27

Tema nai Ekapolon neni a Moses, “Kigir ŋakiro ŋun, anerae erae ŋakiro ŋun ŋuna ikicamunor ayoŋ ka iyoŋ ta Ŋisirael.”

Eete a Ŋie. 2:16

Erae ŋolominat kaŋ ŋolo kaŋ ka arae ayoŋ ŋina keŋ; iyoki iŋes ŋamesekin keŋ lonya ŋulu eya neni eya ŋicomocomo,

Yer. 24:7

Ainakini ayoŋ ikes etau ŋolo eyeniata ikes atemar ayoŋ arae Ekapolon ka eruworosi ikes ŋituŋa kaŋ, ido aruwor ayoŋ Akuj kec, anerae eboŋunete ikes neni kaŋ a ŋitai kec a daadaŋ.

Yer. 31:1

Alimu Ekapolon ebe, “Apaki ŋin aruwor ayoŋ Akuj a ŋikalya a daadaŋ a ŋulu a ŋituŋa a Isirael, ido eruworosi ikes ŋituŋa kaŋ.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:38

Eruworosi ikes ŋituŋa kaŋ ka aruwor ayoŋ Akuj kec.

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Esek. 37:27

“‘Eyakaun akibois kaŋ ŋina eboiyo ayoŋ neni eyakasi ikes, aruwor ayoŋ Akuj kec ka eruwor ikes ŋituŋa kaŋ.

Esek. 39:22

Ameun akoloŋit ŋin tari lorwa ŋulu eponito, eyenunete Ŋisirael atemar arae ayoŋ Ekapolon Akuj kec.

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Osea 2:23

Tosodi ewuakini ayoŋ ŋituŋa kaŋ nakwap ka ainakini ayoŋ ikes arereŋu. Etoodikini ayoŋ amina kaŋ neni a ŋini sek anyaritae ebe, ‘Lo-Ruami,’ ido atemari neni a ŋini sek anyaritae ‘Lo-ami’ ebe, ‘Irae iyoŋ ŋini kaŋ’. Etemari iŋes ‘Irae iyoŋ Akuj kaŋ.’”

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Mat. 22:32

‘Arae ayoŋ Akuj ŋina ka Aburaam, ka Isaka, ta ŋina a Yakobo’ a? Meere iŋes Akuj a ŋikatwak, nai Akuj a ŋulu eyarete.”

Ŋirom. 11:27

Ebala Akuj ebe, “Ikicamun ayoŋ ka ikes anakiro a nu apaki ŋina alemarya ayoŋ ŋasecisya kec.”

1 Ŋikor. 6:16

Kori nyiyenete iyes atemar ituŋanan ŋini imorikinosi ka amalaat eruworosi apeikuwan ka amalaat a? Elimunito Ŋakigireta ileerete ebe, “Eruworosi ŋuluarei ŋul apeikuwan.”

2 Ŋikor. 3:3

Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 11:16

Nai arae akibois ŋina ajokan akilo eitanito ikes, akibois ŋina eyai nakuj. Aŋun, nyirumito Akuj ŋileec enyarito ikes iŋes Akuj kec, anerae etemok etaun aŋuna kec.

Yak. 1:18

Aŋuna ka acamit keŋ, abu ikiinak iwon akiyar alotooma akirot keŋ ŋina a kire, ikotere nai ikiruwor iwon ŋulu eŋarenok alosubuna keŋ a daadaŋ.

Yak. 1:21

Aŋun, toesikisi ŋakiro ŋuna aronok ka ŋipitesyo ŋulu aronok daadaŋ. Kijautu ka akiyapara akirot ŋina iwuakinit Akuj lotai kus, ŋina epedori akiteyar ŋitai kus.

1 Pet. 1:23

Pa aponi ikidoun iyes nabo alokinyomit a ŋolo ebosi, nai alokinyomit a ŋolo eyari, alotooma akirot ŋina ka Akuj, ŋina nyedaun.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.