Ŋibur. 7:5 - Ebaibul

⁵ Ŋipapae a Lepi ŋulu arae ŋisacaradotin ikes elimokinitae alotooma Ŋikisila a Moses atemar itemokino tocunanakinete ŋatutubeta ŋapeipei anatomon aneni a ŋituŋa a Isirael, iŋes atemar aneni a ŋituŋa a ŋulu ka akwap kec; tari daŋ kerae ŋituŋa ŋul ŋipapae ka Aburaam.

Ŋibur. 7:5 Iomraidhean Croise

Akisy. 35:11

Tema Akuj neni keŋ, “Arae ayoŋ Akuj ŋina Etiron: Topit, tolalata ŋituŋa kon; elomunete aneni kon ŋituŋa ŋulu ka akwap a apei ka ŋituŋa ŋulu a ŋakwapin a ŋuna alalak, elomunete ŋirwosi aneni kon.

Akisy. 46:26

Ekimar a ŋituŋa a ekal a Yakob a ŋulu arukorete ka iŋes Ijipit pa imarakinitae ŋaberu a ŋidwe keŋ, arae daadaŋ ŋatomonikanikapei ka ŋikanikapei.

1 Ŋirw. 8:19

Kikote neni daŋ, meere iyoŋ iduki Akai ka Akuj, nai lokoku kon, ŋolo erae iyoŋ iuruuni, iŋes eduki Akai aŋuna a ekiro kaŋ.’

Neem. 13:10

Abu daŋ oryamu atemar keponi nyeinakin ŋilepi akimuj ŋina sek amaikina ikes eryamununeete, ido kepotu ŋilepi ka ŋikaeok ŋulu sek etiyaete alo Kai ka Akuj toloto akitare ŋimanikorin kec aŋuna ka aryamunia akimuj aŋuna kec.

Awos. 1:5

Arae ekimar a ŋiletok a Yakob daadaŋ ŋatomonikanikaarei. Aris Yosepu apaki ŋin keberar Ijipit.

Awos. 28:1

“Tonyarau lokaato kon Aron ka ŋidwe keŋ ŋulusapa neni kon aneni a Ŋisirael a ŋuluce, eketiyanakis ayoŋ ikwapei ŋisacaradotin. Tonyarau iŋes ka ŋidwe keŋ ŋulusapa lu: Nadab, Abiu ka Eleasar ta Isamar.

Ekim. 18:7

Nai iyoŋ ka ŋidwe kon ŋulusapa kitiyata ejok ŋiticisyo kus ŋulu ka asacaradotonu alotooma daadaŋ ŋuna iitana anamuroet ka anakibois a ŋina asegan nooi. Akainak ayoŋ iyoŋ asacaradotonu ikwapei ainakinet, ituŋanan ŋinigela daadaŋ ŋini eapuuni nen, emaikina toarae.”

Ŋikis. 26:12

Ani kidaut iyes alemun ŋatutubeta ŋapeipei alotooma ŋitomon a ŋikinyom kus alokaru a ŋolo a ŋiuni (a ŋolo erae ekaru ŋolo elemununuyere atutubet apei alotooma ŋitomon) ka kidaut ainakin neni a ŋilepi, a ŋigelaanotin, a ŋikokyok ka neni a ŋapuseru ikotere, imujete ikes daŋ akimuj ŋina itemokino alotaunio kus,

Ŋibur. 5:4

Nyeseun ituŋanan bon tema apoloor iŋes oruwor Esacaradoti ŋolo Apolon nooi. Akuj bon enyarae ituŋanan kituruwo Esacaradoti ŋolo Apolon nooi--ikwapei anyaraa koloŋ Aron.

Ŋibur. 7:10

Tari ŋina ariŋaakar Lepi nyidouno, ikitemari ayai iŋes tooma akuwan ŋina a papaa keŋ Aburaam ŋina eryamunotor Melekisedek ka iŋes.